Aesaya 51:17 - mzwDBL

¹⁷ Jerusalam tena, hé ir nyu ne, hé ir! He nyɔ Korowii danana nee a nyoa aa kpeɡa kɛŋɔ sen la, he nyɔ a bwa kwaraa dɛ dɛɛ, dɛɛ yɛɛɡe.

Aesaya 51:17 ပူးပေါင်းရင်းမြစ်များ

Job Tɔn 21:20

Gel wechɔɡ-ɛɛ la ɡbabir na o deŋnetɛra waa dɛ ba dɔe, dɛ́ nyɔ Korowii Waa Ɛ Kpeɡri Bwa Dɔɔ la danana ne.

Yela 11:6

Wɛɛ fuɡe ninhɔla, ne jebɔrɔwe niinii ta ɡɛ nɛra la nɛ, dɛ́ tɛr ba deŋne peuwɔb ne.

Yela 60:3

He ɡelɔ he nɛra na wahala kohona, ya valɛ dɛɛ yɛɛɡe kɛŋɔ yaa nyɔ sen dɛ dɛɛ ken.

Yela 60:5

Lɛ yaa he kpeɡri ne, dɛ́ no ya wesoŋa, ɡɛ aa ɛ he lɛ nɛra haa dɛ nyin ba la.

Yela 75:10

Wɛɛ sɔɔh kpeɡri nɛnchɔɡa aa dɛ di la nyoaa, kɛ nɛra ba wa aa toɡra te, wɛɛ berɔ tɛɛ ba bokpeɡa.

Yela 75:8

Korowii kpoŋe numol, o bandia aa do kɛŋɔ danana nee suu. O fuɡa kɛŋɔ seŋkpeɡa tɛ nyubinikpeɡ tena bwa ba nyɔ, ba nyɔ a bwa a tonɛ kwaraa.

Aesaya 29:9

Jerusalam tena nyoa ta kpoe yaa? He bwara ta yɔraa? He mwaalo ne, a ɡel he nyoŋe, he ta sen nyɔe kɛ dɛ ɡe dɛɛ, he dɛ yɛɛɡe, kɛ he ta seŋkpeɡa nyɔe.

Aesaya 40:2

Hé bol bansɔɔh waa baɡle Jerusalam tena dɛ́ ŋɔ, ba weweele baa naa kohona teŋo, ba bɔ ba wechɔɡa kem tonɛ. Ba dɔ ba wechɔɡa bwa deŋnetɛra kohona, dɛ le men Korowii be.”

Aesaya 51:21

Hé no, Jerusalam tena, he waa sum. Hé dɛɛrɔ, kɛ he ta sen nyɔe.

Aesaya 51:22

Nemenɛ Korowii haa dɛ tomɔ wɛɛ che he habɔɔ la ŋɔ, “Hé na, n lɛ n danana nee numol haa nyɔ o bini sen dɛɛ la le he nɔn ta. Haa anee nyɔ kpa bwa.

Aesaya 51:9

N Naa Korowii, ir nyu ne dɛ́ cha yaa! Kpɔ he kpeɡri la ba lɛ yaa ɡɛ haa ɛa saŋ la! He laa chɛwɛ mpo bini oljen Rahab la aa?

Aesaya 52:1

Bwɛjen Jerusalam, ir! Ir nyu ne! Kpɔ bokpeɡa tɔ he te kɛŋɔ yal ken. Jerusalam, Korowii bwɛɛ waa do ɡoroŋ, kpɔ he yadɛɛɡe tɔ dɛ dɔ jirima. Nɛra baa wola Korowii tomɛ, dɛ kah doŋa te bɛlbwa, aa won jo he bwɛɛ nɔ ta kpa.

Aesaya 63:6

Bandia nee n tiɡri harɛre nɛra bwa nɛ, dɛ fuɡe ba chal ta harɛ.”

Jeremia 13:13

Ásɛ he berɛ ŋɔ ba be ŋɔ men Korowii dɛ ba ɡela nɛra baa soɡe harɛ la ta dɛɛ, kɛŋɔ baa nyɔ sen ken. Hale koranar baa ɛ Kooro Devid naanar, ne sɔfore ne n keamere, dɛ banɔ la baa soɡe Jerusalam bwa jao.

