Aesaya 55:3 - mzwDBL

³ Hé cheɡ deŋne, dɛ́ ba n be, hé no n be, ásɛ dɛ dɔ mkpa. N ne hɛɛ fɔwɛ fɔwee o do le saŋ bɛlbwa dɛɛ la, ɡɛ maa baɡɛ Devid nyoa ŋɔ, mɛɛ dɛɛ nyin o waa kasinteŋ nee la.

Aesaya 55:3 ပူးပေါင်းရင်းမြစ်များ

Mumpar 17:7

Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ.

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

2 Samoɛl 23:5

Gɛɛ Korowii ɛɛ ba n naanar andɛɛɡa sweera, dɛkalkɛ n ne o fɔwɛ fɔo waa do le saŋ bɛlbwa dɛɛ la, fɔo waa wola chɔɡ bwa, nyobaɡa waa wola charɛ. Waa bwa maa dɛ nyin laanee la, Korowiirii dɛ́ ɡel a bwa ɛ ɡɛ dɛ́ tɛ mɛ.

2 Samoɛl 7:29

N dɛ soŋe kɛ he swee n naanar andɛɛɡa, ásɛ baa di he laworomɛ saŋ bɛlbwa. Hen Nemenɛ Korowiirii baɡ mɛ a ɡɛ nyoa nɔ. Sweera haa sweera tɛ n naanar la ɛɛ do lee saŋ bɛlbwa dɛɛ la.”

2 Webena 6:42

N Naa Korowii, lii he nyina haa dɔa tɛ he bonɔɔ Kooro Devid ne nyoa haa baɡɔ la wa, bɛ kooro haa leo cheɡ tɛ he te la vɛh.”

Yela 119:112

N bambile lawɔ kɛ mɛɛ teŋɛ he waa la taa, ka tel tɔpere maa sewɛ.

Yela 119:175

Gel n dɔ mkpa, ásɛ dɛ won kpɛɛre, ɡel he Mmarare la cha mɛ.

Yela 78:1

N nɛra, hé no waa maa dɛ baɡle heya, hé cheɡ deŋne dɛ́ no waa maa dɛ bol.

Yela 89:28

Mɛɛ ɡeloo n nyina do o nɛɛ saŋ bɛlbwa, ásɛ n ne o fɔo yaa fɔwɛ la bɛ chɔɡ bwa.

Yela 89:29

O naanar ɛɛ dɛɛ di koraa saŋ bɛlbwa dɛɛ la. O kora dii ɛɛ cheo kiŋkiŋ saŋ bɛlbwa, ɡɛ nyundua aa lole saŋ bɛlbwa nɔ.

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Sɛɡla 4:20

N bie, cheɡ deŋne dɛɛ no waa maa bol baɡle, dɛɛ no n be kɛrɛdɛ.

Sɛɡla 7:2

Dɛɛ no n waa dɛ́ dɔ mkpa, dɛ́ɛ nyiŋi waa maa dɛ baɡle la ta kɛrɛdɛ, kɛŋɔ he siwinyiŋi ken.

Aesaya 51:4

N nɛra, hé no n be! N harɛ ta nɛra, hé cheɡ deŋne no waa maa dɛ bol nɔ. Mɛɛ ɡeloo he jemɛ me Mmarare, ásɛ n kasinteŋ ɛ kandea dɛɛ chaah harɛre nɛra.

Aesaya 54:10

Hale bwejena jiɡro le a buɡ ta, asɛ deŋɡarere chuɡri aa, n nyina aa wola jaɡa dɔe la te ɛɛ do lee, n ne he deŋnesɔɔhna fɔo la ɡe aa jaɡa dɔe ba bwa. Men Korowii maa dɔ tedoma tɛɛ laanee bola.

Aesaya 54:8

Bandia kohonaa ɡela n laa sie kpɔ he nɛɛ tama, kɛ n nyina aa wola jaɡa dɔe nomanta, mɛɛ dɔ tedomaa tɛɛ. Men Korowii maa ɛ he Lɛɛ bola.

Aesaya 61:8

Korowii ŋɔ, “N dɛ nyin waa bola dɛ́ pa bole aŋwɛnɛ ta, n kii ŋwɛɛ ne wechɔɡa ɛɛ. Mɛɛ tɛ n nɛra kembɔree kasinteŋ ta, n ne ba fɔwɛ fɔo, o do le saŋ bɛlbwa.

Jeremia 30:9

Baa tomɛ men Korowii baa dɛ tom mɛ laanee, ne Kooro Devid naa maa leo tɛɛ ba, wɛɛ di kora ba nɛɛ la.

Jeremia 32:40

N ne baa fɔwɛ fɔwee ó chɔ le saŋ bɛlbwa dɛɛ la. Maa wedɛɛɡa maa ɛɛ ba ɡel bwa, mɛɛ kpɔ n ɔmaa do ba bini, ásɛ ba bɛ habɔɔ berɛ kpo mɛ kpa.

Jeremia 33:26

Gɛ maa ɛa nɔ nomanta, mɛɛ ɡeloo n ne Jekɔb naanar ne n bonɔɔ Devid fɔo yaa fɔwa la do le. Mɛɛ le Devid naanar la bini bɛlee ó ba nyiŋi Abraham ne Aesek dɛ Jekɔb naanar nɛ. Mɛɛ dɔ tedomaa tɛ n nɛra, dɛ́ ɡel ba wobɛlbwa berɛ do wer tɛɛ ba ja.”

