Aesaya 5:7 - mzwDBL

⁷ Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.

Aesaya 5:7 ပူးပေါင်းရင်းမြစ်များ

Mumpar 4:10

Asɛ Korowii berɛ ŋɔ, “Ɛrɛɛ he ɛ waa aa do ken nɔɔ? He nime chal aa le harɛ la ta la dɛ baɡle kɛŋɔ he ɛ wechɔɡa a chɛ kɛŋɔ ń bɔe a kem.

2 Samoɛl 7:10

Mɛɛ kpɔ harɛ waa ɛ n nɛra Israel tena ɡbaɡba konee tɛɛ ba, bá ka so o ta ba bwara sɔɔh ba. Nɛnchɔɡa aa ban fiiɡi kpa, ɡɛ a fa aa doa wubwa la,

Job Tɔn 34:28

Ba ɡelɔ nyaara wi dɛɛ no Korowii, asɛ wɛɛ no yera baa dɛ yerɔ ŋɔ ó cha ba.

Yela 147:11

o sie dɛ lɛ nɛra baa dɛ ɔmɔ, ne nɛra baa kpɔ ba te dawɛ o nɛ, ne o nyina aa wola jaɡa dɔe la ta.

Yela 149:4

Korowii sie dɛ lɛ o nɛra nɛ, dɛɛ cha nɛra baa dɛ pwɛr ba te, dɛ ɡel baa pɔ ba dɔma nɛ.

Yela 80:15

haa kpɔ yaa ba so bonɔ, dɛ ɡel ya mun ya kohona nɔ.

Kaala 3:7

Anee Korowii ŋɔ, “N na sibeɡra kohona baa dɛ do n nɛra baa lɔ Ijipt. N no ba wii, dɛ le ba dɔɔranar tonchɔɡa baa dɛ do ba la ta, anomanta, ba waa hiah mɛ kohona.

Sɛɡla 21:13

He laa deŋna kpɔ nyaa wii waa dɛ wi ta naa, he ɡe ɛɛ baa wiu, haa nɛnee dɔ ó lɛɛ.

Wejereme 4:1

N berɔ nyiŋi dɛ na fiiɡa nɛra aa dɛ fiiɡi ba dɔŋa harɛ nɔ ta. N na nɛra baa dɛ fiɡ ba siniire, kɛ nɛn toole dɛ́ larawe ba bwara, dɛkalkɛ, nɛra baa dɛ fiɡ ba la nɔn taa kpeɡri ka di.

Yelsom 7:6

Na ɡɛ haa wera tolo he waa ɛɛ lɛ sie, he nyina waa dɛ lawɛ n bambile kohona.

Aesaya 1:21

Bwɛɛ kasinteŋ diile fa aa lɔ o ta, taraken ba do kɛŋɔ haah waa le o jaa habɔɔ dɛɛ nyin baala ken. Nɛndɛɛɡa ɡboo fa o bwa, kɛ taraken nɛŋkpoa su o bwa.

Aesaya 1:6

Le he nyu ta ba ta harɛ, he bobɛlbwa toole dɛ do kpeɡri. Ŋwɛra ne bela aa darawa ne chale ɡboo he bwa. Ba ta an jaɡrɛ, á ba ɛ kɛŋɔ baa do tɛɛɡa a taa dɛ́ vɔwa.

Aesaya 27:2

Awola tɔpere la, Korowii ɛɛ bol o daa koo bɛl waa wera waa ŋɔ,

Aesaya 3:14

Korowii dɛ ba o nɛra nomonome ne ba sitɔɔla waa bola dɛ́ pa bole. O ŋɔ, “Heyaa he n daa koo. Heyaa pa nyaara kwaa le ba be kɛŋɔ laa ta kwa, dɛ kpɔ su he be deene.

