Aesaya 5:25 - mzwDBL

²⁵ Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 5:25 ပူးပေါင်းရင်းမြစ်များ

1 Koranar 14:11

He dem nɛra baa serewe bwɛjena ta la, nyootenaa dɛ́ di ba ola, ásɛ jumbii ɡe di banɔ la baa serewe chɔ kpɔɡ bini la. Men Korowiirii bola.’ ”

1 Koranar 16:4

He nɛnnɔn te bɛlbwa waa sewɛ bwɛjen la bini la, nyootenaa dɛ́ di ba ola, ásɛ jumbii di banɔ la ɡe baa serewe kpɔɡ bini la ola.”

1 Koranar 21:24

He lole bɛlbwa waa sewɛ bwɛjen la ta la, nyootenaa dɛ́ di o ol. Bɛlbwa ɡe waa ka sewɛ kpɔɡ bini la, jumbii di o ol.”

2 Koranar 13:3

Anomanta, Korowii baah di Israel tena nɛɛ taeh, asɛ o kpɔ ba do Siiria Kooro Hasael, ne o bibaa Bɛn Hadad lɔɡa biɡri.

2 Koranar 9:37

O hoɡa ɛɛ doo kɛŋɔ bena aa chɔ puldoa ken do harɛ la ta, nomɛlbwa aa wola o jema ba.’ ”

2 Webena 36:16

Kɛ ba nyiŋi keamere la nyubaah, dɛ mam ba, dɛ vɛh o waa la ka tel kɛŋɔ Korowii baah aa di o nɛra nɛɛ kohona, baa wola won le a nyoa kpa.

Job Tɔn 9:13

Korowii baah diu waa, o ɡbaɡba aa won o te larawe warane, o dɛ sɔɔh mpo bini oljen ne kwaa aa dɛ chao la nyoa, á do o lɔɡa.

Yela 106:40

Anomanta, he baah di he nɛra nɛɛ kohona, asɛ he ki ba we-ɛɛla.

Yela 114:7

Hárɛ, jiɡri Korowii sie, Korowii Jekɔb aa dɛ tomɔ sie.

Yela 18:7

Harɛ jiɡro dɛ yiiɡi, asɛ bwejena mune jiɡri. Korowii bandia waa a bwa ɛ ɡɛ.

Yela 68:8

harɛ jiɡro asɛ bwaala nɛ he sie. Henee Sinai Bwejen Dɔɔ, Korowii Israel tena aa dɛ tomɛ.

Yela 77:18

He ɡelɔ bwaala nyɛɡle dɛɛ kɔɡre kohona, dɛɛ nyɛɡle harɛ nɔ ta bwa, asɛ harɛ jiɡri.

Yela 78:38

Kɛ Korowii sune o nɛra nɛ, o kpɔ ba wechɔɡa kɛ ba, o ta ban chɔɡɛ. Keraŋwɛnɛ bwaa o lawɛ bambile, dɛ ɡel o bandia nyoa sɔɔh.

Yela 83:10

He kpoo ba bil Ɛndɔr, ba chɔ bela dɛ pɔh.

Kaala 7:19

Korowii berɔ ŋɔ Mosis be ŋɔ, “Ŋɔ Arɔn be ó tɛr o daŋɡbala dɛ́ kpɔ pa Ijipt neerare bwa ta, nenabɔɔne ne taama dɛ buli bwa, ásɛ a berɛ chal. Chal ɛɛ perɛ harɛ la ta bobɛlbwaa. Hale komɛlbwa nee aa lɔ o bini bwa.”

Aesaya 10:4

Wobɛlbwa toole hé ɛ kpa, nemenɛ hé ja nɛra baa laɡ ba laa ta, kɛɛ banɔ la baa ka kpoo la nɛ. Anɔ nɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Aesaya 14:19

Kɛ he te, ba kpɔe viɡri kɛŋɔ baa teŋe daa ta ken, ba ta hen huɡe. Nɛra baa ka laa ta la lalaa tɔ he nɛ, ba kpɔ he ne ba bwa ta bwebɔɔ bini dɛ tiɡri he nɛ.

Aesaya 23:11

Korowii tɛr o nɔn pa mpo ta, o ir mpo nyoa koranar ɡalɡa. O bol Keenan harɛ nɛra baa soɡe mpo nyoa la wa, dɛ chɔɡ ba dekpeɡa.

Aesaya 25:11

Baa dɛɛ ta nɔɔra a binii, kɛŋɔ nɛn yon dɛɛ wa nee la. Korowii ɛɛ ba ba jenu baa dɛ ɛ la ne harɛɛ, hale ba takapɔ ɡɛ bɛlbwa kwaraa naa, aa won lɛɛ ba.

Aesaya 29:2

kɛ Korowii ŋɔ wɛɛ ɡeloo he Jerusalam tena bwara nyɛɡ heya, ásɛ hɛɛ wi dɛɛ dooɡe lɔŋɔre. He bwɛjen la bwa ɛɛ ɛ chalee, kɛŋɔ kon baa kpoo kwaa dɛɛ ɛ saraha o ta.

