Aesaya 5:28 - mzwDBL

²⁸ Ba hɛma nyɛɡre, ba harɛ ba tori dɛɛ ba tae. Jaɡre baa soɡe a ta la nafikokore kpeɡri kɛŋɔ kwɛrboɔ ken. Kwaa aa do kɛŋɔ torɔɡore nakpale dɛ kile kohona kɛŋɔ kawulewule ken.

Aesaya 5:28 ပူးပေါင်းရင်းမြစ်များ

Yela 120:4

Banyoo hɛma aa nyɛɡa, ne hɔla aa dɛ hɔ kohona nee wɛɛ ba he deŋne tɛra.

Yela 45:5

He hɛma nyɛɡre, dɛɛ jo he dɔma bambile bini, harɛre nɛra choɡli he sie.

Aesaya 13:18

Baa kpɔ ba tori ne hɛmaa le bonɔɔna nɛɛ dɛ́ kpoo ba. Ba te waane laa bechasɔɔhne wa, ba ta tedoma dɔe tɛ bechajeɡre ɡe.

Aesaya 21:1

Waa aa chiɡ Babelɔn harɛ ta Korowii bol baɡle Aesaya chaahna ta laanee nɔ. Gɛ kawulewule aa taa dɛɛ kpɔ pua hɛŋle ɡbo harɛ ta la, ɡɛɛ wekpeɡa ɛɛ ba a le harɛ waa do ɔma ta ba.

Aesaya 66:15

He na, Korowii kpɔ o torɔɡore dɛɛ ba nii ne kɛŋɔ kawulewule. O baah dɛ fuh kohona, wɛɛ ba ó ba tɛr nɛra deŋne.

Jeremia 4:13

Korowii ŋɔ, “Hé na, dɔm la dɛ ba kɛŋɔ baama ken, kwaa aa do kɛŋɔ torɔɡore ɡee ba kɛŋɔ kawulewule, o jaɡre ɡbaŋre ɡwaa kɔle.” Nɛra la ŋɔ, “Ya bwɛɛlɛ, ya bwa serewɔ!”

Jeremia 47:3

Baa dɛɛ no jaɡre aa dɛ chwa nakpale sii, ne kwaa aa do kɛ torɔɡore kɔbare sii. Mɛɛnanar aa ke nyiŋi ba bii dɛ́ cha ba, dɛkalkɛ ɔmee chole ba nɛɛ kohona, baa wola won ɛ wobɛlbwa.

Jeremia 5:16

Ba laa tena jemɛ hɛma tae kohona, baa wola nomɛlbwa nɛɛ sune.

Ɛsekeɛl 26:11

Baala baa soɡe jaɡre ta la ɛɛ kpɔ jaɡre laanee kpɔ fɔɡbaahna dɛɛ kpoo nɛra keri ne, ásɛ ba pilajena bwa ɡe kuuɡi.

Ɛsekeɛl 38:9

O ne o laa tena ne harɛre ta nɛra baa ja o nɛɛ la ɛɛ warɔɔ, dɛ́ ba harɛ la ta kɛ peukpeɡ, dɛ́ ba tɔ harɛ la ta bobɛlbwa kɛŋɔ bam ken.

Daneɛl 11:40

Aa ba ka tama Siiria kooro waa ba a jaɡa la, Ijipt kooro ɛɛ ba yoo laalee, ásɛ Siiria kooro la kpɔ kwaa aa do kɛ torɔɡore, ne laa tena baa soɡe jaɡre ta, ne stiimaere aa wara, o kpeɡri bwa ne dɛ́ ka puu yo. Wɛɛ lɔɔ ka tɔ harɛre ɡalɡa nɛra nɛɛ kɛŋɔ nee yon su dɛɛ kpɔ bobɛlbwa la ken, dɛ́ ba lɛ harɛre dɔɔh.

Maeka 4:13

Korowii ŋɔ, “Jerusalam tena, hé ir ka yo he dɔma, mɛɛ ɡeloo he do kpeɡri kɛŋɔ nabal waa dɔ bune nyeɡlare, o nafikokore ɡe do kɛŋɔ ayaawa ken. Hɛɛ yo harɛre ɡalɡa nɛraa, dɛ́ pɔ ba nɛ, ásɛ dɛ kpɔ kondɔɔh baa yo nɛra dɛ lɛa la, ba tɛ men Korowii maa ɛ harɛ nɔ bwa dɔɔ la.”

Neehum 3:2

Hɛɛ no chweremi baa dɛ cha jaɡre, ne a torɔɡore baa vɔrɔwa pɛla nakpale sii, ne chwae jaɡre aa dɛ chwa kohona, dɛ kwaa baa vɔwa pɛl jaɡre la jaeh aa dɛ jah sii.

Sitɔɔla 5:22

Belaa Sisera jaɡre chwa dɛ baa kaa a nakpale ɛɛ si harɛ, a dɛ jah a nakpale ɛɛ si harɛ kip kip kip.