Jeremia 38:20

Anee men Jeremia chaŋe ŋɔ, “Baa he lee ba dɛ tɛɛ ba. He te ɛɛ teŋɛ waa Korowii aa bola la ta, ásɛ wobɛlbwa kaa kɛrɛdɛ tɛɛ, he dɔ he nyu.

Jeremia 50:5

Baa bɔɔ Saayɔn ŋwɛnɛ waa, dɛ́ kpɔ sie chaɡɛ bela kaa. Baa kpɔ ba tenee ba pɛl men Korowii, ásɛ n ne ba fɔwɛ fɔo waa do le saŋ bɛlbwa dɛɛ la, baa wola o waa soh bwa.

Ɛsekeɛl 16:60

Kɛ mɛɛ lii fɔo n ne haa fɔwa he toli saŋ laanee, ásɛ n ne he berɛ fɔwɛ fɔo waa do le saŋ bɛlbwa dɛɛ la.

Ɛsekeɛl 34:24

Men Korowiirii dɛ́ ɛ Korowii baa tom mɛ, ásɛ kooro waa do kɛ n bonɔɔ Kooro Devid ɛ ba kooro. Men Korowiirii bola.

Ɛsekeɛl 34:25

N ne baa fɔwɛ deŋnesɔɔhna fɔwee, dɛ́ le kpɔɡ bini olchɔɡa ne harɛ la ta, ásɛ n peera la do pua kpɔɡbaah ta, dɛ́ chɔ kɔne bini deŋnesɔɔhna ta.

Ɛsekeɛl 37:26

N ne baa fɔwɛ deŋnesɔɔhna fɔwee o do le saŋ bɛlbwa dɛɛ la. Mɛɛ ɡeloo ba do kpeɡri ba mun ya kohona, ásɛ n kpɔ n Dea la ba cheɡ ba harɛ ta saŋ bɛlbwa dɛɛ la.

Lewi Dea Tena 18:5

Hɛɛ teŋɛ me Mmarare ne waa maa dɛ do heyaa a ta la bwa ta. Nomɛlbwa waa dɛɛ teŋɛ waa aa lɔ Mmara la bwa ta la, wɛɛ dɔ mkpaa le Mmara la ta teŋa ta. Men Korowiirii bola.

Emɔs 5:4

Korowii ŋɔ Israel tena be ŋɔ, “Hé berɛ ba n be, ásɛ dɛ dɔ he nyu.

Emɔs 5:6

Emɔs ŋɔ, “Hé berɛ ba Korowii be dɛ́ dɔ he nyu, ɡɛ laa aa, wɛɛ ba he Israel tena nɛɛ kɛŋɔ nii, dɛ́ ba fuh heya, dɛ́ fuh Bɛtel tena ɡe, nomɛlbwa aa wola won dima.

Matiu 11:28

He banɔ la he soɡa bini waa aa kana ɡwaa he nɛɛ la bwa, hé kpɔa ba n be ásɛ n lɛ heyaa he onɛ.

Matiu 13:16

Kɛ he te, he nyu som taeh. He sibie dɛ na, he deŋna ɡee no wa.

Matiu 17:5

O nyoa taa lɔ waa ta wɛɛ bol la, dɛ bampoŋ bɛl denɔ ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinu o wa ɛɛ su n siwii nɔ. Hé cheɡ deŋne dɛ́ no o be.”

Amanesoma Jɔn Aa Chwera Tɔn 10:27

N peera dɛ no n taa, asɛ n jema aa teŋɛ n nɛ,

Amanesoma Jɔn Aa Chwera Tɔn 6:37

Nomɛlbwa n Mɛɛ Korowii aa kpɔ tɛ mɛ la ɛɛ ba n bee dɛ́ ba teŋɛ n nɛ. Maa nomɛlbwa ɡe waa ba n be laanee doŋi ta bwa,

Amanesoma Jɔn Aa Chwera Tɔn 7:37

Ba Kukure tɔpera la dii ta tɔpere waa baa ka mun dɛ ɛ tɔpejen tenten la, Yeesu iro che dɛ kpɔ takpeɡ ŋɔ, “Nomɛlbwa nyɔɡre aa dɛ kpoo la, ó ba n be ń tɛo nee ó nyɔ.

Amanesoma Jɔn Aa Chwera Tɔn 8:47

Nomɛlbwa waa ɛ Korowii bie la dɛ no o wa. Haa wola o bii ɛɛ la waa haa wola o waa nyin dɛ́ no la.”

We-ɛɛla 13:34

Gɛ Korowii aa baɡle o waa o Tɔn bini ŋɔ wɛɛ iru seo taa ásɛ o bɛ bɔɔ bini chɔ pɔh laanee nɔ. ‘Mɛɛ ɛɛ wedɛɛɡa maa baɡɛ Devid nyoa kasinteŋ bwa ne laanee.’

Tɔn Pɔɔl Aa Chwerɛ Rom Tena 10:5

Kenii Mosis bol nɛra baa dɛ nyin ba che Mmara ta teŋa ta ásɛ ba waa su Korowii siwi la wa. O ŋɔ, “Nomɛlbwa waa dɛ teŋɛ waa aa lɔ Mmara la bwa ta la, wɛɛ dɔ mkpaa le Mmara la ta teŋa ta.”

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.