Aesaya 5:6 - mzwDBL

⁶ Mɛɛ ɡeloo harɛ la chɔ pɛɛ maa wola belaa parɛ kpa, maa daa la kpalaa kɛ, ásɛ sɔɔhne ne jabalnadaŋɛ le bela. Maa ɡel bwaala nɛ harɛ la ta kpa.

Aesaya 5:6 ပူးပေါင်းရင်းမြစ်များ

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

1 Koranar 8:35

Kooro Solomɔn berɔ ŋɔ, “Dɛ ya Israel tena yaa ɛ he nɛra ɛ wechɔɡa dɛ jo he nɛ, asɛ he koh a waa dɛ lawɛ bwaala kpoŋe, asɛ ya charɛ ya liire dɛ kpɔ sie chaɡɛ he Dea nɔ bini dɛɛ soŋe naa,

Job Tɔn 31:40

ate Korowii ɡel mea a fe aa le la, jabalnadaŋɛre le chiɡ a naa ta, ane ɡe soo siwi aa le la, kpɔɡa le chiɡ a naa ta.” Job nyoa wobol la chiɡo.

Sɛɡla 24:31

Jabalnadaŋɛ ne kpɔɡa lɛ koo la bwa, bwea waa kpɔa ma danjwɛɛ baro la ɡe kuuɡi.

Aesaya 24:12

Bwɛjen la chɔɡɔ, o doonyoo ɡbeni bwa kuuɡo kwaraa.

Aesaya 30:23

Korowii ɛɛ nɛ bwaalaa do kwaa haa dua ta, ásɛ a do wer dɛ́ ɛ kɛrɛdɛ. He kondɛɛra ɛɛ dɔ bɔr waa kanaa dɛɛ di.

Aesaya 32:10

Benanyoa ne tɔpere tamaa bɛl habɔɔ la, he banɔ la haa soɡe bosɔɔhna ta la bwara ɛɛ sao, dɛkalkɛ daa nɔna toole hé chaa kpa.

Aesaya 49:19

A lole kɛŋɔ harɛ la fa paɡrɔ, dɛ berɛ dimɡbia, kɛ taraken harɛ la ɛɛ do jeɡaa tɛ nɛra baa dɛ ba ba so o ta. Ásɛ nɛra ba fa aa chwa he yaa la, bá kpɔ ba kaa bojaŋ harɛ ta.

Aesaya 55:13

Bela sɔɔhne aa lole la, dajaŋa ɛɛ le a buɡ taa, ásɛ jabalnadaŋɛre le dadɛɛɡa buɡ ta. Gɛ waa nɔ ɛɛ ɡeloo Korowii dɔ sɔn kohona, dɛ́ chɔ saŋ bɛlbwa dɛɛ lii waa men Korowii aa ɛa.”

Aesaya 7:19

Baa bao dɛ́ ba su fɛlembɔɔne ne bwebɔɔne bini, dɛ́ tɔ sɔɔhne ne kondɛɛra dibɔra bwa ta.

Jeremia 14:1

Waa Korowii aa bol men Jeremia be, hwel bɛl waa dɛ́ ba cheɡa waa nɔ. O ŋɔ,

Jeremia 14:22

Harɛre voɡare aa wola tɔnɔ bɛlbwa dɔe ɛɛ won ɡel bwaala nɛ aa? Nyundua ɡe ɡbo ɛɛ won ɡel bwaala wir aa? Akai, hen Korowii yaa dɛ tomɛ ɡbosoroo dɛ won ɛ. Ya hwɛɡa bwa lɔ he nɛ, dɛkalkɛ he ɡboo wona dɛɛ ɛ ɡɛ waa nɔ bwa.”

Jeremia 25:11

He harɛ nɔ bwa ɛɛ berɛ dimɡbiaa, nɛra na ba nyoa kpo, ásɛ harɛre aa baro cheme la nɛra do Babelɔn kooro lɔɡa, dɛɛ tomɔ bene fifraanuanɛ.

Jeremia 45:4

Belaa Korowii ŋɔ men Jeremia bol Baruk be ŋɔ, “Mɛɛ taɡɛ komɛlbwa maa mao ta harɛ, dɛ́ fuɡri komɛlbwa maa duu ta, harɛ nɔ ta bobɛlbwa.

Wiile 2:6

O kuuɡi o Dea baa dɛ tomɔ o bini burbur ken, dɛ ɡel tɔpejena baa lea cheɡ a do ɡoroŋ, ne Ona Tɔpera bwa ba a jaɡa. Kooroo yoo, sɔfoo yoo ba bwa nyɔ o danana ne.

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Hosia 9:6

Dɛ wekpeɡa chiɡo asɛ ba lɔ peɡre aa, Ijipt tena ɛɛ boa ba nyoaa, ásɛ dɛ ba sewɔ aa, bá huɡ ba bwɛjen Mɛmfes. Jabalnadaŋɛre ɛɛ kpeɡuu tɔ ba kondɔɔh aa ɛ suuɡapoŋa la bwa ta, ásɛ sɔɔhne ne kpɔɡa moɡɛ tɔ bela ba deene fa aa cheɡa la.

Joel 1:7

A chɔɡ n ɡrepo daa maa kpɔa dɛɛ ɛ sen, dɛ chɔɡ n fiɡ daa kooni. A nyee a pɛɡa bwa, asɛ a kpala bwa to.

Emɔs 4:7

Menee ɡela bwaala ɡel nɛɛ, ɡɛ saŋ aa ka korobie atoro he komɛ koo koŋkwaare. N ɡelɔ bwaala nɛ bwɛɛ beŋkpoŋ ta, dɛ ɡel o ta bɛl te ta nɛɛ. O nɛ koo bɛl ta, bɛl ta bwaala dɔe, harɛ hol.

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Mmarare 29:23

He harɛ ɛɛ chɔɡoo komɛlbwa aa wola won le o ta. Jebɔrɔwe ne yaree dɛɛ ba chura ta o ta. Haa won du komɛlbwa, kpɔɡa kwaraa aa won le o ta. Ásɛ he harɛ la do kɛŋɔ Sodom ne Gomoora ne Adma dɛ Seboiim, Korowii aa kpɔ bandia chɔɡa la.

Wepila 11:6

Ba dɔ kpeɡri dɛ́ lawɛ bwaala o ɡel nɛɛ ɡɛ saŋ baa dɛɛ bol Korowii Waa la bwa, dɛ́ berɛ won ɡel nee berɛ chal. Ba dɔ kpeɡri kɛ bá kpɔ harɛchɔɡ waa bɛlbwa ta harɛ nɔ ta saŋ bɛlbwa baa dɛ nyin.