Aesaya 49:7 - mzwDBL

⁷ Israel tena Lɛɛ, ba Nɛŋɡoroŋ la ŋɔ nɛn harɛre nɛra aa haoh baa wola on kpɔe dɛɛ ɛ wobɛlbwa, ba nomonome ɛo yom la be ŋɔ, “Koranar ɛɛ nae dɛ́ ir che, koobii nae dɛ́ ɡuŋi harɛ. A nɔ bwa ɛɛ ɛo dɛkalkɛŋɔ, men Israel Nɛŋɡoroŋ n wa aa dɔ kasinteŋ la, menee lee.”

Aesaya 49:7 ပူးပေါင်းရင်းမြစ်များ

Mumpar 27:29

Harɛre nɛra ɛɛ tomɛɛ, dɛ́ ɡuŋii harɛ. Hɛɛ ɛ nomoa he nya bii bwa nɛɛ, ásɛ ba ɡuŋi harɛ. Nomɛlbwa waa taahnee la, á berɛ ɡure o nyu ta, ásɛ nomɛlbwa waa soŋe andɛɛɡa tɛɛ la, ó ɡe dɔ andɛɛɡa.”

Yela 47:9

Harɛ nɔ ta koranar chemo, ba ne Korowii Abraham aa tomɔ nɛra. Harɛ nɔ ta koranar bwa lɔ o lɔɡa, o dɔŋ toole.

Yela 68:31

Nomonome ɛɛ che Ijipt tena naa taa ba, ásɛ Itiopia tena ɡe kpɔ ba te ba do Korowii lɔɡa.

Yela 69:19

He ɡbabir na ɡɛ baa dɛ chɛɡ mɛ, ɡɛ sihiih aa dɛ kpo mɛ, baa wola men komɛlbwa yerɛ, he dɛ na n dɔma bwa.

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Aesaya 19:21

Korowii ɛɛ kpɔ o tenee baɡle Ijipt tena bá jemɔ awola, dɛ́ tomɔ dɛ́ kpoo kwaa tɛo, ásɛ dɛ kpɔ mea sarahare ɡe tɛo. Baa baɡɔ nyoa dɛɛ teŋɛ a ta.

Aesaya 19:23

Awola tɔpere la, ŋwɛnɛ ɛɛ chɔɔ le Ijipt harɛ ka ta Asiiria harɛ ta, ásɛ Asiiria tena won Ijipt laŋa, Ijipt tena ɡe won Asiiria bala. Gɛ nɛmbele banɛ nɔ ɛɛ pɛo dɛɛ tomɛ Korowii.

Aesaya 27:13

Awola bɛla ɛɛ siu kohona, dɛ́ yerɛ Israel tena baa laɡ ba laa ta, ba kaa Asiiria ne Ijipt harɛ ta ka so biɡri la, ásɛ ba bwa berɛ ba tomɛ Korowii Jerusalam, Saayɔn Bwejen waa do ɡoroŋ la ta.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Aesaya 48:17

Waa Korowii, waa ɛ he Lɛɛ, Israel Nɛŋɡoroŋ la aa dɛ bolee nɔ, “Menee Korowii haa dɛ tom mɛ la, menee dɛɛ chaɡle heyaa anɔ la aa wera tɛ heya, dɛ berɛ dɛɛ chaɡle heyaa ŋwɛnɛ aa chɛ kɛŋɔ hé kpɔ o ta.

Aesaya 48:7

Tarakenii mɛɛ ba ɡela a chiɡ. Waa aa do ɡɛ ta chiɡe bwa. Ane chiɡo ka aa, he fe ŋɔ he jemɛ a wa.

Aesaya 49:1

Bojaŋa harɛre nɛra, hé cheɡ deŋne dɛ́ no n be. Korowii lee mɛ n ɛ o bonɔɔ, o yerɛ n sɔn mɔɔ ba lol mɛ.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Aesaya 50:6

N berɛ n nyaŋ tɛ nɛra ba lɔɔ, dɛ kpɔ n taŋɡbaɡre ɡe tɛ nɛra ba chuɡri n tampona. N ta n sie laa fɛr sihihwaa ne nentane baa taa ta n sie ta.

Aesaya 52:15

Kɛ taraken, harɛre nɛra nyoa ɛɛ kpo o waa, koranar hel, ba bwara yɔr. Baa na waa baa wola ba be bolɛ bwaa, ásɛ anɔ la baa wola noɛ bwa la, bá no a mun.”

Aesaya 53:3

Nɛra haoh dɛ vɛoh, o na wahala ne weweele. Nɛra nao, dɛ laa sie kpɔ o nɛ. Ya ta on kpɔe ɛ wobɛlbwa, dɛ berɛ habɔɔ kpoo.

Aesaya 60:10

Korowii ŋɔ Jerusalam tena be ŋɔ, “Nɛŋhɔɔhraa dɛ́ berɛ ba kwaa ma he bwɛjen nɔ danjwɛɛre, ásɛ ba koranar ɛɛ tomɛ heya. N baahnee fa dia n tɛr he deŋne. Taraken te, mɛɛ dɔ tedomaa tɛ heya, dɛ́ sune he nɛ.