Aesaya 42:25

A waa o ɡel o bandia waa kana kohona ba ba nɛ, dɛ ɡel ba na waa laa ta. A do kɛ o mar nii bar Israel harɛ ken, kɛ ba ta kpɔe do ba nyu bini. Nii la nyaa ba, kɛ ba ta wobɛlbwa ɡe hwele dɛ le a ta.

Aesaya 51:20

He bii ɡwɛɡrɔ chɔ fɔɡbaahna, ba do kɛŋɔ kweɡla aa lɔ bel ta ken. Korowii baah di ba nɛ, aa noo ba kohona.

Aesaya 64:3

He fa ɛ ɔmewaa kohona ya fa aa wola a waa liire, bwejena jiɡri he siwi ta.

Aesaya 66:15

He na, Korowii kpɔ o torɔɡore dɛɛ ba nii ne kɛŋɔ kawulewule. O baah dɛ fuh kohona, wɛɛ ba ó ba tɛr nɛra deŋne.

Aesaya 66:24

Nɛra ɛɛ leo dɛ́ kaa nyiŋi banɔ la baa ɛɛ mɛ deŋnekpeɡ la lala kɛ baa serewa chɔ. Dudule aa dɛ di ba ola la aa sewɛ bwa, nii aa dɛ fuuh ba ɡe aa dime bwa, ásɛ ba waa pe nɛwɛnyina bwa.”

Aesaya 9:11

Korowii ɛɛ ɡeloo Israel tena dɔma baah di bá ba yoo ba.

Aesaya 9:16

Nɛra baa tɔ nɛra la sie la, ɡelɔ baa koni, dɛ ɡel banɔ la baa teŋɛ ba nɛɛ la ɡe nyoɡre kwaraa.

Aesaya 9:17

Anomanta, Korowii sie aa ba bini bonɔɔna nɛɛ lɛɛ ba, hale waa bilalbii ne luhaahna kwaraa sum nae ba, dɛkalkɛŋɔ ba bini bɛlbwa aa o waa ta teŋɛ, dɛ ɛ wechɔɡ-ɛɛra, ba wobol aa were. Anɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:20

Baa kah kondikwaa nɔndiɡ ne ɡal bwa nee dɛɛ di, kɛ baa vaɡɛ, hale dɛ́ larawe ba biirere chwe.

Aesaya 9:21

Manasɛ dea nɛra ɛɛ yo Efrem dea nɛraa, ásɛ Efrem dea nɛra ɡe yoo ba, a ɡɛ deene anɛ nɔ ɛɛ pɛo dɛ́ yo Juda dea nɛra. Anɔ nɔ bwa habɔɔ, Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 15:3

Men Korowii ɛ n liire kɛŋɔ wekpeɡa bele anaarɛɛ mɛɛ ba ɡela ba na. Baa kpoo ba laa taa, ásɛ nyootena tuɡ ba ka ta. Jumbii ne kpɔɡ bini olaa dɛ́ di ba ola kabora.

Jeremia 16:4

“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”

Jeremia 17:4

Hɛɛ paŋɛ harɛ maa kwaara cheɡ heya o ɛ he kapɛrɛ kon laanee. Mɛɛ kpɔ heyaa do he dɔma lɔɡa hɛɛ tom ba, harɛ haa wola o ta jemɛ bwa ta, dɛkalkɛ he ɡelɔ n baah di, waa wola sɔɔh bwa.”

Jeremia 4:24

N berɔ nyiŋi bwejena dɛ a dɛ jiɡri, asɛ deŋɡarere bwa ɡe ɛɛ yiiɡi.

Jeremia 4:8

Hé kpɔ lweyale tɔ, dɛ́ wi dɛ́ɛ dooɡe lɔŋɔre, dɛkalkɛ Korowii bandia kohona la ta ya nɛɛ leɛ.

Jeremia 6:12

Baa kpɔ ba deremii tɛ nɛra bane, dɛ́ kpɔ ba kooni ne ba haahna ja, ɡɛ saŋ maa tɛr nɛra baa lɔ harɛ la ta deŋne. Men Korowiirii bola.

Jeremia 8:2

A fe aa chɛ kɛ bá boa a nyoa dɛ́ ka huɡa la, aa chɔɔ kɛŋɔ haahra aa ɡela harɛ ɛɛ do wer ken harɛ la bobɛlbwa. Baa pa hoɡa laanee nyenɛ, ásɛ wee ne korobie ne weweela aa do kɛ voɡare a ɡɛ nɛra nɔ aa nyina kohona dɛɛ toma, dɛ kaa bɔɔ ba nyu waa a be la ɛɛ lɔ a ta.

