Aesaya 54:10 - mzwDBL

¹⁰ Hale bwejena jiɡro le a buɡ ta, asɛ deŋɡarere chuɡri aa, n nyina aa wola jaɡa dɔe la te ɛɛ do lee, n ne he deŋnesɔɔhna fɔo la ɡe aa jaɡa dɔe ba bwa. Men Korowii maa dɔ tedoma tɛɛ laanee bola.

Aesaya 54:10 ပူးပေါင်းရင်းမြစ်များ

Yela 46:2

Dɛ harɛ jiɡro kwaraa, bwejena chuɡri ka le mpo vile ta,

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Tɔn Pɔɔl Aa Chwerɛ Rom Tena 11:29

Korowii te dɔɔ ŋɔ o nɛnee nɛn, dɛ ŋɔ wɛɛ ɛo wedɛɛɡaa yaa, waa nsana le.

Aesaya 55:3

Hé cheɡ deŋne, dɛ́ ba n be, hé no n be, ásɛ dɛ dɔ mkpa. N ne hɛɛ fɔwɛ fɔwee o do le saŋ bɛlbwa dɛɛ la, ɡɛ maa baɡɛ Devid nyoa ŋɔ, mɛɛ dɛɛ nyin o waa kasinteŋ nee la.

Malakae 2:5

N ne Lewi dea tena fɔo la ɛ mkpa ne deŋnesɔɔhna n kpɔ dɛɛ tɛɛ ba. Gɛɛ dɛ́ ɡel baa ɔm mɛ kɛrɛdɛ dɛɛ duu mɛ.

Aesaya 54:8

Bandia kohonaa ɡela n laa sie kpɔ he nɛɛ tama, kɛ n nyina aa wola jaɡa dɔe nomanta, mɛɛ dɔ tedomaa tɛɛ. Men Korowii maa ɛ he Lɛɛ bola.

Aesaya 49:10

lɔr ne nyɔɡre aa ba kpoe ba. Wee nyɛɡre ne pua hɛŋle ɡbo harɛ ta peuwɔb aa ban ha, dɛkalkɛ naate waa dɛ nyin ba waa la ɛɛ tɔ ba siee, dɛ́ la ba ne bela nesɔn aa bula dɛɛ le.

2 Samoɛl 23:5

Gɛɛ Korowii ɛɛ ba n naanar andɛɛɡa sweera, dɛkalkɛ n ne o fɔwɛ fɔo waa do le saŋ bɛlbwa dɛɛ la, fɔo waa wola chɔɡ bwa, nyobaɡa waa wola charɛ. Waa bwa maa dɛ nyin laanee la, Korowiirii dɛ́ ɡel a bwa ɛ ɡɛ dɛ́ tɛ mɛ.

Taetos 3:5

o lɛ yaa ta. Ya te wedɛɛɡa ɛɛ waa laa o lɛ yaa ta. Sunaa o sune ya nɛɛ dɛ lɛ yaa ta, dɛ sɔ yaa nee ya won do kɛ baa bera kwaa lolɛ yaa. O Domadɛɛɡe waa kpɔa tɛ yaa o kwaa yaa la nɛɛ ya che dɛ dɔ mkpafale la.

Matiu 16:18

Anomanta, n ŋɔ he sɔne Pita, o munii Bwe. Gɛ bwe nɔ taa mɛɛ ba n dea doe chɔŋɛ. N habɔteŋraa n dea la. Hale seo kwara aa wola won pɔ ba nɛɛ bwa.

Matiu 5:18

Kasinteŋ, nyundua ne harɛ taa lole nɔ, Mmara nɔ bini wejeɡa bɛlbwa aa lee ba, hale dɛ́ ka tel wobɛlbwa jaɡa saŋ.

Hibru 12:27

A ɡɛ waa waa bola dɛ ŋɔ “kerabeŋkpoŋ ja” nɔ dɛ baɡle kɛŋɔ o baa jiɡri nyundua ne harɛ naa, Korowii kontaala aa lɔ a ta dɛ́ won jiɡri la ɛɛ chɔɡoo, ásɛ kwaa la aa wola won jiɡri la do le dɛɛ la.