Aesaya 60:16

Harɛre nɛra ne koranar ɛɛ nyiŋi he nɛɛ kɛŋɔ, haah aa dɛ ɔr o bie, ásɛ he jemɛ kɛŋɔ men Korowiirii he Lɛɛ, menee Korowii, Jekɔb Kpeɡnɛn waa tomɔ la.

Aesaya 60:3

Harɛre nɛra ne koranar bwa ɛɛ ba he bochaah la taa.

Aesaya 66:23

Korobifale Tɔpejena dii ne Ona Tɔpere bɛlbwa ta la, nɛwɛnyina bwa ɛɛ ba tom mɛɛ Jerusalam bonɔ.

Sekaria 11:8

Korobibeŋkpoŋ ɡbo ta, n doŋi peteɡra batoro bane baa hah mɛ. Peera la chwao le n be, n mee le a wa.

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Matiu 26:67

Ba ta nentane ta o siebɔr dɛ lɔɔro, dɛ tɔɔ kande. Banɔ la baa dɛ kpaa o lwɛrɛme dɛɛ chuɡru kwɛɛrɛre la yon berɛ pɛɛro ŋɔ,

Amanesoma Luk Aa Chwera Tɔn 22:27

Nɛn waa soɡa o dɔŋ ɛɛ bɔne kwaa ne naate waa dɛ bɔne kwa, ba bini umee ɛ nomoa ɔ? Naate waa soɡa la laa aa? Kɛ n te aa lɔ he bini nɔ, n ɛ n te kɛ maa dɛ di somanjiri.

Amanesoma Luk Aa Chwera Tɔn 23:18

Belaa nɛnlaa la bwa kpɔ takpeɡ ŋɔ, “Kpoo! Le Barabas ta ó kaa!”

Amanesoma Luk Aa Chwera Tɔn 23:23

Dɛ ɡɛ baa dɛ bol la taa ba ta do, dɛ kpɔ takpeɡ dɛɛ ŋɔ o chɛ kpaara pɛl daɡaɡre ta. Ba nyoa baa ɡwaa Paelet nɛ,

Amanesoma Luk Aa Chwera Tɔn 23:35

Nɛnlaa cheɡɛ bela dɛɛ nyiŋu. Juu tena nomonome muɡli o baah ŋɔ, “Kɛ he wono lɛ bane oo? Dɛ he ŋɔ henee Kristo la Korowii aa leo la aa, lɛ he te yá na!”

Amanesoma Jɔn Aa Chwera Tɔn 18:40

Belaa ba bwa nyɛɡ kohona ŋɔ, “Bɛ on foo! Foo Barabas!” Dɛ ɡɛ Barabas nɔ, ŋwɛɛree.

Amanesoma Jɔn Aa Chwera Tɔn 19:15

Anee ba nyɛɡ kohona ŋɔ, “Gel ba kpoo! Gel ba kpaaro pɛl daɡaɡre ta!” Asɛ Paelet bɔɔ ba ŋɔ, “He kooro ɡbabirii he ŋɔ ń ɡel ba kpaaro pɛl daɡaɡre ta naa?” Anee Sɔfonomonome la chaŋo ŋɔ, “Ya ta kooro bɛlbwa dɔe ka ja Koojen Siisa nɛ!”

Amanesoma Jɔn Aa Chwera Tɔn 19:6

Sɔfonomonome ne nɛra baa dɛ daah Korowii Dea la aa nao la, ba kpɔ takpeɡ ŋɔ, “Gel ba kpoo! Gel ba kpaaro pɛl daɡaɡre ta!” Anee Paelet chaŋ ba ŋɔ, “Hé ɡbaɡba ba kpɔɔ ka kpaa pɛl daɡaɡre ta. N te ta wobɛlbwa o nɛɛ nae dɛ́ che a ta dɛ́ ɡel ba kpoo.”

1 Kɔrent 1:9

Korowii ɛ kasinteŋ te. Onee le heyaa ŋɔ hé ne o Bie la do som. O Bie laanee ya Dɔɔ Yeesu Kristo la.

Mmarare 7:9

Anomanta, hé jemɛ kɛŋɔ Korowii haa dɛ tomɔ nɔ, Dɔɔ bɛlbwa toole o habɔɔ. O waa dɔ kasinteŋ dɛɛ teŋɛ o fɔo waa fɔwa, dɛ kpɔ o nyina aa wola jaɡa dɔe baɡle banɔ la baa dɛ nyin o wa, dɛɛ teŋɛ o Mmarare ta la naanar bele kaɡboŋ baa ba lol ba la.

1 Pita 2:4

O te ɛ Bwe waa dɔ mkpa. Nɛwɛnyini liiru konsala dɛ vɛoh, kɛ onee Korowii te nyiŋi kɛ o ɛ Bwedɛɛɡe o wa aa hiah dɛɛ nyinu. Haa ba o be nɔ,

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 3:7

Tɔn nɔ dɛ kaa nyundua torome waa cheɡa tɛ asɔre tena baa lɔ Feladɛlfea la be. “Kenii men maa do kaih, dɛ ɛ kasinteŋ te, dɛ dɔ Devid safoa, dɛ o pili komɛl nomɛlbwa aa wola won tɔɔ, dɛ o tɔ komɛl ɡe aa, nomɛlbwa aa wola won pilu la ŋɔ,