Jeremia 9:22

Waa Korowii aa ŋɔa n bol laanee nɔ. ‘Nɛra serewɔ chɔ bobɛlbwa kɛŋɔ haahra aa chɔ kpɔɡ bini ken. A do kɛ nɛra aa kuuɡi boyu a daŋɛ chɔ ba habɔɔ nomɛlbwa aa wola toole dɛ́ boa a nyoa.’ ”

Wiile 5:22

Kɛɛ he deno vɛh yaa kwara kɛɛ? He bandia ta jaɡa dɔe ya nɛ aa?

Ɛsekeɛl 15:6

Nemenɛ Korowii ŋɔ, “Gɛ maa kpɔ ɡrepo da le kɔr bini daa bwa bini do nii ta o fuh la, ɡɛɛ mɛɛ ba nɛra baa lɔ Jerusalam ɛɛ.

Ɛsekeɛl 30:25

Gɛɛ, mɛɛ ɡeloo Ijipt kooro sɔɔh, dɛ́ ɡel Babelɔn kooro do kpeɡri. Maa ba kpɔ n kere do Babelɔn kooro nɔn ta, ásɛ o kpɔ pa Ijipt tena nɛɛ la, nomɛlbwa ɛɛ jemɔɔ kɛŋɔ menee Korowii.

Ɛsekeɛl 6:14

Kpelaa, mɛɛ tɛr n nɔnee pa ba nɛ, dɛ́ chɔɡ ba harɛ. Mɛɛ ɡeloo ó chɔ pɛɛ le pua hɛŋle ɡbo harɛ la ta kaa bwɛɛ bɛl baa dɛ yerɔ Dibla, ne bobɛlbwa baa soɡa. Ásɛ ba jemɛ kɛ menee Korowii.”

Daneɛl 9:16

N Naa Korowii, ɡɛ aa cheɡɛ he we-ɛɛla aa toɡra ta he cha yaa wubwa la, laa he bwaawee ne bandia kohona la kpɔ he bwɛjen Jerusalam, he Saayɔn Bwejen la ta. Ya ne ya naawa wechɔɡaa ɡela nɛra baa soɡa bar yaa la ɛɛ mamɛ Jerusalam ne he nɛra.

Hosia 14:4

Korowii ŋɔ, “Mɛɛ berɔ lawɛ n nɛra ba n be, dɛ́ nyin ba waa n bambile bwa ne, dɛkalkɛ n bandia toole ba nɛɛ kpa.

Emɔs 8:8

Harɛ la ɛɛ jiɡruu a waa, ásɛ nomɛlbwa waa soɡe harɛ la ta di suna. Harɛ la dɛ́ ba dɛɛ beɡre kɛŋɔ Nael Moo yon su, ásɛ dɛ berɛ hweeh ka chɔ o buɡ ta la ken.”

Maeka 1:4

Asɛ bwejena bwa mwɛɛ o lɔɡa, kɛŋɔ tohkel aa chɔŋɛ nii ta, dɛ palɛ dɛɛ jo fɛlembɔjena bini kɛŋɔ bɔchuubu ken.

Neehum 1:5

Bwejena dɛ jiɡri o sie, deŋɡarere ɛɛ mwɛɛ. Korowii leɔ dɛɛ ba naa, harɛ bwa ne nɛra baa lɔ o ta bwa dɛ chel.

Habakuk 3:10

Bwejena nae dɛɛ chel, asɛ bwaala nɛ, nee su dɛ palɛ baa kaa dɛɛ do ɡbɔɡa, dɛɛ ta nehɛma kohona.

Sefania 1:17

Korowii ŋɔ, “Mɛɛ kpɔ a ɡɛ wenaale nɔɔ ba ta nɛra baa ɛ wechɔɡa dɛ jo n nɛ, ásɛ baa laɡre bɔr kɛŋɔ nyoŋa ken. Baa ɛɛ mɛ wechɔɡa nomanta, mɛɛ fuɡe ba chalee ta kɛŋɔ nee ken, ásɛ ba lala chɔ dɛ́ pɔh.”

Mmarare 31:17

A ba ɡɛ naa, n baah ɛɛ di ba nɛɛ, ásɛ n laa sie kpɔ ba nɛ ba chɔɡ. Wechɔɡa ne wahala ɛɛ ba ba nɛɛ taeh, ásɛ ba sɛh ŋɔ, ‘Waa nɔ aa pu yaa nɔ, Korowii ya fa aa dɛ tomɔ la laa nɔn kpɔ ya nɛ.’

Mmarare 31:18

Awola tɔpere la, mɛɛ laa sie kpɔ ba nɛ, waa baa ɛa a ɛ wechɔɡa kɛŋɔ baa bera kaa tomɛ voɡa la wa.”

1 Tesalonika 2:16

dɛkalkɛŋɔ ba dɛ tɔ yaa ŋwɛnɛ ya bɛ Korowii Waa la bol chaɡle nɛra baa wola Juu tena ɛɛ la, ásɛ Korowii bɛ ban lɛ. Anomanta, ba wechɔɡa dɛ warɛ tɔpere bɛlbwa, ásɛ Korowii bwaawee ir ba nɛ.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.