Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.
Kwaa aa lɔ nyundua, hé ɡo silɛɛ yela. Komɛlbwa aa lɔ harɛ ta ɡe, hé ɡo hɛɡra yela, hale bwejena ne kɔr bini daa bwa. Dɛkalkɛŋɔ Korowii lɛ Israel tena, dɛ baɡle o jirima waa dɔa.
Korowii ŋɔ, “Men Korowii tetooraa ba doo bol, o na wahala. O seo la ɛ bolchɔɡe dii saraha, dɛ kpɔ nɛra wechɔɡa baa ɛa dɛɛ kɛ ba. Waa wona ɛ ɡɛ la, wɛɛ dɔ mkpajaŋee dɛ́ na o naanar, ásɛ a che o nɛɛ waa men Korowii aa maɡla bil la ɛ kɛrɛdɛ.
Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.
O nyoa taa lɔ waa ta wɛɛ bol la, dɛ bampoŋ bɛl denɔ ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinu o wa ɛɛ su n siwii nɔ. Hé cheɡ deŋne dɛ́ no o be.”
Yeesu aa bol waa nɔ tonɛ la, o ha sie dɛ nyiŋi nyundua asɛ dɛ jam Korowii ŋɔ, “N Mɛɛ, tɔpere la telo. Tɛ men maa ɛ he Bie jirima ásɛ n ɡe won kpɔ jirima tɛɛ.
Awola waa ba o tɔpejen la ta ásɛ o nɛra tɛo duure la, nɛra baa yaradao la bwa ɛɛ nao dɛ́ kpɛɛro. He ɡba jao, dɛkalkɛŋɔ ya fa aa baɡle heyaa o waa la, he noɔ dɛ teŋɛ a ta.
Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.