Aesaya 52:11 - mzwDBL

¹¹ Hé le Babelɔn harɛ! Hé pere he te le ba nɛɛ kwara! He bɛ komɛlbwa waa kah doŋa leɡe! He nɛra haa cheɡɛ Korowii Dea laala la, hé le ba bini, dɛ́ do ɡoroŋ.

Aesaya 52:11 ပူးပေါင်းရင်းမြစ်များ

1 Webena 15:12

Dɛ ŋɔ Lewi dea tena la be ŋɔ, “Heyaa ɛ nomonnyuune, dɛ chɔ Lewi deene nyoo, hé ne he bala Lewi dea tena chɛ kɛ he sɔ he doŋa bɛlbwa ta Korowii be pera, ásɛ dɛ won ka kpɔ Korowii ya Israel tena aa dɛ tomɔ, Ne Nɛwɛnyina Fɔo Daka la ba cheɡ bɔr maa kwaara tɛ ŋɔ ó ba che la.

Kaala 30:19

O bini nee Arɔn ne o bibaala ɛɛ ba ba nɔɔra ne naa sarama.

Aesaya 1:16

Hé sɔ he wechɔɡa ta dɛ́ laa doŋa bɛlbwa kpɔ he nɛ. Hé laa he wechɔɡwe-ɛɛla la kpɔ le n sie! Hé ɡel a ɛɛ,

Aesaya 48:20

Hé le Babelɔn harɛ ta, hé chwa le o nɛra bini! Hé kpɔ silɛɛ taa bol bobɛlbwa ŋɔ, “Korowii lɛ o bonɔɔna Israel tena.”

Aesaya 66:20

Baa kpɔ he bala baa lɔ bela harɛre la ta laanee ba tɛ mɛ kɛŋɔ koŋkɛɛla ken. Jaɡre ne keeɡore ne nyoɡmare ne kwaa aa do kɛŋɔ torɔɡore, ne anɔ la aa dɔ tɔre baa taɡa nee baa ba koŋkɛɛla ne bala ba tɛ mɛ, n bwejen waa do ɡoroŋ ta Jerusalam. Baa ba a nee kɛŋɔ Israel tena yon kpɔ mea sarahare do kondɛɛɡa bini baa tɛ mɛ n Dea la ken.

Jeremia 31:21

Hé kpɔ kwaa paaɡe á ɛ nso ŋwɛnɛ la ta, á baɡle heya ŋwɛnɛ haa kpɔ o ta kaa. Israel tena, hé berɛ ba, hé berɛ ba bwɛɛre haa le a ta kaa la ta.

Jeremia 50:8

N nɛra Israel tena, hé chwa le Babelɔn harɛ ta, he bɛ ɡel nomɛl ba tɔ he sie, hé tɔ sie le kaa.

Jeremia 51:45

N nɛra Israel tena, hé chwa le ba. Hé chwa dɛ́ dɔ he nyu. Hé chwa le men Korowii bandia waa do ɔma la ta.

Jeremia 51:6

Hé chwa le Babelɔn harɛ! Hé chwa lɛ he nyuune! He bɛ Babelɔn tena wechɔɡa waa koh serewe. Saŋ telo kɛ men Korowii bɔ ba kem, mɛɛ tɛr ba deŋnee ɡɛ aa chɛa.

Ɛsekeɛl 44:23

A chɛ kɛ sɔfore la chaɡle n nɛra wa, dɛ́ ɡel ba jemɛ kwaa aa do ɡoroŋ ne kwaa aa wola ɡoroŋ doe, dɛ́ pere kwaa doŋa aa lɔ a ta le kwaa doŋa aa wola toole a ta.

Lewi Dea Tena 10:3

Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

Lewi Dea Tena 11:45

Menee Korowii haa dɛ tom mɛ n lawɛ heyaa le Ijipt harɛ ta hé ba ɛ n nɛra, anomanta, hé do ɡoroŋ ɡɛ maa do ɡoroŋ la.

Lewi Dea Tena 11:47

Hé pere kwaa aa wera ne dii le anɔ la aa wola were ne dii ta. Ola ane lole dɛ do wer ne dii ane ɡe aa were ne dii.”

Lewi Dea Tena 21:6

A chɛ kɛŋɔ ó do ɡoroŋ dɛ́ che tɛ Korowii dɛ bɛ o sɔndɛɛɡe la chɔɡ. Dɛkalkɛ onee kpɔ saraha kwaa baa fuah a ɛ kondikwaa aa do ɡoroŋ dɛ ɛ Korowii kwaa la baa tɛo.

Sekaria 2:10

Korowii ŋɔ, “Jerusalam tena, hé ɡel he sie lɛ hɛɛ ɡo yela! N dɛ ba dɛ́ ba so he baah ta.”

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Nɛra Kura 16:26

O kah nɛra baa cheme bela la ŋɔ, “Hé laa he te kpɔ nɛnchɔɡa nɔ tɛnte deene jwɛh! He bɛ ba komɛlbwa leɡe, ásɛ ba wechɔɡa maah heya, ásɛ he ne ba bwa bɛ pɛ serewe.”

Nɛra Kura 19:11

Nomɛlbwa waa leɡe nɛn waa sewa la kah doŋa tɔpera anuanɛ.

Nɛra Kura 19:16

Nomɛlbwa waa leɡe nɛn baa kpoo, kɛɛ nɛn waa sewɛ ɡɛ nɛra bwa aa dɛ sewɛ, kɛɛ o hoɡ, kɛɛ dɛ o ŋwamee yaa, o kah doŋa ka tel tɔpera anuanɛ.

Nɛra Kura 8:6

“Lawɛ Lewi dea tena le ba dɔŋa Israel tena la bini, dɛ́ sɔ ba doŋa bwa ta dɛ́ lee ba cheɡ tɛ mɛ.

We-ɛɛla 10:14

Asɛ Pita ŋɔ, “Ei! N Dɔɔ, ɡɛ aa won maɡre. N ta a ɡɛ koŋkiila dii bwa.”

We-ɛɛla 10:28

asɛ o ŋɔ ba be ŋɔ, “He ɡbabir jemɔ kɛŋɔ ya Juu tena aa nɛra baa wola Juu tena ɛɛ bini jo. Kɛ Korowii berɔ ŋɔ n be ŋɔ n bɛ nomɛlbwa nɛndoŋ yerɛ.

Tɔn Pɔɔl Aa Chwerɛ Rom Tena 14:14

Pɛɛ n ne n Dɔɔ Yeesu aa pɛa nɔ ɡelɔ n jemɛ kaih kɛŋɔ, kondikwaa bɛlbwa toole dɛ ɛ kondikondoŋa. Kɛ dɛ nomɛl lii o nyu bini kɛŋɔ kondikwaa ane ɛ kondikondoŋa aa, dɛ a ɛ doŋa dɛ tɛo.

2 Kɔrent 6:17

Anomanta, n bolɔ ŋɔ, ‘Hé le ba bini! Hé pere he te le ba nɛɛ kwara! He bɛ komɛlbwa waa kah doŋa leɡe, ásɛ n lɛ heya,

Ɛfesos 5:11

ásɛ dɛ ɡel biro bini waa ɛɛ. A ta tɔnɔ dɔe. Hé le a ne baŋ, ásɛ nɛra jemɛ ɡɛ aa doa.

1 Pita 2:11

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Wepila 18:4

N berɔ no taa bɛl o le nyundua dɛ ŋɔ, “N nɛra, hé le o be. Maa nyin kɛ he ne o pɛ dɛ́ɛ ɛ wechɔɡa, dɛ́ pɛ na wahala maa dɛ ba ɡela o na la.