Aesaya 55:12 - mzwDBL

¹² Silɛɛ nee hɛɛ ba Babelɔn lee, bosɔɔhna nee baa ba he sie tɔe le he ne bwɛjen la ta. Bwejena ne deŋɡarere bwa ɛɛ nao dɛɛ ɡo yela, daa bwa ɡe lɔ kpaŋa.

Aesaya 55:12 ပူးပေါင်းရင်းမြစ်များ

Yela 105:43

Gɛɛ a do Korowii tɔ o nɛra waa lee ba tɛ o te la sie le Ijipt harɛ, asɛ ba ɡo yela dɛ do lɔŋɔre dɛɛ hɛɡre.

Yela 47:1

Harɛre bwa nɛra, hé lɔ kpaŋa, á baɡle kɛ he sie lɛo, hé do lɔŋɔre kpɛɛ Korowii silɛɛ yela ne.

Yela 65:12

Hale kpɔɡa moɡɛ pua hɛŋle ɡbo harɛ ta, asɛ deŋɡarere do wer kɛŋɔ nɛra sie aa lɛa ken.

Yela 65:13

Peera lɔ kpɔɡ bini bobɛlbwa, dɛɛ di, fɛlembɔjena bwa su mea, aa ɡo yela dɛɛ moo silɛɛ ne kɛ nɛra ken.

Yela 69:34

Korowii kontaala aa lɔ nyundua ne harɛ kwaa bwa kpɛɛ Korowii, mpo ne kwaa aa lɔ o bini bwa ɡe kpɛɛro.

Aesaya 14:8

Lɛbanɔn harɛ peleme daa, ne anɔ la aa jaa kwaraa sie lɛ wechɔɡ-ɛɛ la kora la ɡui wa, dɛɛ ŋɔ, ‘Taraken baa ba he ne harɛ nɔ, nomɛlbwa toole dɛ́ teŋe yaa kpa.’

Aesaya 35:10

Baa valɔɔ ɡo silɛɛ yela ka jo Jerusalam, hɛɡra aa wola nyoa dɔe ne. Ba sie ɛɛ lɛo ba bwara sɔɔh ba, suna dii ne tebinichɔɡ le ba bini kwaraa.

Aesaya 44:23

Kwaa aa lɔ nyundua, hé ɡo silɛɛ yela. Komɛlbwa aa lɔ harɛ ta ɡe, hé ɡo hɛɡra yela, hale bwejena ne kɔr bini daa bwa. Dɛkalkɛŋɔ Korowii lɛ Israel tena, dɛ baɡle o jirima waa dɔa.

Aesaya 48:20

Hé le Babelɔn harɛ ta, hé chwa le o nɛra bini! Hé kpɔ silɛɛ taa bol bobɛlbwa ŋɔ, “Korowii lɛ o bonɔɔna Israel tena.”

Aesaya 49:13

Kwaa aa lɔ nyundua, hé do lɔŋɔre silɛɛ ne, kwaa aa lɔ harɛ ta ɡe, hé hɛɡre! Bwejena ɡe ɡo silɛɛ yela. Korowii ɛɛ larawe o nɛra bwaraa, wɛɛ dɔ tedomaa tɛ wahala tena ɡe.

Aesaya 51:11

Nɛra haa lɛɛ ba la ɛɛ berɔɔ ba jo Jerusalam, dɛ́ ɡo yela dɛɛ hɛɡre silɛɛ ne. Ba sie ɛɛ lɛo saŋ bɛlbwa, ásɛ sum ne hima le kwaraa.

Aesaya 52:9

Jerusalam tena, he bwɛjen berɛ dimɡbia, hé pɛ ɡo silɛɛ yela. Korowii larawe o nɛra bwara, dɛ lɛ Jerusalam ɡe.

Aesaya 54:10

Hale bwejena jiɡro le a buɡ ta, asɛ deŋɡarere chuɡri aa, n nyina aa wola jaɡa dɔe la te ɛɛ do lee, n ne he deŋnesɔɔhna fɔo la ɡe aa jaɡa dɔe ba bwa. Men Korowii maa dɔ tedoma tɛɛ laanee bola.

Aesaya 54:13

Men Korowiirii dɛ́ baɡle he bii wa, dɛ́ ɡel a chiɡ ba kɛrɛdɛ, bá dɔ deŋnesɔɔhna.

Jeremia 29:11

Dɛkalkɛ n jemɛ anɔ la maa vɔrɔwa dɛɛ cheɡ heya. Vɔrɔwa aa ɡel he wobɛlbwa do wer, haa wola chɔɡ, ásɛ he dɔ kerekere hwɛɡa.

Jeremia 30:19

Nɛra baa soɡe bela ɛɛ ɡo kpɛɛra yelaa, dɛ́ do lɔŋɔre dɛɛ hɛɡre. Mɛɛ swee ba andɛɛɡaa, dɛ́ ɡel ba mun ya, ásɛ dɛ dɔ duure.

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

Jeremia 33:6

Kɛ bwɛjen nɔ nɛra te, mɛɛ berɔ ɡel bá dɔ bokpeɡa, dɛ́ ɡel ba dɔ deŋnesɔɔhna ne bosɔɔhna ɡe kohona.

Ɛsekeɛl 17:24

Daa aa lɔ harɛ la ta bwa ɛɛ jemɔɔ kɛŋɔ men Korowii, n ɡelɔ daa waa do jaŋne mule, dɛ ɡel daa waa mula do jaŋne. N ɡelɔ da-lwɛɛ hol, asɛ daa waa hola moɡɛ papooni dɛ do wer. Men Korowiirii bola, mɛɛ ɛo.”

Amanesoma Luk Aa Chwera Tɔn 15:10

Kasinteŋ, ɡɛɛ aa ba Korowii doa ɡe doe. Wechɔɡ-ɛɛ beŋkpoŋ charɛ o liire dɛ le o wechɔɡa ta naa, Korowii ne o nyundua toroma sie ɛɛ lɛ o nɛɛ taeh.”

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Tɔn Pɔɔl Aa Chwerɛ Rom Tena 5:1

Taraken nɔ, ya yarada aa ɡela Korowii lɛ yaa kɛ nɛndɛɛɡa ya waa su o siwi nɔ, ya Dɔɔ Yeesu Kristo nɛɛ a che asɛ ya ne Korowii pɛ.

Tɔn Pɔɔl Aa Chwerɛ Rom Tena 5:11

A ɡbo laa. Ya sie lɛ Korowii nɛɛ kohona ya Dɔɔ Yeesu Kristo nomanta. O nɛɛ a che ya ne Korowii pɛ.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Kolosi 1:11

dɛ́ won dɔ kpeɡri kɛrɛdɛ dɛ́ le o ɡbaɡba kpeɡri waa do kan dɛ dɔ jirima kɛrɛdɛ la ta. N dɛ soŋe Korowii ó cha heyaa ɡɛ hé won lawɛ bambile wobɛlbwa ta,