Aesaya 3:15

Ɛrɛɛ hɛɛ ɛ ɡɛ nɔɔ? Haa kɛrɛdɛ ɛ ɡɛ haa dɛ fɔɡɛ n nɛra, dɛ pa nyaara kwa, dɛ lawɛ ba sie dɛɛ teɡɛ harɛ nɔ. Men Korowii, Koranar Bwa Kooroo ŋɔa.”

Aesaya 3:17

Anomanta, Korowii ɛɛ ɡeloo Saayɔn haahna nyubaahna chuɡri ŋwɛra, ásɛ ba nyuune ɡba.

Aesaya 30:12

Anomanta, Israel Nɛŋɡoroŋ la ŋɔ, “Haa vɛh waa nɔ, dɛ kpɔ he ɡbaɡba ŋwɛnɛ dɛɛ di kpeɡri nɛra nɛɛ dɛɛ neɡ ba nomanta,

Aesaya 46:12

Hé no n be, deŋnekpeɡ tena, he ne waa aa toɡra baah jaŋne.

Aesaya 5:2

O buɡli harɛ la, dɛ laa bwea aa lɔ o ta bwa pa mɔɔ dɛ nyin dadɛɛɡa chɔɔ o ta, dɛ chiɡri jɛŋla baa so o ta dɛɛ kpa koo la. O komɛ bwe bɔɔ, bela baa ba tiɡri a nɔna ta a nee le. Name o soɡo dɛɛ hwɛɡɛ kɛŋɔ aa nɔnɛ nɔndɛɛɡaa, kɛ a berɛ nɔnɛ nɔnchɔɡa.

Aesaya 59:13

Ya ɛ deŋnekpeɡ, dɛ berɛ habɔɔ kpoe, dɛ vɛh he nɛɛ teŋa. Ya fiiɡi ya dɔŋa dɛ berɛ habɔɔ kpoe. Ya liire ne ya wobol bwa ɛ nyosone.

Aesaya 59:14

Waa aa ɛ kpela ne waa aa toɡra kaa bojaŋ, a do kɛŋɔ kasinteŋ toole kpa ken.

Aesaya 59:4

Nomɛlbwa ta kasinteŋ ta cheɡɛɛ dɛ kpɔ o dɔŋ la kɔɔto bwa. Nyosone ɡbo taa he che dɛɛ di bole. He dɛ vɔrɔwe vɔrɔwa dɛ́ chɔɡ bane.

Aesaya 62:5

Gɛ bonɔmbii yon nyin bitolo waa wola baa jemɛ dɛ lawɔ hanfale la, ɡɛɛ Korowii waa tae ɛɛ ba he jaa ɛɛ. Gɛɛ Korowii sie ɛɛ ba he nɛɛ lɛɛ, kɛŋɔ baa sie yon lɛ o hanfale nɛɛ la.

Jeremia 12:10

Peteɡra kpɔ ba peera ba tiɡri n daa koo do harɛ, kɛŋɔ harɛre ane koranar aa chɔɡ n nɛra la. A ɡelɔ koo n sie aa dɛ lɛ o ta chɔɡ, dɛ berɛ pua hɛŋle ɡbo harɛ.

Jeremia 24:2

Nɔndɛɛɡa su wɛɡrɛ beŋkpoŋ, anee tɔ sie swɛɛ, asɛ wɛɡrɛ nɛɛte la te kwaa ɛ nɔnchɔɡa, baa wola won dia.

Jeremia 50:46

Babelɔn harɛ baa paɡre tonaa, harɛ ɛɛ jiɡruu, ásɛ harɛre nɛra ɛɛ no Babelɔn tena lɔŋɔre.”

Ɛsekeɛl 22:29

Harɛ la ta, nɛra ɛɡre nɛra dɛɛ lɛ ba kwa, dɛɛ faah nɛŋhɔɔhra ne nyaara, baa waa bolɛ dɛɛ tɛɛ ba aŋwɛnɛ ta.

