Korowii ɛɛ ɡeloo nomɛl ba a ɡɛ saŋ, dɛ́ dɔ jirima dɛ́ do wer kɛŋɔ baa teŋe daa ta o berɛ forɛ le o buɡ ta dɛ do wer la. Ásɛ nɛra baa ba ka Israel harɛ ta, dɛ́ dɔ ba nyu la bwa sie lɛ o nɛ, dɛ́ dɔ jirima le o nɛ.
Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.
Korowii ŋɔ, “Tɔpera ane dɛ ba ásɛ n ɡel Kooro Devid naa o wa aa toɡra, dɛ do kɛŋɔ Daa Kpale ba, dɛ́ ba di kora. O balaa, wɛɛ che wejema taa nyiŋi ba nɛ, dɛɛ ɛ waa aa wera harɛ la bwa ta.
Kapenta te la laa aa? Mɛɛre bie la laa aa? Jems ne Josef ne Judas dɛ Seemɔn wa dɔɔ la laa aa? O nimambii laa lɔ ya be bonɔ naa?” Anomanta, ba siwi ta on sui.
Asɛ o chaŋe ŋɔ, “Elaejaa dɛ tɔ sie ba kpela, dɛ́ ba kwaa ŋwɛnɛ mɔɔ. Kɛ ɛrɛ waa Korowii Tɔn la ŋɔ Nɛn Bie la dɛ ba wahala nae kohona, kɛ nɛwɛnyini sie aa o tɔɡa ba laɔ?
asɛ o lolɛ o binyoa, o ɛ bibaa. O kpɔ yal fɔrɔwo dɛ kpɔɔ bil kon jaɡre aa dɛ di kwaa o bini la bini, dɛkalkɛŋɔ dɛ bɔr toole bela hɔɔhra aa dɛ chɔ bwɛɛ la ta la kwara bá chɔ.
Anee Yeesu ŋɔ o be ŋɔ, “Manyajeɡre kwaraa dɔ bɔɔne dɛɛ chɔ a bini, asɛ jumbii aa dɛ ɡah nyundua ɡe dɔ a kɔne, kɛ Men Nɛn Bie la te ta bobɛlbwa dɔe ń chɔ dɛ́ onɛ.”
Nɛwɛnyini mar aa do ɡɛ, waa wola kpeɡe dɛɛ tɔ Mmara ŋwɛnɛ, asɛ Mmara lɛ nɛwɛnyini kahonɛ la, Korowii te wono lɛ nɛwɛnyini. O ɡelɔ o Bie tenten kpɔ nɛwɛnyini mar wechɔɡa aa suu nɔ dɔŋ, dɛ ba chɔɡ liichɔɡa kpeɡri o fa aa dɔa nɛwɛnyini nɛɛ la dɛ laa wechɔɡa kpɔ,