Aesaya 5:29 - mzwDBL

²⁹ Ba ɡbɔɡa do kɛŋɔ nyujentena aa dɛ si. Gɛ nyujente lawɛ ol dɛ́ yon tuuɡu dɛɛ kaa dɛɛ kɔɡre la, ɡɛɛ ba lawɛ n nɛra dɛɛ kaa, dɛɛ ɛ, nomɛlbwa aa wola won lɛɛ ba.

Aesaya 5:29 ပူးပေါင်းရင်းမြစ်များ

Mumpar 49:9

Juda do kɛŋɔ nyujente ken. Kpaahna taa he che dɛ kpeɡ. O chɔ harɛ kɛ nyujente aa, umee dɛ wonu wɔ?

Yela 50:22

Hé no, he banɔ la haa soh men Korowii waa la, ɡɛ laa aa, mɛɛ chɔɡ heyaa, nomɛlbwa aa wola won lɛ heya.

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Aesaya 31:4

Waa Korowii aa bol men Aesaya be laanee nɔ. “Gɛ nyujente onjen yon lawɛ ol dɛ́ kpoo dɛɛ ŋoo, ásɛ ba yerɛ peteɡra warɛ ŋɔ, bá doŋu, waa wola aahra baa dɛ aahro la ɔmɛ, waa wola ba ɡbɔɡa chaŋe la, ɡɛ tentenee men Koranar Bwa Kooro ɛɛ ba bala bá ɛ Saayɔn Bwejen ta, dɛ́ ba yo Jerusalam dɔma nomɛlbwa aa wola won kah mɛ.

Aesaya 35:9

Nyujentena aa belaa do, kpɔɡ bini olchɔɡe bɛlbwa aa ŋwɛnɛ la taa kpɔ. Nɛra Korowii aa lɛɛ ba la ɡbosoo dɛɛ ba o ta kpɔe.

Aesaya 42:22

Kɛ nɛra nɔ, ba dɔma kah ba kwaa dɛ paa kaa, dɛ laɡ ba do bɔɔne bini dɛ tɔ ba do, dɛ do ba deene ɡe. Ba ɛ nɛra baa lɛ ba kwaa bwa ba be, nomɛlbwa aa wola toole dɛ́ lɛɛ ba.

Aesaya 47:15

Waa nɛra haa le he bechale saŋ dɛɛ la ba be baa jae la aa dɛ ba ɡela he na laanee. Bɛlbwa ɛɛ nyin bɔree dɛ́ chwa kaa, bɛlbwa aa lee do, dɛ́ lɛɛ.”

Jeremia 2:15

He dɔma do kɛŋɔ nyujentena dɛɛ si, dɛ ɡel he harɛ berɛ pua hɛŋle ɡbo harɛ. He bwɛɛre fuoh, nɛra chwa le a ta kaa.

Jeremia 4:7

Gɛ nyujente yon le o sɔɔhbɔr dɛɛ ba la, ɡɛɛ nɛn waa dɛ chɔɡ harɛre kpɔ o te dɛ le dɛɛ ba. O le bela waa lole, dɛ́ ba chɔɡ he harɛ. He bwɛjena ɛɛ berɛ dimɡbiaa, nɛra aa wola a taa so.

Jeremia 49:19

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Edom tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

Jeremia 50:17

Israel tena do kɛŋɔ kondɛɛra nyujentena aa chwaa teŋɛ a nɛɛ a peɡre ken. Asiiria koojen do kɛ nyujente dɛ lawɛ Israel tena, asɛ naate waa ka mun paɡre Israel tena hoɡa laanee Babelɔn Kooro Nebukadnesa.”

Jeremia 51:38

Babelɔn tena dɛ dooɡe lɔŋɔre dɛɛ ŋoo kɛŋɔ nyujentena ken.

Hosia 11:10

Dɛ n kɔr n nɛra dɔma nɛɛ kɛŋɔ nyujente aa, baa teŋɛ n nɛɛ. Baa le wee cholibɔree dɛ́ ba n be warane.

Emɔs 3:8

Nyujente kɔraa, umee wola ɔmɔɔ? Nemenɛ Korowii bol wa aa, umee wola la ka bol o waa aa dɛ ba bala laɔ?

Maeka 5:8

Banɔ la baa kaa dɛ peɡre ka do harɛre ta la, ɛɛ doo kɛŋɔ nyujente aa lɔ kpɔɡ bini, dɛɛ kpaah ola kɛɛ peera dɛ́ pee a ola, baa wola lɛɛ dɔ.

Neehum 2:11

Bɔkwa waa pu bwɛɛ o fa aa do kɛŋɔ nyujentena sobɔr laɔ? Niniwe tena fa aa lɔ ba bwɛɛ kɛŋɔ nyujente ombal ne onnee, dɛ so bela dɛɛ dɛ́ɛ a bii, a ne a biirii ba dɛɛ ka, aa wola komɛlbwa ɔmɛ.

Sefania 3:3

Bwɛjen la nomonome do kɛŋɔ nyujentena aa dɛ dooɡe lɔŋɔre ken, o koranar ɡe do kɛŋɔ ɡboli aa lawɛ ol jɔmɔra, aa wola won haŋre dɛ́ ɡel hoɡ ɡba ka tɔɔ per o ta.

Sekaria 11:3

Hé no koranar baa do kɛ peteɡra la wii baa dɛ wi, ba jirima baa dɔa bwa tonɔ. Hé no nyujentena sii aa dɛ si kohona, kɔr o daa aa fara a do o bini Jɔɔdan Moo nyoa bwa chɔɡɔ.

Nɛra Kura 24:9

Ba do kɛŋɔ nyujente waa chɔa, nyujente nee chɔɔ waa, umee dɛ́ won lɔ bambile chumu wɔ? Nomɛlbwa waa swee andɛɛɡa tɛ Israel tena dɔ andɛɛɡa, nomɛlbwa waa taah ba la, á ɡure o ɡbaɡba nyu ta!”