Aesaya 5:18 - mzwDBL

¹⁸ Hé bwɛɛlɛ, he banɔ la haa cheɡɛ nyosone ŋwɛnɛ ta, dɛ tɛɡre wechɔɡa dɛɛ teŋɛ he nɛ, he banɔ la haa kpɔ he bokpeɡa dɛɛ ɛ nyubinikpeɡ kɛŋɔ baa do nao ɡboɡbii dɛɛ tɛr la.

Aesaya 5:18 ပူးပေါင်းရင်းမြစ်များ

Yela 10:11

Nyubinikpeɡ tena la yon lii ba nyu bini ŋɔ, “Korowii waane laa. O laa sie kpɔ, waa yaa na bwa!”

Yela 14:1

Gɛnaa yon dɛɛ lii ba nyu bini kɛŋɔ Korowii toole, ba waa ta kasinteŋ dɔe, ba ɛ wechɔɡ-ɛɛra, bɛlbwa toole dɛɛ ɛ wedɛɛɡa.

Yela 36:2

Ba dɛ lii ba nyu bini kɛŋɔ ba ɛ nɛnjena nomanta, Korowii aa ba wechɔɡa baa dɛ ɛ la nae ba, dɛ́ pa ba bolchɔɡe.

Sɛɡla 4:17

Nyubinikpeɡ ne yoi we-ɛɛlaa ɛ ba kondikwaa ne sen.

Aesaya 28:15

He dɛ ta nyoa ŋɔ, “Ya ne seo fɔwɛ fɔo, ya ne lalabwɛɛ nyoa pɛ. Dɛ harɛchɔɡ peu dɛ ba naa, waa yaa dɔ, dɛkalkɛŋɔ ya kpɔ ya te do nyosone ne neɡra ta, kɛŋɔ aa tɔ ya nɛ dɛ́ lɛ yaa.”

Jeremia 23:10

Jwamane su harɛ la ta, Korowii taahna nomanta, harɛ la chɔɡɔ, a ɡel kondɛɛra dibɔra aa lɔ pua hɛŋle ɡbo harɛ hol. Keamere la kpɔ ŋwɛnɛchɔɡa ta dɛɛ di kpeɡri.

Jeremia 23:14

N berɔ na waane aa wola were kwaraa keamere baa lɔ Jerusalam ɡe nɛ. Ba dɛ bɔ jwamane dɛɛ teŋe nyosone. Ba dɛ do wechɔɡ-ɛɛra ɡbemba wechɔɡa ɛɛ ta, a ɡel nomɛlbwa aa charɛ dɛɛ le a ta. Ba wechɔɡa do kɛŋɔ Sodom ne Gomoora tena n be.”

Jeremia 23:24

Nomɛlbwa aa won ka sɔh bobɛl maa wola on na. N toole nyundua ne harɛ ta bwa naa? Men Korowiirii bola.

Jeremia 36:23

Jehudi aa kure tɔn la baŋne atoro kɛɛ anaarɛ tonɛ la, kooro la kpɔ kerejeɡa teŋe tɔn la bini, dɛ paa ta koropɔɔto la bini, ka tel kɛŋɔ tɔn la bwa aa fuah.

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Ɛsekeɛl 13:22

He nyosone la chɔɡ nɛndɛɛɡa liire, ɡɛ n fe aa wola nyin kɛ ba do. He dɛ do nɛnchɔɡa ɡbemba ba bɛ ba liire charɛ le ba wechɔɡa ta dɛ́ dɔ ba nyu.

Sefania 1:12

A ɡɛ saŋ mɛɛ kpɔ kandeaa ɡaaɡe Jerusalam bwa, dɛ́ tɛr nɛra baa dɛ lii kɛŋɔ wobɛlbwa ta ban hiaeh, ba nyu bini do ba som la deŋne, dɛɛ lii ŋɔ, ‘Wobɛlbwa aa ɛ wedɛɛɡa kɛɛ anchɔɡa la, Korowii waane laa.’

Amanesoma Jɔn Aa Chwera Tɔn 16:2

Nɛra ɛɛ doŋi heyaa cheremi deene binii, ásɛ a ba saŋ bɛl kɛŋɔ bá kpoo heya, dɛɛ lii kɛŋɔ Korowii tetoowaa baa ɛ ɡɛ la.

We-ɛɛla 26:9

N ɡba fa hah Yeesu waa le Nasarɛt la waa la. N fa liiro kɛŋɔ ŋwɛnɛ bɛlbwa maa dɔa la, a chɛ kɛ n kpɔ o ta dɛ́ chɔɡ o waa la.

Sitɔɔla 17:13

Ate, Maeka ŋɔ, “Taraken maa dɔ Lewi dea te o ɛ n kerekpoŋri nɔ, n jemɔ kɛŋɔ Korowii ɛɛ ɡeloo n wobɛlbwa do wer tɛ mɛ.”

Sitɔɔla 17:5

Dɛ Maeka nɔ dɔ voɡ dea, asɛ o ɛ batakaarebora kɛŋɔ sɔfo batakaare baa dɛ yerɔ efɔd la ken ne voɡa ane, dɛ kpɔ o bibaala la bɛl ɛ o kerekpoŋri.