Aesaya 51:16 - mzwDBL

¹⁶ Menee kpɔ n waa tɛ heya, dɛ kpɔ n nɔn tɔ he nɛ. Menee paɡri nyundua kɛŋɔ yal, dɛ pa harɛ mun. Menee ŋɔ Jerusalam tena be ŋɔ, ‘N nɛraa heya.’ ”

Aesaya 51:16 ပူးပေါင်းရင်းမြစ်များ

Aesaya 59:21

Fɔo n ne haa fɔwɛ laanee kɛŋɔ, ń tɛ he ne he bii ne he naanar n Doma ne n webaɡla, á chɔ le tɛ heyaa saŋ bɛlbwa.”

Aesaya 49:2

O ɡelɔ n nyoa wobol do nyɛɡre kɛŋɔ naŋɡɔse ken, dɛ kpɔ o nɔn tɔ n nɛ, dɛ ɛɛ mɛ kɛŋɔ hɛm waa nyɛɡa, dɛ́ kpɔ mɛ ɛ toma ken.

Amanesoma Jɔn Aa Chwera Tɔn 17:8

N bol waa haa baɡ mɛ la baɡ ba, asɛ ba sɛh a ta. Ba jemɔ kɛrɛdɛ kɛŋɔ he bee n le ba, dɛ yarada kɛ henee tom mɛ.

Mmarare 18:18

Mɛɛ tomɛ n keamee ó ba bol n waa dɛɛ tɛɛ ba ɡɛ maa tomɛ nɔ. Ba ɡbaɡba dwee binii wɛɛ ba lee. Mɛɛ kpɔ n waa tɛo, ásɛ o bol anɔ la bwa maa doo bwa baɡ ba.

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Aesaya 66:22

Korowii ŋɔ, “Gɛ harɛfale la ne nyundufale maa dɛ́ ba tae a che n kpeɡri ta dɛ́ che kiŋkiŋ la, ɡɛɛ he ne he naanar sɔna ɛɛ ba cheɡa.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Aesaya 50:4

Nemenɛ Korowii baɡ mɛ n jemɛ wobol, dɛ kpɔ dɛɛ do nɛra baa koah ɡbemba. O laɡ mɛ dɛɛ ir chɔɔ bɛlbwa dɛ ɡel mɛɛ no waa waa dɛ ba n baɡla.

Aesaya 48:13

N ɡbaɡbaa kpɔ nɔn pa harɛ mun, dɛ kpɔ n nɔndiɡ baŋre nyundua. N yera aa, a dɛ ba n be.

2 Pita 3:13

Ya dɛ nyiŋi nyoa Korowii aa baɡa la ŋwɛnɛ. Anee kɛŋɔ wɛɛ ta nyundua onfale ne harɛfalee. Belaa wedɛɛɡa ɛɛ ba doe.

Aesaya 65:17

Korowii ŋɔ, “Mɛɛ ta nyundufale ne harɛfalee. Haa webena a fa aa lole la waa lii kpa bwa.

Hibru 8:10

Fɔo n ne Israel tena aa dɛ ba fɔwa kerekeree la. Mɛɛ kpɔ me Mmaraa do ba nyu bini, dɛ́ chwerɔ do ba bambile bini, ásɛ dɛ ɛ Korowii baa dɛɛ tom mɛ, ásɛ ba ɡe ɛ n nɛra.

Amanesoma Jɔn Aa Chwera Tɔn 3:34

Nɛn Korowii aa tomɔ la, Korowii wobolee wɛɛ bol, dɛkalkɛ Korowii tɛo o Domadɛɛɡe la tɛɛ tenten.

Aesaya 49:8

Korowii ŋɔ, “Dɛ saŋ telo kɛŋɔ ń lɛ heya aa, mɛɛ na he sumii dɛ́ cha heya. Mɛɛ nyiŋi heyaa, dɛ́ ɡel he ne nɛra bwa fɔwɛ fɔo. Mɛɛ ɡeloo he ka so he harɛ waa chɔɡa dɛ chɔ pɛɛpɛɛ la ta ja.

