Aesaya 55:11 - mzwDBL

¹¹ Gɛɛ waa aa le n nyoa ɛɛ ba ɛɛ. Maa bol á berɛ ba n be pɛɛpɛɛ, nemenɛ waa maa dɛ nyin la bwa aa ɛa ka tonɛ.

Aesaya 55:11 ပူးပေါင်းရင်းမြစ်များ

Aesaya 40:8

Kpɔɡa dɛ sewɛ, a fee ɡe ɛɛ chure, kɛ Korowii yaa dɛ tomɔ la te waa lole saŋ bɛlbwa dɛɛ la.”

Aesaya 45:23

N ŋwɛɛ n ɡbaɡba, maa nentanee ta dɛ́ berɛ kpɛla. N nyoa wobol bɛlbwa toɡrɔ. Nomɛlbwa ɛɛ ɡuŋ mɛ harɛɛ, ásɛ dɛ che n sɔn ta ŋwɛɛ kɛŋɔ ba Dɔɔree men.

Aesaya 46:10

N bol waa aa dɛ ba chiɡa mɔɔ a ba, saŋ la bwaa n le baɡle anɔ la a taa dɛ ba bala. N ŋɔ waa maa maɡla bil bwa ɛɛ ɛo, mɛɛ ɛ anɔ la bwa n tea aa tooraa.

Aesaya 53:10

Korowii ŋɔ, “Men Korowii tetooraa ba doo bol, o na wahala. O seo la ɛ bolchɔɡe dii saraha, dɛ kpɔ nɛra wechɔɡa baa ɛa dɛɛ kɛ ba. Waa wona ɛ ɡɛ la, wɛɛ dɔ mkpajaŋee dɛ́ na o naanar, ásɛ a che o nɛɛ waa men Korowii aa maɡla bil la ɛ kɛrɛdɛ.

Aesaya 54:9

A do kɛŋɔ Nowa ber saŋ ken n be, ɡɛ maa ŋwɛɛra kɛ maa ɡel nee su bɔle harɛ bwa kpa la. Gɛɛ taraken mɛɛ ŋwɛɛ kɛŋɔ n baah aa he nɛɛ di ń tɛr he deŋne kpa.

Aesaya 59:21

Fɔo n ne haa fɔwɛ laanee kɛŋɔ, ń tɛ he ne he bii ne he naanar n Doma ne n webaɡla, á chɔ le tɛ heyaa saŋ bɛlbwa.”

Jeremia 1:11

Korowii berɔ bɔɔ mɛ ja ŋɔ, “Jeremia, bɔkwaa hɛɛ na nɔ?” N chaŋe ŋɔ, “N Naa Korowii, n na almɔn daa kpale.”

Jeremia 1:12

O ŋɔ, “He bol kasinteŋ, kɛ n dɛ nyiŋi kɛŋɔ n waa maa bola la bwa ɛ ɡɛ.”

Jeremia 1:13

Korowii berɔ bɔɔ mɛ ja ŋɔ, “Bɔkwaa hɛɛ na nɔ?” Asɛ n chaŋe ŋɔ, “N na vii bɛl nee do o bini, dɛɛ wure kɛŋɔ waa chɔŋɛ nii ta ken, dɛ wɛle le weekaŋle nyunduabɔr.”

Jeremia 23:20

Korowii bandia la nyoa aa sɔɔh, ka tel kɛŋɔ waa ɛ o tetoowa tonɛ. Tɔpera ane dɛ ba bala, ásɛ mɔɔ he no waa nɔ mun kɛrɛdɛ.

Jeremia 25:13

Wɛɛ kpɔ wenaale bwa baa chwera do tɔn nɔ bini, o che men Jeremia nɛɛ ŋɔ wɛɛ kpɔɔ ba ta harɛ la ta laanee ba ta ba nɛ.

Ɛsekeɛl 24:14

Men Nemenɛ Korowii bola. Saŋ telo kɛŋɔ ń ɛ waa maa ɛ name. Maa sie laa kpɔ he wechɔɡa ta, maa he sum ɡee na. Hɛɛ dɔ deŋnetɛraa, waa haa ɛa la wa. Men Nemenɛ Korowiirii bola.’ ”

Emɔs 6:11

Dɛ Korowii ŋɔ ba taɡɛ demjena ne demjeɡre bwa ɡooɡe aa, baa taɡɛ a bwaa ɡooɡe, á paɡre buruburu ken.

Sekaria 1:6

N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Amanesoma Jɔn Aa Chwera Tɔn 6:63

Hé jemɛ kɛŋɔ Korowii Domadɛɛɡe ɡbosoroo dɛɛ tɛ mkpa. Nɛwɛnyini bokpeɡa te ɛ pɛɛpɛɛ. Waa maa dɛ bol he be nɔ dɛ ba Korowii Domadɛɛɡe la ne, asɛ dɛɛ tɛ heyaa mkpa.

Tɔn Pɔɔl Aa Chwerɛ Rom Tena 10:17

He nyiŋo na naa, Yeesu Kristo waa la noe taa a che nɛra ɛɛ yaradaa, asɛ a bola ɡe taa a che nɛra ɛɛ noa.

1 Kɔrent 1:18

O daɡaɡre la ta seo la yaa dɛ bol a waa la ɛ wesale tɛ nɛra baa dɛ nyoɡre. Kɛ ya banɔ la Korowii aa dɛ lɛ yaa la te, ya jemɔ kɛŋɔ Korowii kpeɡri lɔ a ta.

Mmarare 32:2

N webaɡla ɛɛ ba he bee kɛŋɔ bwaala aa dɛ wiri, n wobol do kɛŋɔ chɔɔlen mɛn, ne bwaala wira waa ɡela kpɔɡa ɛɛ le la.

1 Tesalonika 2:13

Ya dɛ jam Korowii tɔpere bɛlbwa, dɛkalkɛŋɔ yaa bol Korowii Waa la he be la, he noa kɛŋɔ Korowii Wa. He ta an noɛ kɛŋɔ nɛn wa. Gɛɛ a do kpela. A ɡɛ waa nɔɔ dɛɛ ɛ toma he nɛra haa yaradaa nɔ bini la.

Hibru 6:7

Harɛ bɛlbwa bwaala aa dɛ nɛ o ta wɛɛ ɛ kondikwaa dɛɛ tɛ nɛra baa dɛ parɔ la, Korowii ɛɛ ɡeloo ó ɛ harɛdɛɛɡe.

Jems 1:18

O ɡbaɡba tetooraa ya dɔ o waa aa ɛ kasinteŋ la dɛɛ no, dɛ che a ta ɛ o bii, ásɛ dɛ su o siwi kwaa waa taa la bwa bini.

1 Pita 1:23

dɛkalkɛ ba berɔ kwaa lolɛ heyaa nɛnfala. Nɛn waa dɛ sewɛ la dwee laa heyaa kpa, Korowii waa wola sewɛ bwa la dweee heya. Korowii Waa aa dɛ tɛ mkpa dɛ do le saŋ bɛlbwa la taa a che ba kwaa lolɛ heya.

1 Samoɛl 3:19

Korowii ja Samoɛl nɛ o ba kpeɡ, dɛ ɡel o wobɛlbwa ɡe waa dɛ bol la ɛ kasinteŋ.