Aesaya 54:11 - mzwDBL

¹¹ Jerusalam, wahala bwɛjen peuchɔɡa aa taa dɛ chɔɡe, nomɛlbwa aa wola toole dɛ́ larawe he bwara, mɛɛ kpɔ bwedɛɛɡa a yoɡ aa kpeɡa dɛ́ berɛ kwaa mae.

Aesaya 54:11 ပူးပေါင်းရင်းမြစ်များ

1 Koranar 5:17

Kooro do tom-ɛɛra la ba pɛɡre bwedɛɛɡa dɛ kwaa a bwara dɛ́ kpɔ pa Korowii Dea la mun.

1 Koranar 6:30

O ɡelɔ ba kpɔ suuɡaswɛm ɛ deene la harɛ ɡe bwa.

1 Webena 29:2

N takapɔ nyin laala baa kpɔ do Korowii maa dɛ tomɔ Dea la. N dɔ suuɡaswɛm ne suuɡapoŋa ne ayaawa ne bune ne daa, ne bwedɛɛɡa ane a yoɡ aa kpeɡa baa yera onis ne tɛɛkoes, dɛ bwea bwa soo siwi, a warɔ kɛrɛdɛ.

2 Webena 3:6

Dɛ kpɔ bwedɛɛɡa a yoɡ aa kpeɡa ɛ Korowii Dea la bwa o do wer. Suuɡaswɛm waa yawa la le Paavaem harɛ ta.

Job Tɔn 28:16

Haa won kpɔ suuɡaswɛm koŋkwaa dɔɔ, haa won kpɔ bwedɛɛɡa a yoɡ aa kpeɡa dɔɔ.

Yela 34:19

Nɛra ba wa aa toɡra ɛɛ won na wahala kohona, kɛ Korowii lɛɛ ba dɛɛ le a bwa ta,

Kaala 2:23

A biɡro tama, asɛ Ijipt kooro la ba sewɛ. Kɛ dɛ Israel tena ta dɛ ɛ ba tomkpeɡa la, dɛ wi dɛɛ yerɛ Korowii ŋɔ ó ba lɛɛ ba.

Kaala 24:10

dɛ ka na Korowii Israel tena aa dɛ tomɛ la. Harɛ waa cheɡɛ o ta la ɛ bobɛl baa mao bwea ne o ir nyundua, dɛ do ɡereŋ kɛŋɔ bwedɛɛɡe baa dɛ yerɔ safaaya la, dɛ ɛ burum kɛŋɔ nyundua ken.

Kaala 3:2

Belaa Korowii nyundua torome bɛl kpɔ o te baɡlo dawii ane aa dɛ lawɛ nii baah ta. Mosis nao kɛŋɔ nii dɛ le bela, kɛ dɛ dawii la ɡe aa fuh.

Kaala 3:7

Anee Korowii ŋɔ, “N na sibeɡra kohona baa dɛ do n nɛra baa lɔ Ijipt. N no ba wii, dɛ le ba dɔɔranar tonchɔɡa baa dɛ do ba la ta, anomanta, ba waa hiah mɛ kohona.

Yelsom 5:14

O nɔɔra wer kɛŋɔ suuɡaswɛm bune, baa kpɔ bwedɛɛɡa a yoɡ aa kpeɡa cheɡ a ta. O bwadabii wer kɛŋɔ bala nyen baa loɡao la, dɛ kpɔ bwedɛɛɡa ane a yoɡ aa kpeɡa cheɡ a ta.

Aesaya 14:32

Webesoo yaa ba toroma baa le harɛ la ta ba la chaŋa ɔ? “Korowii kpɔ Saayɔn cheɡ, ásɛ o nɛra baa dɛ na wahala dɔ bɔr so dɛ́ dɔ ba nyu.”

Aesaya 28:16

Waa Nemenɛ Korowii aa dɛ bolee nɔ. “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn, o lawɔ kpoŋe kiŋkiŋ.

Aesaya 44:28

Men Korowii berɔ bol Saeros ɡe waa ŋɔ, ‘Henee dɛɛ ba n nɛra nɛɛ nyiŋa, dɛ́ ɛ waa maa dɛ nyin la bwa ka tonɛ,’ dɛ berɛ ŋɔ, ‘Hé kwaa pa Jerusalam ne men Korowii Dea la mun.’ ”

Aesaya 49:14

Kɛ Jerusalam tena te ŋɔ, “Korowii ɡel yaa, o soh ya wa.”