Yela 92:13

Ba do kɛŋɔ daa baa dua Korowii Dea, aa dɛɡ Korowii yaa dɛ tomɔ Dea bela ken.

Mmarare 33:27

Korowii waa lole saŋ bɛlbwa dɛ lɛ heya, o nɔn waa do kpeɡri laanee o kpɔ dɛɛ cha heya. Wɛɛ doŋi he dɔmaa le he sie dɛɛ ŋɔ, “Hé chɔɡ ba!”

Kaala 33:22

N jirima teŋo ba kaa laa, mɛɛ lawɛɛ sɔh bwebɔɔ bini dɛ́ kpɔ nɔn tɔ he nɛ ka tel saŋ maa ba kaa mɔɔ.

Wepila 1:1

Waa nɔ aa lɔ tɔn nɔ bini nɔ, Korowiirii kpɔa baɡle Yeesu Kristo, ásɛ o kpɔ baɡle o bonɔɔna ne toli bá won jemɛ wa aa dɛ ba ɛɛ taraken. Yeesu Kristo ɡelɔ nyundua torome bɛl ba o bonɔɔ Jɔn be dɛ ba baɡlo a wa.

Sekaria 8:8

Mɛɛ berɔ ba bane ba so Jerusalam, ásɛ ba ɛ n nɛra, n ɡe ɛ Korowii baa dɛ tom mɛ, ásɛ n nyiŋi ba nɛɛ kasinteŋ ne waa aa toɡra ne.

Jeremia 32:38

Baa ɛ n nɛraa, ásɛ n ɡe ɛ Korowii baa dɛ tom mɛ.

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Aesaya 45:18

Korowiirii ta nyundua onee Korowii, dɛ berɛ ta harɛ ɡe o che kiŋkiŋ. O ta harɛ tae o chɔ pɛɛpɛɛ, kɛ o tao ŋɔ nɛra so o ta. O ŋɔ, “Menee Korowii, Dɔɔ bɛlbwa toole kpa.

Yela 75:3

Dɛ harɛ jiɡro Korowii kontaala bwa ɛɛ chel aa, mɛɛ ɡeloo kwaa aa lawɔ kpoŋe la che kiŋkiŋ.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Kaala 4:15

Bol ɡɛ bwa haa dɛ nyin bola bwa do o nyoa. Mɛɛ cha heyaa he bol wa, dɛ́ baɡle heya ɡɛ bwa haa ɛ.

Yela 91:4

Wɛɛ tɔ he nɛɛ kɛŋɔ jal yon lawɛ o bii do o kena lɔɡre la ken. Wɛɛ nyiŋi he nɛɛ he dɔ bosɔɔhna, dɛ́ che o kasinteŋ ta nyiŋi, dɛ́ tɔe ɡbemɡbe.

Aesaya 57:19

ásɛ Israel tena wii berɛ kpɛɛra. Banɔ la baa lɔ bojaŋa ne sie bonɔ la, mɛɛ tɛɛ baa deŋnesɔɔhna tentenee, mɛɛ chaah baa. Men Korowiirii bola.

Jeremia 1:9

Belaa Korowii tɛr nɔn leɡe n nyoa dɛ ŋɔ n be ŋɔ, “Taraken n kpɔ n waa dɛɛ do he nyoa, hé ka bol.

Jeremia 24:7

Mɛɛ ɡeloo ba dɔ nyina bambile, á ɡel ba jemɛ kɛŋɔ menee Korowii baa dɛ tom mɛ. Mɛɛ ɛ Korowii baa dɛ tom mɛɛ, ásɛ ba ɡe ɛ n nɛra, dɛkalkɛ baa kpɔ ba bambile bwaa tɛ mɛ, dɛ́ berɛ ba n be.