Aesaya 51:3 - mzwDBL

³ Jerusalam berɛ dimɡbia, mɛɛ dɔ tedomaa tɛ o nɛra baa soɡe o ta. Mɛɛ ɡeloo o pua hɛŋle ɡbo harɛ le daa warɛ dɛ́ do wer, kɛŋɔ Eden bodɛɛɡe la. Silɛɛ ne hɛɡra ɛɛ do belaa, ásɛ ba ɡo kpɛɛra ne jam yela dɛɛ tɛ mɛ.

Aesaya 51:3 ပူးပေါင်းရင်းမြစ်များ

Mumpar 13:10

Belaa Lɔt ha sie dɛ nyiŋi harɛ la, asɛ dɛ na ɡɛ Jɔɔdan Moo nyoa harɛ aa sɔna ka le Soar harɛ ta, dɛ do wer kɛŋɔ bela Korowii aa du daa Eden bodɛɛɡe ne Ijipt harɛ la ken. Gɛ waa nɔ chiɡo mɔɔ Korowii chɔɡ bwɛɛre ane baa dɛ yera Sodom ne Gomoora la.

Yela 85:8

N dɛ no waa Korowii aa dɛ bol la, o baɡɛ yaa nyoa ŋɔ, dɛ ya ta berɛ kaa ya ɡɛne we-ɛɛla ta naa, wɛɛ tɛ yaa deŋnesɔɔhnaa.

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

Aesaya 25:9

A ba ɡɛ naa, baa boloo ŋɔ, “Kasinteŋ, Korowii yaa dɛ tomɔ laanee la. Korowii yaa hwɛɡɛ o nɛɛ laanee la, o lɛ yaa. Hé ɡel ya hɛɡre ya sie lɛ, lɛɛ waa lɛ yaa la wa.”

Aesaya 35:6

Ásɛ boobie ir che, dɛɛ jah kɛŋɔ kweɡli ken, amumure ɡe ɡo yela silɛɛ ne. Nee ɛɛ pili pua hɛŋle ɡbo harɛ taa, ásɛ nenabɔɔne chɔ harɛ waa hola ta dɛɛ palɛ.

Aesaya 41:16

Hɛɛ palaa ásɛ peu kpɔa kaa, peujen lɔa merɛ. Kɛ he te sie ɛɛ lɛ Korowii nɛɛ, ásɛ dɛ kpɛɛ men Israel Nɛŋɡoroŋ la.

Aesaya 43:19

Hɛ́ɛ no! N dɛ ba wefale bɛl ɛɛ. Taraken o dɛ le, he ta on nae yaa? Mɛɛ bil ŋwɛnɛ pua hɛŋle ɡbo harɛ taa, dɛ́ ɡel nenabɔɔne chɔ harɛ la ta.

Aesaya 44:26

Menee ɡela waa n toroma aa bol la ɛɛ ɛ kpela. Menee ŋɔa nɛra ɛɛ berɔɔ bá so Jerusalam, Juda bwɛɛre a fa aa paɡra la, bá berɛ kwaa vɔrɔwa.

Aesaya 49:13

Kwaa aa lɔ nyundua, hé do lɔŋɔre silɛɛ ne, kwaa aa lɔ harɛ ta ɡe, hé hɛɡre! Bwejena ɡe ɡo silɛɛ yela. Korowii ɛɛ larawe o nɛra bwaraa, wɛɛ dɔ tedomaa tɛ wahala tena ɡe.

Aesaya 49:19

A lole kɛŋɔ harɛ la fa paɡrɔ, dɛ berɛ dimɡbia, kɛ taraken harɛ la ɛɛ do jeɡaa tɛ nɛra baa dɛ ba ba so o ta. Ásɛ nɛra ba fa aa chwa he yaa la, bá kpɔ ba kaa bojaŋ harɛ ta.

Aesaya 49:8

Korowii ŋɔ, “Dɛ saŋ telo kɛŋɔ ń lɛ heya aa, mɛɛ na he sumii dɛ́ cha heya. Mɛɛ nyiŋi heyaa, dɛ́ ɡel he ne nɛra bwa fɔwɛ fɔo. Mɛɛ ɡeloo he ka so he harɛ waa chɔɡa dɛ chɔ pɛɛpɛɛ la ta ja.

Aesaya 51:12

Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.

Aesaya 52:9

Jerusalam tena, he bwɛjen berɛ dimɡbia, hé pɛ ɡo silɛɛ yela. Korowii larawe o nɛra bwara, dɛ lɛ Jerusalam ɡe.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 65:18

Hé ɡel he sie lɛ hɛɛ hɛɡre saŋ bɛlbwa. N dɛ ba Jerusalamfale ɛɛ o do som, ásɛ o nɛra sie ɛɛ lɛ.

Jeremia 31:25

Mɛɛ ɡeloo nɛra ba bambile aa chɔɡa la dɔ bokpeɡfala, ásɛ dɛ tɛ nomɛlbwa lɔr aa kpoo o ɡwɛɡre kondikwaa o di.”

Ɛsekeɛl 28:13

Dɛ he fa lɔ Eden bodɛɛɡe men Korowii aa du daa la, dɛɛ do kwaa aa wera kɛŋɔ, bwedɛɛɡa bwa soo siwi baa dɛ yera rubi, ne topas, ne emirad, ne kresolet, ne onis, ne jasepa, ne safaaya, ne tɛɛkoes dɛ bɛrel. Awola baa tae laanee ba ɛ ɡɛ kwaa nɔ ne suuɡaswɛm kwaa tɛɛ.

Ɛsekeɛl 36:11

Mɛɛ ɡeloo nɛra ne kondɛɛra ya kohona, dɛ́ ɡel he berɛ ba so ɡɛ he fa aa soɡa wubwa la, ásɛ he wobɛlbwa do wer tɛ heyaa ɡwaa saŋ la kwara. Belaa hɛɛ ba jema kɛŋɔ menee Korowii.

Ɛsekeɛl 36:35

Baa ŋɔɔ, ‘Harɛ waa chɔ pɛɛ laanee bera do kɛŋɔ Korowii Eden bodɛɛɡe la, bwɛjena a fa aa paɡra, dɛ chɔ pɛɛ laanee ba berɛ kwaa ma danjwɛɛre bara nɛra so a ta la.’

Joel 2:3

A dɛ chɔɡ kwaa kɛŋɔ nii yon fuh kwaa dɛ chɔɡa la. Harɛ waa chɔ a sie do kɛ Korowii bodɛɛɡe Eden ken, asɛ pua hɛŋle ɡbo harɛ chɔ a habɔɔ, komɛlbwa aa won chwa le a be.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.