Aesaya 51:21

Hé no, Jerusalam tena, he waa sum. Hé dɛɛrɔ, kɛ he ta sen nyɔe.

Aesaya 51:23

Mɛɛ kpɔɔ do nɛra baa dɛ fiiɡi heyaa la nɔn ta. Banee yon ŋɔ, ‘Hé chɔ harɛ, ásɛ ya valɛ he nyaŋ ta.’ He chɔ harɛ ba kpɔ he nyaŋ berɛ ŋwɛnɛ dɛɛ tiɡri he nɛ.”

Aesaya 54:12

Mɛɛ kpɔ bwedɛɛɡa a yoɡ aa kpeɡa bwa soo siwi baa yera rubii ma he dejaŋa. He doonyoo ɡberjena ne danjwɛɛre ɡe, anɔ la aa dɛ nyɛɡle ne anɔ la aa jaa bwa nee mɛɛ ba a ɛɛ.

Aesaya 54:6

He do kɛŋɔ bitolo o jaa aa vɛoh aa we o nɛɛ kohona.” Kɛ Korowii yerɛ ŋɔ he ba o be, dɛ ŋɔ,

Aesaya 60:15

Jerusalam, ba fa haeh dɛ vɛɛh, nomɛlbwa aa he ta kpɔ. Kɛ mɛɛ ɛɛ he do wer kɛŋɔ, bwɛjen waa soma tɛ nɛra saŋ te bɛlbwa dɛɛ la.

Jeremia 30:17

Kɛ mɛɛ berɔ ɡel he dɔ bokpeɡa ásɛ dɛ chah he ŋwɛra, a lole kɛŋɔ he dɔma dɛ bol kɛŋɔ, ‘Ba vɛh Saayɔn, nomɛlbwa aa o waa dawɛ kpa.’ Men Korowiirii bola.”

Wiile 1:21

Ba no n wii maa dɛ wii, kɛ nomɛlbwa toole dɛ́ ba larawe n bwara. N dɔma bwa no n wenaale wa, asɛ ba sie lɛ kɛ haa kpɔa ba ta n nɛ. Gel tɔpere bɛl haa baɡɛ nyoa o waa la ba, ásɛ ba ɡe bwara nyɛɡ kɛ n kwaa nɔ.

Ɛsekeɛl 1:26

Kon waa bɔle hweera kwaa la nyundua la, n na komɛl waa do kɛŋɔ kookara, ba kpɔ bwedɛɛɡa ane aa ɛ burum baa yera safaaya ɛ o doa, asɛ a do kɛŋɔ nɛn soɡe kookara la ta ken.

Ɛsekeɛl 10:1

Men Ɛsekeɛl nyiŋi kon waa bɔle Kerobim la doa, dɛ na komɛl kɛŋɔ kookara baa kpɔ bwedɛɛɡa ane aa ɛ burum baa yera safaaya ɛo.

Maeka 7:11

Jerusalam tena, tɔpere bɛl dɛ ba ásɛ he berɛ kwaa ma he bwɛjen danjwɛɛre la, dɛ́ paɡri he harɛ jwɛhre kaa sie.

Matiu 8:24

Buɡ la ta, dɛ peujen bɛl dɛ ta moo la sie, asɛ nehɛma ɡel ba ɡbera la ɛɛ ba mora. A ɡɛ saŋ nɔ dɛ Yeesu te chɔ dom ɡbera la bini.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

Ɛfesos 2:20

dɛ ja Yeesu toroma ne o keamere la nɛ. Jae haa ja ba nɛɛ do kɛŋɔ baa dɛ ma dea la. O ɡelɔ he do kɛŋɔ dea danjwɛ. O toroma ne o keamere laanee dea la sol-loɡle, asɛ o ɡbaɡba ɡee bwedɛɛɡe la baa kpɔa pa dea la mun la.

Mmarare 31:17

A ba ɡɛ naa, n baah ɛɛ di ba nɛɛ, ásɛ n laa sie kpɔ ba nɛ ba chɔɡ. Wechɔɡa ne wahala ɛɛ ba ba nɛɛ taeh, ásɛ ba sɛh ŋɔ, ‘Waa nɔ aa pu yaa nɔ, Korowii ya fa aa dɛ tomɔ la laa nɔn kpɔ ya nɛ.’