Aesaya 5:14 - mzwDBL

¹⁴ Lalabwɛɛ chɔɔ dɛɛ kpaa ba, o doonyoa pilo che. Jerusalam nomonjena ne dansaara ba sie aa lɛa baa do ɡbɔɡa la bwa ɛɛ jo belaa.

Aesaya 5:14 ပူးပေါင်းရင်းမြစ်များ

Amanesoma Luk Aa Chwera Tɔn 21:34

Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,

Habakuk 2:5

Kondɔɔh neɡre Babelɔn tena dɛ ɡel ba nyoɡre. Ba ɛ kafonyine, ba siwi aa kwaa su bwa. Ba jenu dɛɛ ɛ sikpeɡ kɛŋɔ seo waa wola vaɡɛ bwa la. A waa ba teŋɛ dɛɛ pɔ harɛre nɛra nɛ, dɛɛ laɡ ba laa ta.

Sɛɡla 30:16

Anee nɔ, lalabwɛ ne hambara, ne harɛ waa wola vaɡɛ dɛɛ nyin ne, dɛ nii aa dɛ lawɛ baa wola won dima.

Matiu 7:13

Yeesu berɔ ŋɔ, “Ŋwɛnɛre anɛɛ lole, bɛl do feelɔɔ ken, bɛl ɡe paɡri. Hé kpɔ ŋwɛnɛfeelɔɔ la ta, dɛkalkɛ onɔ la waa paɡa la dɛ́ kaa he ne seo ta. O ta kpɔe pwɛre. Anomanta, nɛra baa dɛ kpɔ o ta warɔ.

Sɛɡla 27:20

Gɛ nɛwɛnyini pɛla kwa aa wola tonɛ bwa la, ɡɛɛ lalabwɛɛ ɡe aa wola su bwa.

Yela 55:15

N Naa Korowii, ɡel n dɔma piɡri serewe, ɡel ba huɡ ba dɛ ba siwi ta lole, dɛkalkɛ wechɔɡa lɔ ba bambile ne ba deremi.

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.

Aesaya 14:9

Lala kpɔ ba te ba sie beɡre baa kpa Babelɔn kooro bala. A ɡelɔ nɛra ba fa aa dɛ di kpeɡri harɛ nɔ ta dɛ sewɛ la ir dɛɛ jaamo. Nomonome ba fa aa dɛ di kpeɡri harɛre ta ir ba kookane ta dɛɛ kpao.

Amanesoma Luk Aa Chwera Tɔn 17:27

Nowa bere saŋ la, dɛ ba dɛ di kwa, dɛɛ nyɔ sene, dɛɛ mo haahna, dɛ lawɛ haahna tɛ baala baa mo, dɛ ka tel kɛŋɔ awola Nowa aa jo o daka la bini, asɛ bwaala nɛ aaa, mpo ne neerare bwa su tɔ harɛ bwa, asɛ ba bwa serewe kwaraa.

Aesaya 21:4

A ɡelɔ n bambile lɔ paupau ken, ɔmee kohona ɡelɔ n bwadabii bwa serewe. Kpae maa dɛ kpa kɛŋɔ jɔmɔra ɛɛ ba silɛɛ nee la berɛ ɔmee kohona tɛ mɛ.

Sɛɡla 1:12

ya ka kwaa ba ne ba bokpeɡa sɔh, kɛɛ ya ka do ba ŋwɛnɛ ba kaa lalabwɛ.

Yela 49:14

Baa na waa, dɛ́ serewe kɛ peera, seo tɔ ba sie dɛ́ kaa ba ne lalbɔɔne bini. Nɛra ba wa aa toɡra ɛɛ tiɡri ba nɛɛ, ba pɔh ba lalbɔɔne bini, ba ne ba deremi baah do jaŋne.

Daneɛl 5:30

Awola jwaana la tentenee ba kpo Babelɔn Kooro Bɛlsasa,

Neehum 1:10

He sennyɔɔra, nii ɛɛ fuh heyaa kɛŋɔ sɔɔhne aa kaɡre dawii baah ken.

Aesaya 14:11

He jenu bwa tonɛ lalabwɛ, janjela baa lɔa dɛɛ duuri bwa chiɡo. Dudulee he kalaŋ, dɛ tɔe yal.’

Aesaya 24:8

Kwaa baa dɛ yiiɡa kɛŋɔ loŋa a sii do som helɔ, janjela baa dɛ hɛlɛ a ne dɛɛ lɛ sie la ɡe hel. Haa nɛra baa dɛ hɛlɛ la ɡbɔɡa no bobɛlbwa.

Ɛsekeɛl 7:12

Tɔpere la telo, o pu heyaa tonɛ. Kon-yoɡra ne yarawa sie aa lɛ, n bandia la dɛ ba nɛnlaa la bwa nɛ.