Aesaya 5:17 - mzwDBL

¹⁷ Peera ɛɛ chwe kpɔɡa bwɛɛ la dimɡbia taa. Bela ɛɛ berɛ pebiiri dibɔree.

Aesaya 5:17 ပူးပေါင်းရင်းမြစ်များ

Nehemia 9:37

Ya wechɔɡa nomanta, harɛ la ta kondikwaa bwa dɛ kaa koranar yaa lɔ ba lɔɡa be. Gɛ baa dɛ nyin laanee baa ɛ ya ne ya kondɛɛra, anomanta, ya lɔ wahala kohona ta.

Yela 119:70

Ba nyu bini kpeɡri, ba tea aa nɛn nɛɛ domɛ, kɛ he Mmarare la taa mɛɛ dɔ silɛɛ.

Yela 17:10

Baa nɛn sum na, mbarafo wobolee baa bol.

Yela 17:14

N Naa Korowii, che he kpeɡri ta, dɛ́ lɛɛ mɛ le nɛra baa dɔ harɛ nɔ ta liire, dɛɛ nyin ba soɡa bini kwaa la nɔn ta. Banɔ la haa dɛ nyin ba waa la dɔ kondikwaa kohona, ba bii dɔ ane di dɛ́ vaɡɛ, ásɛ ane ka ba naanar ɡe ba dɔ.

Yela 73:7

Wechɔɡa su ba bambili, nyubinikpeɡ vɔrɔwa ɡbo waa swɛɛ ba siwi baa lii.

Aesaya 1:7

He harɛ berɛ dimɡbia, nomɛlbwa toole o ta. Ba kpɔ nii do he bwɛjena ta a fuh, hɔɔhra dɛ di he kooni kwa, he siwi taa baa chɔɡ a bwa.

Aesaya 10:16

Anomanta, Korowii, Koranar Bwa Kooro ɛɛ kpɔ ɡwaŋa weelaa ta Asiiria koojen laa tena baa kpeɡa kohona nɛ, ásɛ dɛ chɔɡ o jirima kɛŋɔ nii yon fuh kon tonɛ la.

Aesaya 17:2

Bwɛjena aa lɔ Siiria harɛ dɛ́ ba dimɡbia bera dɛ chɔ. Aa berɛ peera ne nae dibɔraa, nomɛlbwa aa lee do dɛ́ doŋa.

Aesaya 32:14

Koodem ne bwɛjen nɛra fa aa su a ta la ɛɛ chɔ pɛɛ. Deremi ne dekpeɡa aa tɔ ba nɛɛ la bwa ɛɛ choɡluu, dɛ́ berɛ dimɡbia saŋ bɛlbwa, ásɛ kpɔɡ bini keeɡore ne peera, kpɔ bela ɛ a dibɔr.

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Aesaya 65:10

Sarɔn ɛɛ ɛ peera dibɔree, ásɛ Akɔ Fɛlembɔjen ɛ bela nae aa dɛ onɛ, dɛ́ tɛ n nɛra baa dɛ nyin mɛ bambile bwa ne.

Aesaya 7:25

Deŋɡarere ba fa aa dɛ para la, jabalnadaŋɛre ne sɔɔhnee dɛɛ ba a ta lee, nomɛlbwa aa wola won jo bela. Nae ne peeraa dɛɛ ba bela kpɔe dɛ́ berɛ dibɔr.”

Jeremia 5:28

Baa di kondɛɛɡa vaɡɛ dɛ je nomanta, ba wechɔɡa ta jaɡa dɔe. Baa bilalbii waa bolɛ dɛɛ tɛɛ ba, baa kasinteŋ bol dɛɛ cha nyaara ɡe.

Wiile 5:2

Harɛ waa ɛ ya kapɛrɛ kon kaa di nɛŋhɔɔhra nɔn ta, harɛfala nɛra lɛ ya deremi dɛ so a ta.

Hosia 4:16

Israel tena deŋne kpeɡri, kɛŋɔ naneenanar a deŋne aa kpeɡa ken. Ɛrɛɛ men Korowii ɛɛ ba wona kpɔa la dibɔr kɛŋɔ baa teɡɛ pebiiri dɛɛ la dibɔr ɔ?

Hosia 8:7

Ba du peu dɛ ɡel mea, anomanta, kawulewulee baa ba koma. Mea aa wola bie dɔe ta kondikwaa dɔe. Dɛ a dɔ bie kwaraa naa, nɛŋhɔɔhraa dɛɛ ba a dii.

Maeka 2:12

Israel tena, mɛɛ boa he bwa nyoa, kasinteŋ, mɛɛ boa he nɛra haa kaa la bwa nyoaa. Mɛɛ boa he nyoa kɛŋɔ peera yon pɛ do leɡ ta, kɛɛ kondɛɛra yon warɛ do dibɔr la. Gɛ tentenee mɛɛ ba ɡela nɛra su harɛ la ta kohona.”

Sefania 2:14

Peera ne nae dɛ ola bwa soo siwi ɛɛ kpɔ belaa berɛ a chɔɔbɔra. Kwiure kpɔ o dimɡbeeni berɛ a sobɔra, a sii ɛɛ le a tokorore taa, ásɛ ɡaahɡaahre ɡe ɛɛ si a doonyoo. Peleme daa baa kpɔa ɛ doli dawɛ deene la ta la bwa chɔ baŋ.

Sefania 2:6

He harɛ waa lɔ mpo nyoa la ɛɛ berɛ peera dibɔree, dɛ́ berɛ peera leɡ, peteɡra ɡe do ba patare o ta.

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Mmarare 28:33

Kwaa haa koh dɛ́ para la, harɛ bɛl tenaa dɛɛ ba dɛ́ ba kpɔa kaa ka di, ásɛ a ka he ne tɔpere bɛlbwa wahala ne fiiɡa.

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.