Aesaya 5:30 - mzwDBL

³⁰ Gɛ tɔpere la telaa, baa do ɡbɔɡaa, dɛ́ ba jo Israel harɛ bwa kɛŋɔ mpo yon dɛɛ si la ken. Dɛ he nyiŋi harɛ la aa, hɛɛ nao kɛŋɔ bɔr biro ásɛ sibeɡra chole nomɛlbwa nɛ, ásɛ biro tɔ bochaah ta.

Aesaya 5:30 ပူးပေါင်းရင်းမြစ်များ

Wejereme 12:2

mɔɔ wee ne bɔrchaahna, ne korobie dɛ weweela kaa biro ta, ásɛ baama aa dɛ nɛ bwaala la ba tɔ nyundua,

Aesaya 13:10

Weweela aa chaah ɡɛ saŋ, wee aa bɔr chaahna ba kpa, korobie ɡe aa won chaah.

Aesaya 13:4

Hé no! Gbɔɡa dɛ le bwejena dor dɛɛ ba birbir kɛ nɛnlaa aa dɛ valɛ ken, kɛ harɛre nɛra ne ba koranar aa baa pɛ ken. Nemenɛ Korowiirii dɛɛ yer ba bá kaa laa la.

Aesaya 17:12

Sibeɡra chole harɛre aa wara nɛ, a nɛra ɛɛ si kɛŋɔ mpo ken, dɛɛ do ɡbɔɡa kɛŋɔ mpo nehɛma ken.

Aesaya 30:6

Waa Korowii aa bera kpɔ baɡle Aesaya chaahna ta, a ɛ kpɔɡ bini olchɔɡa waa Nɛɡɛv pua hɛŋle ɡbo harɛ taa nɔ. “Juda tena toroma la vɔrɔwe ba laala dawɛ keeɡore ta, dɛ vɔrɔwe ba kondɔɔh dawɛ nyoɡmare ta, dɛ kpɔ wekpeɡa ne siswɛm harɛ, nyujentena ne domkpule ne harɛkwaare aa dɛ jah aa lole, dɛɛ kaa harɛ la tɔnɔ bɛlbwa aa wola toole o ta la ta.

Aesaya 59:9

Ate, nɛra la ŋɔ, “Ya ne kasinteŋ baah jaŋne, ya waa ɡe ta toɡrɛ. Ya dɛ nyin bochaah ta dɛ́ valɛ, kɛ biro tenten ɡboo ya na,

Aesaya 8:22

Ásɛ dɛ berɛ nyiŋi harɛ, baa komɛlbwaa na ka ja wahala ne ɡɛ bɔr aa bira kpirkpir dɛ do ɔma, ásɛ ba ɡbɔɡ ba ta biro tenten la ta.

Jeremia 13:16

Hé tɛ Korowii haa dɛ tomɔ nɔ jirima mɔɔ o ɡel bɔr bir, ásɛ he bɛ naa lɔ deŋɡarere dor. Hé dɛ nyin kɛ bɔr chaah he nɛ, kɛ wɛɛ berɔ ɡel bɔr chaahna la berɛ biro ta he nɛ, dɛ́ bir kpirkpir ken.

Jeremia 30:5

“N no lɔŋɔ waa do ɔma kohona, hundam chole bobɛlbwa, deŋnesɔɔhna aa wola toole bela.

Jeremia 50:42

Ba kpoŋe tori ne lampeare, ba nyu bini kpeɡri baa wola nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo nehɛma aa dɛ ta ken. Ba kpɔ ba te dɛɛ ba ba yo Babelɔn tena.

Jeremia 6:23

Ba kpɔ ba tori ne lampeare kpoŋe, ba nyu bini kpeɡri, baa nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo aa dɛ si la ken. Ba kpɔ ba te dɛ́ ba yo Jerusalam. Men Korowiirii bola.”

Wiile 3:2

O doŋ mɛ le o sie mɛɛ valɛ biro bini, ɡwaa kɛ n fe aa lɔ bɔchaah ta,

Ɛsekeɛl 26:3

Anomanta, Nemenɛ Korowii ŋɔ, ‘Taaya tena, n ne he dɔɔ. Mɛɛ ɡeloo harɛre nɛra wur bá tɔ he nɛɛ kɛŋɔ mpo nehɛma ken dɛ́ yo heya.’

Joel 2:10

A dɛ ba naa, dɛ harɛ dɛ jiɡri, nyundua ɡe ɛɛ yiiɡi. Biro dɛ tɔ wee ne korobie ta, weweela ɡe aa won chaah kpa.

Emɔs 5:18

Emɔs ŋɔ, “Nomɛlbwa waa dɛ nyin o na tɔpere Korowii aa dɛ ba ba bol nɛra waa dɛ́ pa bole la, ó bwɛɛlɛ. Ɛrɛɛ hɛɛ nyin he na Korowii Tɔpere waa lea cheɡ laɔ? Biro ɡboo awola, bɔr aa o ta chaahna ba.

Emɔs 8:9

Nemenɛ Korowii ŋɔ, “Awola tɔpere la, mɛɛ ɡeloo bɔr jo webaŋa ásɛ bobɛlbwa bir.

Matiu 24:29

Wahala ne sibeɡra la aa chiɡ dɛ den dɛɛ tonɛ la, buɡ la ta ‘wee aa bɔr chaahna ba kpa, korobie ɡe aa bɔr chaahna ba kpa, weweela dɛ ba nyundua lee dɛ́ lee harɛ, ásɛ Korowii doa bwa yiiɡi dɛ́ chɔɡ.’

Wepila 6:12

N berɔ na Pebie la swe kwaa baa kpɔa marɛ tɔn numɛlte la. Waa sweo la, harɛ jiɡro kohona, asɛ wee bir kɛŋɔ birisie ken, asɛ korobie swɛɛ kɛŋɔ chal.