Aesaya 51:23 - mzwDBL

²³ Mɛɛ kpɔɔ do nɛra baa dɛ fiiɡi heyaa la nɔn ta. Banee yon ŋɔ, ‘Hé chɔ harɛ, ásɛ ya valɛ he nyaŋ ta.’ He chɔ harɛ ba kpɔ he nyaŋ berɛ ŋwɛnɛ dɛɛ tiɡri he nɛ.”

Aesaya 51:23 ပူးပေါင်းရင်းမြစ်များ

Josua 10:24

Baa laɡ ba le ba tɛ Josua la, o yerɛ Israel tena la ne laa nomonome la bwa cheme, asɛ dɛ ŋɔ nomonome la be ŋɔ, “Hé kpɔ he nakpale ɛɡre a ɡɛ koranar nɔ baŋare ta.” Ate, koranar la le dɛ ba chɔ harɛ, ba kpɔ ba nakpale ɛɡre ba baŋare ta.

Sekaria 12:2

“N dɛ ba ɡela Jerusalam do kɛ numol sen aa lɔ o bini tɛ harɛre aa baro la nɛra, ásɛ ba kpɔ nyɔ dɛ́ dɛɛ, dɛɛ yɛɛɡe. Dɛ ba tɔ Jerusalam do aa, bá tɔ Juda ɡe do ja.

Wepila 17:18

Haah la haa nao la cheɡɔ tɛ bwɛjen la waa dɔ harɛ nɔ ta kora bwa la.”

Wepila 11:2

Bɛ bela waa ja Dea la ta ba tel bela mɔɔ dɛɛ jo Dea la tenten bini la te maɡɛ. Teŋe bela ta, dɛkalkɛ Korowii kpɔ bela tɛ nɛra baa wola on tomɛ, ásɛ ba tiɡri o bwɛjen Jerusalam la ta korobie fifraanaarɛ dɛ anɛ.

Sɛɡla 21:18

Nyubinikpeɡ te dɛ nyin nɛn o wa aa toɡra ne wechɔɡa aa, a dɛ ɡure o nɛ.

Sɛɡla 11:8

Korowii dɛ lɛ nɛn o wa aa toɡra dɛɛ le wahala ta, a yon berɛ ba nɛnchɔɡe nɛ.

Yela 66:12

He ɡelɔ ya dɔma pɔ ya nɛ, ya na wahala kɛŋɔ nii ne nee aa chɔɡ nɛra kwaa ken, kɛ taraken, he berɔ kpɔ yaa ba harɛ o taa soma ta.

Obadia 1:16

N ɡelɔ n nɛra nyɔ n danana nee Saayɔn Bwejen waa do ɡoroŋ ta. Kɛ harɛre aa bara cheme nɔ nɛra ɡe ɛɛ nyɔ danana nee á ɡwaa a nɔ ka tel saŋ baa serewe.

Maeka 7:10

Belaa ya dɔma ɛɛ ba a nae ásɛ sihiih kpo ba. Banee fa muɡli ya baah ŋɔ, “Leperaa Korowii haa dɛ tomɔ la dɔɔ tenɔ?” Yaa soo dɛ́ na ba chola, baa tiɡri ba nɛɛ kɛŋɔ baa dɛ tiɡri kpechɛɡre ta ken fɔɡbaahna.

Yela 129:3

Ba chɛwɛ ya nyaŋre yaa na wahala, kɛŋɔ paa yon kpɔ par chɛwɛ harɛ la ken.