Aesaya 5:12 - mzwDBL

¹² Hé dɛ di kondikonjena dɛɛ lɛ he sie aa, he dɛ lɔ janjela dɛɛ yiiɡi kwaa dɛɛ hoh kalipere. Kɛ Korowii we-ɛɛla te, haa sie a ta do, anɔ la waa dɛ ɛ, haa on duu.

Aesaya 5:12 ပူးပေါင်းရင်းမြစ်များ

Mumpar 31:27

Ɛrɛɛ he neɡ mɛ dɛ sɔh dɛ chwa he ta men amaneɛ ba bɔe nɔɔ? He ɡelɔ n deŋne no aa, n fe kpɔ janjela ne kwaa baa dɛ yiiɡa kɛŋɔ loŋa ba tae ŋwɛnɛ silɛɛ ne.

2 Samoɛl 19:35

Taraken n di bene fifraanuatoro, n sie aa komɛlbwa ta lɛ kpa. Komɛlbwa aa somɛ n nyoa ta, ba dɛ ɡo yela ɡe aa, maa no. N naa kooro, n dɛ la ka dawɛ he nɛɛ pɛɛpɛɛ.

Job Tɔn 34:27

dɛkalkɛ ba laa ba te kpɔ, dɛ vɛh o nɛɛ teŋa, baa sie aa o Mmarare la ta do.

Yela 28:5

Ba siwi aa waa Korowii aa ɛa tɔɡɛ, kɛɛ kwaa waa taa bwa. Anomanta, wɛɛ tɛr ba deŋnee, dɛ́ chɔɡ ba kwaraa!

Aesaya 22:13

Kɛ he kpoo nae ne peera dɛɛ di kwa, dɛ nyɔ sene dɛɛ hɛlɛ dɛɛ lɛ he sie. Hé ŋɔ, “Hé ɡel ya di kwaa dɛ nyɔ sen. Kere ɡbo dɛ ya serewɔ.”

Aesaya 24:8

Kwaa baa dɛ yiiɡa kɛŋɔ loŋa a sii do som helɔ, janjela baa dɛ hɛlɛ a ne dɛɛ lɛ sie la ɡe hel. Haa nɛra baa dɛ hɛlɛ la ɡbɔɡa no bobɛlbwa.

Aesaya 29:1

Jerusalam tena hé bwɛɛlɛ! He bwɛjen Kooro Devid aa soɡe o ta la ɛɛ chɔɡoo. Bena bɛlbwaa he teŋɛ dɛɛ di he tɔpejena,

Aesaya 5:19

Hé bwɛɛlɛ he banɔ la haa dɛ bol ŋɔ, “Korowii, ɛ warane dɛ́ ɛ he toma ya na. Israel Nɛŋɡoroŋ, baɡle he ŋwɛnɛre ya jemɛ.”

Aesaya 56:12

Ba yon ŋɔ dɔŋa be ŋɔ, ‘Hé ɡel ya nyin sen nyɔ! Hé ɡel ya nyɔ seŋkpeɡa dɛ́ dɛɛ. Ásɛ kere ɡe yá ɛ ɡɛ ja, á ɡwaa fini kwara.’ ”

Ɛsekeɛl 26:13

Mɛɛ ɡeloo he yela ne janjela sii bwa ba a jaɡa. Bɛlbwa aa a waa no kpa.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Amanesoma Luk Aa Chwera Tɔn 16:19

Yeesu berɔ ŋɔ, “Baa bɛlee fa lole dɛ dɔ suuɡa, dɛɛ do laaladɛɛɡa dɛ dɔ kwaa nɔ bwa, asɛ dɛɛ di kondɛɛɡa tɔpere bɛlbwa, dɛɛ lɛ o sie tenten.

1 Kɔrent 14:7

Hé ta sie na kwaa baa dɛ hɛlɛ a ne. Dɛ a sii aa chɔ kɛrɛdɛ naa, ɛrɛɛ nɛra ɛɛ ba ɛɛ dɛ no a bini nɔ?

Tɔn Jud Aa Chwera 1:12

He yon cheme dɛ pɛ dɛɛ di kondikwaa aa dɛ baɡle beŋkpoŋri ɛɛ haa dɔa he Dɔɔ tom nɔ ta la, a ɡɛ nɛra la lɔ he baah kɛŋɔ doŋa dɛɛ chɔɡ he wer. Ba ta sihiih dɔe. Ba ɡbo waa baa dawɛ, baa nɛra waa dawɛ. Ba waa ta hwɛɡa dɔe kɛŋɔ baama peu aa dɛ kaa a ne aa wola bwaala nee ne ba la. Ba do kɛŋɔ daa aa wola won a nɔna saŋ nɔnɛ, asɛ ba chuɡra ta a den serewe kwaraa la.

1 Samoɛl 12:24

Hé nyiŋi kɛrɛdɛ dɛ́ɛ teŋɛ Korowii waa ta dɛ́ɛ tomɔ kasinteŋ ne bambile bwa ne, dɛ́ɛ lii wejena waa ɛa tɛ heya la.