Hosia 10:1

Israel tena fa do kɛŋɔ ɡrepo da, asɛ nɔna su o bwa. Ba kondɔɔh do kɛŋɔ ɡrepo nɔna ken, aa dɛ warɛ la, dɛ ba dɛ ɛ kwaa baa dɛ ɛ saraha a ta aa warɛ. Harɛ la dɛ ɛ kondikwaa kohona naa, ɡɛɛ ba ɡe ɛɛ paaɡe bwea aa wera kɛrɛdɛ dɛɛ duura.

Maeka 6:12

He nɛra haa dɔ suuɡa dɛɛ ɛɡre nyaara, nyosonteŋna ɡe ɡboo he bwa.

Maeka 6:8

Akai, waa aa weraa Korowii chaɡle yaa, wáa waa dɛ nyin dɛ́ le ya be laanee kɛŋɔ, ya di kasinteŋ dɛɛ sune dɔŋa nɛ, dɛ́ pwɛr ya te tɛo.

Habakuk 1:3

Ɛrɛɛ he ɡel mɛɛ na we-ɛɛla aa wola toɡrɛ ɡbo nɔɔ? Ɛrɛɛ he laa sie kpɔ nɛra nɛɛ baa ɛ wechɔɡa nɔɔ? Kwaa chɔɡa ne naɡrenyin we-ɛɛlaa chɔ n sie. Yoi ne nyopɛo bɛ dɔe bar mɛ cheme.

Sefania 3:17

Korowii haa dɛ tomɔ la ja he nɛ. O dɔ kpeɡri dɛ́ won lɛ heya. O sie ɛɛ lɛ he nɛɛ kohonaa, dɛ́ che o nyina ta tɛ heyaa mkpafale. Wɛɛ ɡo yelaa dɛɛ hɛɡre he wa.

Matiu 23:23

Hé bwɛɛlɛ, he Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa! He kondiili do tamaa ɡɛ bɛlbwa naa, he won a bini pera bɔre fi dɛ́ kpɔ bɔrbeŋkpoŋ aa ɛ Korowii kwaa la ka tɛo, ɡɛ Mmara la aa baɡla la, kɛ dɛ ɡel Mmara la bini waa aa tɔ sie dɛɛ baɡle ŋɔ hɛ́ɛ di kasinteŋ, dɛ́ɛ na nɛra sum, ásɛ dɛ ɡel nɛra ɛɛ yarada heyaa la te. Gɛ waa nɔɔ chɛ kɛŋɔ hɛɛ ɛ, dɛ́ ja anɔ la haa dɛ ɛa la ta.

Amanesoma Luk Aa Chwera Tɔn 18:7

Dɛ nɛn waa do ken wono lɛ nɛn aa, ɛrɛɛ Korowii aa wola won cha o nɛra baa wia dɛɛ noo chɔɔ ne jwaana la dɛ́ lɛɛ ba le ba dɔma nɔn ta nɔ? Aa biɡruu mɔɔ o cha ba aa?

Amanesoma Jɔn Aa Chwera Tɔn 15:2

N kpale bɛlbwa waa wola nɔnɛ la, o teŋo dɛɛ ta, kɛ n kpale waa won nɔna la te, o dɛ kuu o nyoo ó won nɔnɛ kɛrɛdɛ.

Mmarare 15:9

Dɛ benanyoa nɛn aa di he kem he ɡel a ta la dɛ tel, asɛ nomɛl ba dɛ ba kemɛ suuɡa he be naa, bɛ koh kɛŋɔ ɡɛ tɔpere la dɛ tel dɛ́ vɔmɔ. Bɛ ɡel ɡɛ liichɔɡa nɔ ba he nyu bini, ásɛ o bɛ ba wi no Korowii ta he nɛ, á ba ɛ wechɔɡa tɛɛ.

Jems 5:4

Hɛ́ɛ no! Nɛra haa kpɔ ba, ba ɛ he kooni tomare he ta ban kem bɔe dɛ faah ba la, ba dɛ wi he tɛl. A ɡɛ nɛra la wii chole Korowii waa ɛ komɛlbwa Dɔɔ la deŋna ta.