Aesaya 50:10 - mzwDBL

¹⁰ He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

Aesaya 50:10 ပူးပေါင်းရင်းမြစ်များ

2 Samoɛl 22:29

N Naa Korowii, henee do kɛ kandea dɛɛ chaah mɛ, henee ɡela biro ber mɛ bɔr waa chaahna.

1 Webena 5:20

Korowii cha ba dɛ ɡel ba pɔ ba nɛ, dɛ kpɔ Haɡri tena ne nɛra baa ja ba nɛɛ bwa do ba nɔn ta, dɛkalkɛ laa la ta la, ba wio no Korowii.

2 Webena 20:12

Henee Korowii yaa dɛ tomɛ. Tɛr ba deŋne, dɛkalkɛ ya ta kpeɡri dɔe dɛ́ won che laa tena baa wara dɛɛ ba ya nɛɛ nɔ sie. Yaa jemɛ ɡɛ yaa ɛ, he siwi taa yaa nyiŋi.”

2 Webena 20:20

Tɔ aa pera chɔɔ la, ba leɔ kaa Tekoa pua hɛŋle ɡbo harɛ ta bela. Baa dɛ ba kaala la, Kooro Jehosafat iro che dɛ ŋɔ, “Hé no, Juda ne Jerusalam tena. Hé yarada Korowii haa dɛ tomɔ la, dɛ́ yarada waa o keamere ɡe aa bola la, aa chiɡ heyaa kɛrɛdɛɛ.”

Job Tɔn 13:15

Hale dɛ Korowii kpo mɛ naa, n ta dɔ hwɛɡa o be dɛ́ chemo, dɛ́ baɡle kɛŋɔ n ta bolchɔɡe dii.

Job Tɔn 29:3

ɡɛ saŋ waa ɡela n ŋwɛnɛre chaah dɛ ɡel n won valɛ biro ta!

Yela 111:10

Korowii ɔmaa dɛɛ ba ɡela he dɔ wejema. Nɛra baa dɛ teŋɛ o waa ta la, o ɡelɔ baa no waa mun kohona. Onee chɛ kpɛɛra saŋ bɛlbwa dɛɛ la.

Yela 128:1

Nɛra baa dɛ ɔmɛ Korowii, dɛɛ teŋɛ o Mmarare ta la, ba na som.

Yela 145:21

Mɛɛ kpɛɛ Korowii saŋ bɛlbwaa. Korowii kontaala bwa, hé kpɛɛ o sɔn waa do ɡoroŋ la, saŋ bɛlbwa dɛɛ la.

Yela 23:4

Hale n dɛ valɛ biro tenten bini kwaraa naa, maa ɔmɛ, dɛkalkɛ he ja n nɛ, he daŋɡbala haa kpɔa dɛɛ teɡɛ peera laanee dɛɛ tɛ mɛ bosɔɔhna.

Yela 25:12

Nɛra baa dɛ duu Korowii la, wɛɛ baɡ ba ŋwɛnɛɛ baa kpɔ o ta.

Yela 25:14

Nɛra baa dɛ duu Korowii la, o kpɔ ba ɛ o daamanar, o ɡelɔ o ne ba fɔo baa fɔwa la che kiŋkiŋ.

Yela 28:7

Korowiirii dɛɛ tɔ mɛ ɡbemɡbe dɛ ɛ n Kpeɡnɛn, o nɛɛ n kpɔ n te dawɛ, wɛɛ cha mɛ. N dɛ hɛɡre n bambile bini, mɛɛ ɡo silɛɛ yelaa kpɛɛro.

Yela 42:11

Ɛrɛɛ tebinichɔɡ su n bwa ken? Ɛrɛɛ n bambile chɔɡ ken nɔɔ? N kpɔ n hwɛɡa bwa dawɛ hen Korowii nɛ, dɛ berɛ kwaa dɛɛ kpɛɛre ja, henee Korowii maa dɛ tomɛ, henee n Lɛɛ.

Yela 62:8

Yabala, hé kpɔ he hwɛɡa do Korowii nɛɛ saŋ bɛlbwa, dɛ́ kpɔ he wehiah bwa bil o sie, dɛkalkɛ onee ya chwa kaa marɛ wɛɛ lɛ yaa.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Aesaya 10:20

Gɛ saŋ la, Israel tena baa kaa la aa hwɛɡaa dɔ Asiiria koojen waa lɔ ba harɛ la nɛɛ kpa. Korowii Israel Nɛŋɡoroŋ la nɛɛ baa ba ba kpɔ ba te dawɛ kasinteŋ ne.

