Aesaya 55:2 - mzwDBL

² Bɔkwa waa hɛɛ chɔɡ suuɡa kwaa aa wola kondikwaa ɛɛ ta, dɛɛ koh kwaa aa wola vaɡɛ ta nɔɔ? Hé cheɡ deŋne kɛrɛdɛ dɛɛ no waa maa dɛ baɡle heya, ásɛ dɛ dɔ kondikondɛɛɡa di.

Aesaya 55:2 ပူးပေါင်းရင်းမြစ်များ

Yela 22:26

Nyaara ɛɛ di kwaa vaɡɛ ɡɛ baa dɛ nyin, nɛra baa dɛ tomɛ Korowii ɛɛ kpɛɛroo. Kórowii ɡel bá dɔ silɛɛ saŋ bɛlbwa dɛɛ la!

Yela 34:11

N bii, hé ba dɛ́ ba cheɡ deŋne no n be, mɛɛ baɡle heyaa ɡɛ haa kpɔ duure tɛ Korowii.

Yela 36:8

He tɛ yaa kondikwa a warɛ yaa di he dem, dɛ tɛ yaa he wedɛɛɡa, a do kɛ nee waa dɛ palɛ yaa nyɔ.

Yela 63:5

N sie ɛɛ lɛo kɛ maa di silɛɛ kondikonjena dɛ vaɡɛ ken, dɛ́ ɡo silɛɛ yela kpɛɛ he sɔn.

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Sɛɡla 1:33

Kɛ nomɛlbwa waa dɛ no n waa la te ɛɛ so lee jeiih ken, o bwara sɔɔhno, ɔmee liire bɛlbwa aa wola on pu.”

Sɛɡla 7:23

bela hɛm aa yaɡɔ dɛ́ kpoo la. O berɔ do kɛŋɔ jumbie aa toola dɛɛ kaa bel ta, waa wola jemɛ kɛŋɔ o dɛ ba sewa la.

Sɛɡla 8:32

N bii, name hé no n be, nomɛlbwa waa dɛ teŋɛ n waa ta la, o na som.

Sɛɡla 9:5

“Hé ba di kwaa dɛ́ nyɔ sen maa koo kwaa a ta nɔ ane.

Wejereme 6:2

Korowiirii dɛɛ tɛ nɛn kondɔɔh ne jirima, ɡɛ aa ɛ o bɛ komɛlbwa waa dɛ nyin nya o soɡa bini. Kɛ Korowii aa ɡel ó dɔa di, nɛmpɛɛ bɛlee yon berɛ ba kpɔ. Anɔ ta mun dɔe, a ɛ wedoŋa.

Aesaya 1:19

Dɛ he ɛ deŋnepwɛr dɛ no n be te naa, hɛɛ dɔ harɛ la ta kondɛɛɡaa di.

Aesaya 10:27

Mɛɛ laa wahala baa dɛ ɛ heyaa a berɛ heyaa bone laanee kpɔ he nɛ, ásɛ wobɛlbwa le he baŋa a ɡɛ saŋ.

Aesaya 25:6

Koranar Bwa Kooro ɛɛ yerɛ harɛre nɛra bwaa ŋɔ, bá ba di kondikonjena, dɛ́ nyɔ sendɛɛɡa dɛ́ lɛ ba sie, Saayɔn Bwejen ta Jerusalam.

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

Aesaya 46:6

Bane fuɡe suuɡaswɛm ne suuɡapoŋa le pure bini, dɛ kpɔa dawɛ kon baa kpɔa dɛɛ kari kwaa ta. Ba kpɔa tɛ nɛn waa dɔ suuɡaswɛm kpɔe dɛ ɛ kwaa wejema o kpɔ kwaa voɡ, asɛ ba ɡuŋi dɛɛ tomɔ.

Aesaya 51:1

Korowii ŋɔ, “He banɔ la he siwi aa swɛɛ waa aa toɡra ta, hɛɛ nyin he jem mɛ la, hé no n be. Hé lii he nabaa Abraham waa do kɛŋɔ bwe baa pɛɡre heyaa le o ta, ne bɔɔ baa kwi heyaa le o bini la.

Aesaya 51:4

N nɛra, hé no n be! N harɛ ta nɛra, hé cheɡ deŋne no waa maa dɛ bol nɔ. Mɛɛ ɡeloo he jemɛ me Mmarare, ásɛ n kasinteŋ ɛ kandea dɛɛ chaah harɛre nɛra.

Aesaya 51:7

He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.

Aesaya 62:8

Korowii baɡɛ nyoa, dɛɛ ba ɡela a che o kpeɡri ta ɛ ɡɛ. O ŋɔ, “Maa ɡel he dɔma dɔ he mea di kpa, nɛŋhɔɔhra ɡe aa he senee dɔ nyɔ kpa.

Aesaya 62:9

He banɔ la haa du mea dɛ koma laanee dɛɛ ba a dii, dɛ́ kpɛɛ men Korowii. He banɔ la haa pa ɡrepo nɔna laanee dɛɛ ba a sen nyɔe n Dea dembaahna.”

Aesaya 65:23

Baa koh ta pɛɛ bwa, ba tomare bwa ɛɛ do werii tɛɛ ba. Wekpeɡa ɡe aa ba bii nɛɛ ba bwa. Mɛɛ swee andɛɛɡaa tɛ ba ne ba naanaree saŋ bɛlbwa dɛɛ la.