Jeremia 25:18

Jerusalam ne Juda bwɛɛre nɛra, ba ne ba koranar ne nomonome bwa, ásɛ a ɡel ba harɛ berɛ dimɡbia, nɛra bambile teŋe baa mamɛ dɛɛ taah ba dɛ kpoŋe ba le fini.

Jeremia 25:27

Belaa Korowii ŋɔ n be ŋɔ, “Ŋɔ nɛra la be ŋɔ men Koranar Bwa Kooro, Israel tena aa dɛ tom mɛ la dɛ do ba ŋɔ, bá nyɔ n bandia danana sen la ka tel kɛŋɔ baa dɛɛ dɛ chwɛɛ, ka tel kɛŋɔ baa choɡli baa wola won ir kpa, laa maa kpɔa dɛɛ ba ba nɛɛ la wa.

Jeremia 44:6

Anomanta, n kpɔ n bandia ba ta Juda bwɛɛre nɛ, ne Jerusalam fɔɡbaahna, dɛ kpaa nii do a ta. A bwa kuuɡo dɛ berɛ dimɡbeeni dɛ do ɔma, nomɛlbwa aa wola nyin kɛ o nyiŋi, dɛ ba le fini.

Sekaria 12:2

“N dɛ ba ɡela Jerusalam do kɛ numol sen aa lɔ o bini tɛ harɛre aa baro la nɛra, ásɛ ba kpɔ nyɔ dɛ́ dɛɛ, dɛɛ yɛɛɡe. Dɛ ba tɔ Jerusalam do aa, bá tɔ Juda ɡe do ja.

Matiu 20:22

Anee Yeesu ŋɔ bii la be ŋɔ, “Haa waa haa dɛ soŋe nɔ mun jemɛ. Hɛɛ wonoo nyɔ n tɛɡkpela nɔ maa dɛ ba nyɔe nɔ ane aa?” Anee ba sɛh ŋɔ, “Yaa wonoo.”

1 Kɔrent 15:34

Anomanta, hé ir dɛ́ ɡel he sie chɔ harɛ hɛɛ ɛ kɛrɛdɛ, dɛ bɛ wechɔɡa dɛɛ ɛ. He bini bane aa Korowii waa jemɛ kɛrɛdɛ. A ta sihiih ɛɛ tɛ heya aa?

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

Mmarare 28:28

Dɛ́ berɛ ɡel he liire chɔɡ, hé nyoŋe ásɛ he tea bini ɡe chɔɡ.

Mmarare 28:34

Hɔhɔrɔwa haa na la ɛɛ berɛɛ choɡlaa.

Wepila 14:10

onee dɛɛ ba Korowii danana nee a nyoa aa kpeɡa kohona kɛŋɔ sen baa wola komɛlbwa a ta pule la nyɔe. Wɛɛ na hɔhɔrɔwa kɛrɛdɛɛ jebɔrɔwe ninlao ta, nyundua toroma ne Pebie la sie,

Wepila 16:19

Bwɛjen la peɡri atoro, asɛ harɛ nɔ ta bwɛɛre bwa paɡre. Korowii lii Babelɔnjen tena wechɔɡa la wa, dɛ ɡel ba nyɔ o danana nee a nyoa aa kpeɡa kohona kɛŋɔ seŋkpeɡa la.

Wepila 18:6

O chɔɡra, hé ɛo ɡɛ o fa aa ɛa la. Hé bɔɔ o tonchɔɡa la kem kera anɛ. Sen la o yon ɛ tɛ nɛra bá nyɔ dɛ́ɛ dɛɛ la, hé ɡe ɛ ane tɛo á do kpeɡri ɡwaa ɡɛ kera anɛ ó ɡe nyɔ.

Sitɔɔla 5:12

Dɛbora, ir dɛɛ ɡo yela! Ir che dɛ́ pa mun ɡo yela dɛɛ la! Barak, ir dɛ́ tɔ sie, Abinoam bibaa, ir lawɛ nɛra haa laɡ ba kaa harɛfale ta la kaa.