Aesaya 49:6 - mzwDBL

⁶ O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

Aesaya 49:6 ပူးပေါင်းရင်းမြစ်များ

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

2 Koranar 20:10

Kooro Hɛsɛkea ŋɔ, “A pwɛre kɛŋɔ chunchule kaa sie, ka dawɛ kwaa baa cheɡɛ a ta teeh dɛɛ jo dea la ta. Gel chunchule la kaa habɔɔ, ka dawɛ kwaa baa cheɡɛ a ta dɛɛ jo dea la fite ta.”

2 Koranar 3:18

Elaesa berɔ ŋɔ, “A ɡɛ waa nɔ pwɛre Korowii be, wɛɛ berɔɔ kpɔ Moab laa tena do he nɔn ta he pɔ ba nɛ.

Yela 37:28

Waa aa wera dɛ toɡre laanee Korowii ɛɛ nyin, waa nɛra ba wa aa dɔ kasinteŋ laanee ɡel. Korowii ɛɛ kpɔ nɔnee tɔ ba nɛ, saŋ bɛlbwa dɛɛ la, kɛ nyubinikpeɡ tena naanar te, wɛɛ doŋ baa le harɛ la ta.

Yela 67:3

N Naa Korowii, ɡel harɛre nɛra bwa kpɛɛre, kasinteŋ, a chɛ kɛ bá bwa kpɛɛre.

Yela 97:10

Nɛra baa hah wechɔɡa la, Korowii dɛ nyin ba wa. O kpɔ nɔn dɛɛ tɔ o nɛra ba wa aa dɔ kasinteŋ tɛo nɛ, dɛ lɛɛ ba dɛɛ le nyubinikpeɡ tena nɔn ta.

Aesaya 11:10

Awola tɔpere la, Jese naa waa dɛ ba bala la ɛɛ cheo tɛ harɛre nɛra bwa kɛŋɔ fraŋkaa, ba bwa ɛɛ ba cheme o siee bela waa lole la, dɛ́ kpɔ jirima tɛo.

Aesaya 42:10

Nɛra haa lɔ harɛ ta bwa, hé ɡo yelfale kpɛɛ Korowii. Nɛra haa dɛ ɛ toma mpo ta, ne kwaa aa lɔ o ta bwa, ne harɛ jaɡa nɛra bwa, hé ɡo kpɛɛra yel tɛo!

Aesaya 42:6

“Men Korowiirii yerɛ, dɛ tɛɛ kpeɡri ŋɔ hɛɛ ɛ waa aa toɡra harɛ nɔ ta. He nɛɛ aa ba cheɡa ásɛ n ne nɛwɛnyina bwa fɔwɛ fɔo, dɛ́ do kɛŋɔ kandea dɛ́ tɛ harɛre nɛra.

Aesaya 45:22

Harɛre nɛra bwa, hé ba n be, dɛ́ ba dɔ he nyu. N ɡboo Korowii, Dɔɔ bɛlbwa toole kpa.

Aesaya 46:13

N dɛ ba n waa aa toɡra ne. A toole bojaŋ, aa biɡri kwaraa. Mɛɛ lɛ Jerusalam tenaa, dɛ́ ɡel ba dɔ n jirima.”

Aesaya 48:20

Hé le Babelɔn harɛ ta, hé chwa le o nɛra bini! Hé kpɔ silɛɛ taa bol bobɛlbwa ŋɔ, “Korowii lɛ o bonɔɔna Israel tena.”

Aesaya 51:4

N nɛra, hé no n be! N harɛ ta nɛra, hé cheɡ deŋne no waa maa dɛ bol nɔ. Mɛɛ ɡeloo he jemɛ me Mmarare, ásɛ n kasinteŋ ɛ kandea dɛɛ chaah harɛre nɛra.

Aesaya 52:10

Wɛɛ ɡeloo harɛre nɛra bwa na ɡɛ o kpeɡri aa do ɡoroŋ. Nɛra baa lɔ harɛ jaɡa bwa ɛɛ na ɡɛ Korowii yaa dɛ tomɔ aa wona lɛ yaa.

Aesaya 55:5

Kpelaa, hɛɛ yerɛ harɛre nɛra baa wola hen jemɛɛ, bá ba he be, harɛre nɛra haa wola ban jemɛ ɡe ɛɛ chwao ba he be. Men Israel Nɛŋɡoroŋ haa dɛ tom mɛ nomanta, baa ba he bee, jirima maa ɡela he dɔ la wa.”

Aesaya 56:8

Nemenɛ Korowii waa tɔ Israel tena sie dɛ le ba ne bojaŋ harɛfale ta la ŋɔ, “N ta ɛɛ ba bane ɡe nee, ba ba ja ba nɛ.”

Aesaya 60:3

Harɛre nɛra ne koranar bwa ɛɛ ba he bochaah la taa.

Aesaya 62:11

Korowii bol waa nɛra baa lɔ harɛ jaɡa bwa be ŋɔ, “Saayɔn tena, he na ɡɛ he Lɛɛ aa dɛ ba! O kpoŋe o kembɔr, o ne nɛra waa lɛɛ ba dɛɛ ba.”

Jeremia 12:16

Kɛ dɛ ba wono charɛ ba liire dɛ hweli n nɛra we-ɛɛla, dɛ won dɛɛ ŋwɛɛ n sɔn ta ŋɔ, ‘N ta aa lole saŋ bɛlbwa’ nɔ ɡɛ ba fa aa baɡle n nɛra ba yon ŋwɛɛ voɡ Baal la aa, amɔ ba ɡee ja n nɛra nɛɛ, ásɛ ba wobɛlbwa do wer tɛɛ ba.

Maeka 5:3

Anomanta, Korowii ɛɛ vɛh o nɛra Israel tenaa tɛ ba dɔma, ka tel kɛŋɔ haah la loltea aa lɔɔ aa lolɛ o bie. Israel tena baa lɔ bojaŋ harɛfale ta ɛɛ berɔ ba ja ba bala Israel tena nɛ.

Sekaria 6:13

Onee dɛ́ do n Dea la, ásɛ dɛ dɔ jirima dɛ́ so kookara ta di kora. Sɔfo bɛl ɡe ɛɛ che o kookara la jwɛɛh o ne wɛɛ ɛ toma. Ba bwa dɔ nyopɛo deŋnesɔɔhna do ba nɛra banɛ bwa baah ta.’

Sekaria 8:22

Nɛra ɡalɡa ne harɛre a nɛra baa dɔ kpeɡri ɛɛ ba Jerusalamee, dɛ́ ba tomɛ Koranar Bwa Kooro, dɛ́ soŋo ó swee ba andɛɛɡa.

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

We-ɛɛla 13:47

dɛkalkɛŋɔ ɡɛɛ ya Dɔɔ ŋɔ ya be ŋɔ, ‘N le heyaa ŋɔ hé ɛ nii dɛɛ chaah nɛra baa wola Juu tena ɛɛ la bwa, ásɛ nɛra baa lɔ harɛ jaɡa bwa che he nɛɛ dɛ́ no Korowii Waa aa dɛ ba ba lɛɛ la he be.’ ”

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

We-ɛɛla 26:23

Anee kɛŋɔ a chɛ kɛ Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la na wahala, dɛ́ tɔ sie ir seo ta lala bwa nɛ, dɛ́ won che o seo ta ira la ta, dɛ́ baɡle Juu tena ne nɛra baa wola Juu tena ɛɛ la kɛŋɔ ya toole seo nɔn ta ne biro ta kpa, dɛkalkɛ nii chaah ya nɛ.”