Aesaya 54:4 - mzwDBL

⁴ Bɛ ɔmɛ, sihiih aa he kpoe ba kpa, nɛra aa ɡel he fɛɡre. Hɛɛ soh he toli saŋ sihiih waa bwaa, haa ɡɛ saŋ haa do kɛŋɔ luhaah laanee lii kpa.

Aesaya 54:4 ပူးပေါင်းရင်းမြစ်များ

Job Tɔn 11:16

Hɛɛ soh he wenaale la bwaa kwaraa, kɛŋɔ nee aa pala ba kaa, haa wola an na kpa la.

Aesaya 25:8

Wɛɛ le seo nee waa wola lee do kpa bwa. Nemenɛ Korowii ɛɛ fee nomɛlbwa siniiree, dɛ́ laa sihiih o nɛra aa dia kpɔ harɛ nɔ bwa ta. Korowiirii bola.

Aesaya 29:22

Anomanta, Korowii waa lɛ Abraham bol waa nɔ dɛɛ baɡle Israel tena ŋɔ, “Sihiih aa heyaa kpo kpa bwa, haa he dɔma ɔma waa koh ɡwaŋɛ kpa.

Aesaya 4:1

Gɛ tɔpere la, haahna banuanɛɛ ka lɔɔ tɔ babeŋkpoŋ nɛɛ dɛ́ ŋɔ, “He te kpɔ he sɔn dawɛ ya nɛɛ dɛ mo yaa, dɛ laa sihihsɔn haŋkwii la kpɔ ya nɛ. Yaa hen kondikwaa waa pɛɛ, yaa hen yal waa pɛɛ.”

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Aesaya 50:7

Sihiih aa men kpo, dɛkalkɛ Nemenɛ Korowiirii dɛɛ cha mɛ. Anomanta, n lawɛ n te, dɛ n jemɔ kɛŋɔ maa nchoo di bwa.

Aesaya 51:7

He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.

Aesaya 54:14

Waa aa toɡra taa aa ba cheɡa he won che kɛrɛdɛ, he ne nyubinikpeɡ tena baah ɛɛ do jaŋnee, komɛlbwa toole he ɔmɛ.

Aesaya 61:7

He sihiih ne ncho haa dia bwa tonɔ. Hɛɛ so he ɡbaɡba harɛ taa ásɛ he kondɔɔh warɛ kohona, he silɛɛ aa jaɡaa dɔ.

Aesaya 65:16

Nomɛlbwa dɛ nyin kɛ o swee andɛɛɡa harɛ la ta naa, ó soŋe le men Kasinteŋ Korowii be. Wahala aa lɔ he nɛɛ wubwa ɛɛ tonɔɔ, he soh a wa.”

Jeremia 31:19

Ya berɛ habɔɔ kpoe, kɛ a ta biɡre ya dɔ liire, dɛ berɛ ba he be. Kɛ a habɔɔ haa tɛr ya deŋne la, ya baŋa ɡolo sihiih kpo yaa. Sihiih kpo yaa kohona, dɛkalkɛ ya bechale saŋ bwaa ya le ɛ wechɔɡa.’ ”

Wiile 1:1

Na ɡɛ bwɛjen Jerusalam aa chɔ pɛɛ, dɛ nɛra fa su o ta ɡa! Na ɡɛ waa bera do kɛ luhaah, o waa do sum, dɛ o fa lɛ sɔn harɛre nɛra bini taeh! Bwɛjen o fa aa do kɛ haŋkooro la, o berɛ yom taraken.

Ɛsekeɛl 16:22

Haa lɔ waa maa kia ne jwamane ta la, he ta ɡɛ haa doa he bechale saŋ liire. Gɛ saŋ haa chɔ mumɡbal chal ta dɛɛ ta nakpale la.

Ɛsekeɛl 16:43

He ta ɡɛ maa ɛɛ he toli saŋ la liire, dɛ ka ɛ waa maa kia nɔ bwa, dɛ ir n bandia, a waa mɛɛ ba he deŋne tɛra la. Ɛrɛɛ he berɛ kpɔ jwamane ja waa maa kia la bwa ta nɔɔ? Men Nemenɛ Korowiirii bola.’ ”

Ɛsekeɛl 36:15

Maa ɡel he no harɛre ta nɛra loro baa dɛ di heya, ne mama baa dɛ mamɛ heyaa la, kɛɛ dɛ́ ɡel he harɛ la paɡre kpa. Men Nemenɛ Korowiirii bola.’ ”

Joel 2:21

Harɛ, bɛ ɔmɛ, ɡel he sie lɛ he hɛɡre. Kasinteŋ, Korowii ɛ wejena.

Sefania 3:11

Gɛ tɔpere la, maa ɡel sihiih kpo heyaa he deŋnekpeɡ haa ɛɛ mɛ la waa kpa. Mɛɛ le mbarafo tena bwa nee n bwɛjen nɔ ta, ásɛ bɛlbwa ɡe aa won ɛɛ mɛ sisawaa n bweɡoroŋ n Dea aa chɔŋɛ o ta la ta kpa.

Sekaria 10:6

Mɛɛ ɡeloo Juda dea tena do kpeɡri dɛ́ lɛ Josef dea tena. Mɛɛ berɔɔ ba ba ne bela ba fa aa lole, dɛkalkɛ n dɔ tedoma tɛɛ ba. Baa doo kɛŋɔ nɛra n fa aa wola ban vɛɛh ken, dɛkalkɛ menee Korowii baa dɛ tom mɛ la. Mɛɛ dɛɛ chaŋ baa ba wesoŋa taa.

1 Pita 2:6

Ba chwerɛ Korowii Tɔn bini ŋɔ, “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn o lawɔ kpoŋe kiŋkiŋ. Nomɛlbwa waa dɛ yaradao la, waa sihiih di bwa.”