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Aesaya 26:9

N sie dɛ che chiŋ jwaana he wa, chɔɔbɔr ɡe, n pɛla dɛ lawɛ. He baa bol harɛ nɔ ta nɛra waa dɛ pa bole aa, aa ɡeloo ba hweli waa aa toɡra.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Aesaya 50:4

Nemenɛ Korowii baɡ mɛ n jemɛ wobol, dɛ kpɔ dɛɛ do nɛra baa koah ɡbemba. O laɡ mɛ dɛɛ ir chɔɔ bɛlbwa dɛ ɡel mɛɛ no waa waa dɛ ba n baɡla.

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Aesaya 59:9

Ate, nɛra la ŋɔ, “Ya ne kasinteŋ baah jaŋne, ya waa ɡe ta toɡrɛ. Ya dɛ nyin bochaah ta dɛ́ valɛ, kɛ biro tenten ɡboo ya na,

Aesaya 8:17

Mɛɛ kpa Korowii waa waa bola la waa. O laa sie kpɔ Jekɔb naanar nɛɛ taraken, kɛ mɛɛ kpɔ n hwɛɡaa do Korowii nɛ.

Aesaya 9:2

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.

Wiile 3:2

O doŋ mɛ le o sie mɛɛ valɛ biro bini, ɡwaa kɛ n fe aa lɔ bɔchaah ta,

Daneɛl 3:28

Kooro Nebukadnesa ŋɔ, “Hé kpɛɛ Korowii Sadrak, ne Mesak dɛ Abɛdnɛɡo aa dɛ tomɔ la. O ɡelɔ o nyundua torome ba, dɛ ba lɛ o bonɔɔna. Ba kpɔ ba te tɛo, dɛ vɛh waa maa do ba a ta, dɛ sɛh kɛŋɔ ba sewɔ bɔ ba be kɛŋɔ ba ɡuŋi kɛɛ dɛ tomɛ voɡ bɛlbwa, atane Nemenɛ Korowii baa dɛ tomɔ ɡbo.

Neehum 1:7

Korowii wer, o kpɔ nɔn dɛɛ tɔ o nɛra nɛɛ ba wenaale tɔpere, dɛɛ nyiŋi nɛra baa dɛ yaradao nɛ.

Sefania 3:12

Nɛra ba waa aa pwɛra ne nɛra baa kpɔ ba te dawɛ n nɛɛ laanee dɛ́ so bela, ásɛ ba ba n be, ń cha ba.

Haɡae 1:12

Ate, Sɛrobabɛl ne Sɔfonomoa Josua dɛ nɛra baa laɡ ba laa ta kaa Babelɔn harɛ ta ba berɛ ba la bwa, ɛ waa Korowii aa ŋɔa ba ɛ la. Ba ɔmɔ dɛ no waa Korowii baa dɛ tomɔ aa kpɔa tomɛ o keame Haɡae la.

Malakae 3:16

Kɛ banɔ la baa dɛ ɔmɛ Korowii bol waa dɔŋa be, asɛ Korowii do deŋne ba be, dɛ no waa bwa baa bola. Nɛra baa dɛ ɔmɔ dɛɛ tɛ o sɔn jirima la, ba chwerɛ ba sɔna do tɔn bini bil o sie, dɛ kpɔ dɛɛ lii ba wa.

Amanesoma Jɔn Aa Chwera Tɔn 12:46

N ba harɛ nɔ ta kɛŋɔ kandea dɛ baa chaah nɛra bwa, ásɛ nomɛlbwa waa yarada mɛ la bɛ biro ta do kpa.

Amanesoma Jɔn Aa Chwera Tɔn 8:12

Yeesu bol waa baɡle Farisii tena la ja, dɛ ŋɔ, “N ɛ kandea dɛɛ chaah harɛ nɔ ta nɛra. Nomɛlbwa waa dɛ teŋɛ n nɛɛ la aa biro taa valɛ bwa, wɛɛ valɛ bochaah taa dɛ́ dɔ mkpa.”

Ɛfesos 5:8

He waa bwa fa ɛ biro bini wa, kɛ ya Dɔɔ Yeesu nomanta, he ɛ bochaah ta nɛra. Anomanta, hé ɡel he soɡa bini wobɛlbwa do kɛŋɔ bochaah ta nɛra.

Hibru 5:9

Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.

1 Pita 5:7

Wobɛlbwa aa dɛ ha heyaa la, hé kpɔa bil Korowii sie, dɛkalkɛŋɔ he waa lɔ o bambile ta.

1 Samoɛl 30:6

Devid bambile chɔɡɔ kɛrɛdɛ, dɛkalkɛ dɛ a dɛ we o laa tena la nɛɛ kɛŋɔ baa lawɛ ba bii kaa la, asɛ dɛɛ nyin ba foɡre Devid bwea kpo. Kɛ Korowii waa dɛ tomɔ la doo ɡbemba.