Jeremia 12:13

N nɛra ɛɛ du meaa, kɛ sɔɔhnee baa ba koma, dɛ́ koh pɛɛpɛɛ baa wola komɛlbwaa dɔ. N bandia kohona nomanta, ba koo kondikwaa bwa chɔɡɔ sihiih kpo ba.”

Jeremia 17:24

Kɛ dɛ he cheɡ deŋne dɛ no n be, he ta bone bɛlbwa kpɔe kpɔ bwɛjen nɔ doonyojena ta Ona Tɔpere ta, dɛ ɡel tɔpere la do ɡoroŋ, he ta toma bɛlbwa o ta ɛɛ yaa,

Jeremia 2:13

Wechɔɡa anɛɛ n nɛra ɛɛ mɛ, ba vɛh men maa do kɛ bule, o nee aa lole saŋ bɛlbwa, dɛ ka kwi bɔɔne aa won nee lɛɛ, bɔɔne aa peɡra aa wola won lɛ ne.

Jeremia 31:14

Mɛɛ ɡeloo sɔfore di kondikondɛɛɡaa, ásɛ n nɛra bwa ɡe dɔ ba kwaa baa dɛ nyin. Men Korowiirii bola.”

Hosia 12:1

Israel tena wobɛlbwa ɛ wepɛɛ dɛɛ chɔɡ wa tɔpere te bɛlbwa. Ba chwao dɛɛ ti nyosone, asɛ naɡrenyin we-ɛɛla ɡe su ba bwa. Ba ne Asiiria tena fɔwɛ fɔo, ba ne Ijipt tena ɛɛ di bona.

Hosia 8:7

Ba du peu dɛ ɡel mea, anomanta, kawulewulee baa ba koma. Mea aa wola bie dɔe ta kondikwaa dɔe. Dɛ a dɔ bie kwaraa naa, nɛŋhɔɔhraa dɛɛ ba a dii.

Habakuk 2:13

Koranar Bwa Kooro ɛa kɛŋɔ harɛre nɛra toma baa ɛa dɛ koh la bwa dɛ ba fuih. A bwa ɛ koeh pɛɛpɛɛ.

Matiu 15:9

Nɛwɛnyini mmarare taa baa baɡle ŋɔ nɛ́ra teŋɛ, anomanta, pɛɛpɛɛ baa tom mɛ.’ ”

Matiu 22:4

Anee o berɛ kwaa tomɛ banfala dɛ ŋɔ ba be ŋɔ, ‘Hé ka ŋɔ nɛra maa yer ba la be ŋɔ ba tonɛ kondikwaa la. N kpoo nabala ne nae aa do noorare kohona, anomanta, n tonɛ komɛlbwa kɛ bá ba.’

Matiu 5:6

Nɛra ba sie aa beɡre waa aa toɡra dɛɛ su Korowii siwi la, ba na som, dɛkalkɛ Korowii ɛɛ cha baa a ta kɛrɛdɛɛ bá dɔa ba tetoora.

Amanesoma Mak Aa Chwera Tɔn 7:14

Yeesu yerɛ nɛra la ba o be ja dɛ ŋɔ, “Hé bwa no n be dɛ́ jemɛ kɛŋɔ

Amanesoma Luk Aa Chwera Tɔn 15:23

He tonaa, hé ka lawɛ nabie la bwa bini ondɛɛɡe dɛ́ ba kpo, ásɛ ya di kwa, dɛ́ lɛ ya sie,

Amanesoma Jɔn Aa Chwera Tɔn 6:27

He bɛ kondikwaa aa won chɔɡa nɔ ta dɛɛ koh. Hɛ́ɛ koh kondikwaa aa wola chɔɡ dɛɛ tɛ mkpa aa wola jaɡa dɔe la ta. Gɛ kondikwaa nɔɔ Men Nɛn Bie la ɛɛ ba heyaa tɛɛ, dɛkalkɛ menee Korowii tɛ kpeɡri kɛŋɔ kooro aa tomɛ o bie faahna ne la.”

Tɔn Pɔɔl Aa Chwerɛ Rom Tena 10:17

He nyiŋo na naa, Yeesu Kristo waa la noe taa a che nɛra ɛɛ yaradaa, asɛ a bola ɡe taa a che nɛra ɛɛ noa.

Tɔn Pɔɔl Aa Chwerɛ Rom Tena 9:31

Kɛ Israel tena te aa swɛɛ siwi dɛ kpɔ ba sie do Mmara ta teŋa ta, dɛ ŋɔ anee dɛ́ ɡel Korowii lɛɛ ba kɛ nɛndɛɛɡa ba waa su o siwi la, o siwi ta ba te kwaraa sui.

Mmarare 11:13

Anomanta, dɛ he teŋɛ Korowii Mmarare maa kpɔa dɛɛ tɛ heyaa fini nɔ ta, dɛ nyin Korowii dɛ tomɔ he bambile ne he hweera bwa ne naa,

Hibru 13:9

He bɛ ɡel wefala chɔɡ he liire ásɛ he le Korowii ŋwɛnɛdɛɛɡe la ta. He dɛ nyin he do kpeɡri Korowii nɛɛ teŋa ta naa, hé kpɔ sie dawɛ chae Korowii aa sune nɛra nɛɛ dɛɛ cha ba la ta. He bɛ sie kpɔ dawɛ kondikwaare ane kii ne ane dii ta, dɛkalkɛŋɔ a ta wone cha nɛra baa kpɔ sie dawɛ a ta la.