Wepila 6:14

Asɛ Korowii doa nyoɡre n siwi ta kɛŋɔ baa ɡuɡri kalaŋ la. Bwejaŋa ne ekwie ɡe chuɡri le a buɡe ta kaa.

Nɛra Kura 25:12

Ŋɔ Fenehas be ŋɔ, n dɛ fɔwɛ deŋnesɔɔhna fɔo n ne o baah ta.

Yela 102:26

A bwa ɛɛ chɔɡoo, aa wola lee do kpa, kɛ he te ɛɛ do lee dɛɛ la. A bwa ɛɛ ba ɛ kombenaa ba kpɔ ta kɛŋɔ yal yon hɛh la.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Aesaya 55:7

Nɛnchɔɡe ɡel wechɔɡa ɛɛ, dɛ́ charɛ o liire, dɛ́ berɛ ba Korowii yaa dɛ tomɔ be. O dɛ sune nɛn nɛ, dɛ kpɔ wechɔɡa dɛɛ kɛ o bambile bwa ne.

Aesaya 55:12

Silɛɛ nee hɛɛ ba Babelɔn lee, bosɔɔhna nee baa ba he sie tɔe le he ne bwɛjen la ta. Bwejena ne deŋɡarere bwa ɛɛ nao dɛɛ ɡo yela, daa bwa ɡe lɔ kpaŋa.

Aesaya 59:21

Fɔo n ne haa fɔwɛ laanee kɛŋɔ, ń tɛ he ne he bii ne he naanar n Doma ne n webaɡla, á chɔ le tɛ heyaa saŋ bɛlbwa.”

Aesaya 61:8

Korowii ŋɔ, “N dɛ nyin waa bola dɛ́ pa bole aŋwɛnɛ ta, n kii ŋwɛɛ ne wechɔɡa ɛɛ. Mɛɛ tɛ n nɛra kembɔree kasinteŋ ta, n ne ba fɔwɛ fɔo, o do le saŋ bɛlbwa.

Aesaya 63:7

Mɛɛ bol Korowii nyina aa wola jaɡa dɔe la waa. Mɛɛ kpɛɛro waa bwa waa ɛa tɛ yaa la wa. O nyina aa wola jaɡa dɔe ne tedoma waa dɔa nomanta, o swee andɛɛɡa tɛ ya Israel tena.

Jeremia 31:36

A ɡɛ kwaa aa lɔ nyundua nɔ ɛɛ ɡel toma ɛɛ yaa, amɔ dɛ ɡɛɛ Israel harɛ nɛra ɡe aa wola lee do.

Jeremia 33:20

“Gɛ haa wola won chɔɡ fɔo waa chɔ n ne webaŋa ne jwaana baah, ásɛ webaŋa ne jwaana aa won ɛ toma a saŋ ta la,

Ɛsekeɛl 16:42

Mɔɔ n bandia kohona la nyoa sɔɔh, ásɛ meera maa dɛ mee n baah di la le he nɛ, n bambilee ɛɛ sɔɔhnoo n baah aa wola di kpa.

Yela 46:3

hale mpo nehɛma nyoa kpeɡri, dɛɛ si ɡɛ bɛlbwa, dɛ ɡel bwejena ɛɛ yiiɡi aa, yaa ɔmɛ.

Aesaya 49:15

Korowii ŋɔ, “Haah ɛɛ won soh o bilole waa ɔro wa aa? Dɛ nya ɛɛ soh o bie waa yaa, n te aa he waa soeh ba bwa.

Ɛsekeɛl 34:25

N ne baa fɔwɛ deŋnesɔɔhna fɔwee, dɛ́ le kpɔɡ bini olchɔɡa ne harɛ la ta, ásɛ n peera la do pua kpɔɡbaah ta, dɛ́ chɔ kɔne bini deŋnesɔɔhna ta.