Aesaya 49:10 - mzwDBL

¹⁰ lɔr ne nyɔɡre aa ba kpoe ba. Wee nyɛɡre ne pua hɛŋle ɡbo harɛ ta peuwɔb aa ban ha, dɛkalkɛ naate waa dɛ nyin ba waa la ɛɛ tɔ ba siee, dɛ́ la ba ne bela nesɔn aa bula dɛɛ le.

Aesaya 49:10 ပူးပေါင်းရင်းမြစ်များ

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Aesaya 25:4

He lɛ nyaara ne nɛŋɡwɛɡra ba suna dii tɔpere ta. He dɛ tɔ ba nɛɛ dɛɛ le peukpeɡ ta, wee nyɛɡre aa, he laɡ ba dɛɛ tɛɛ ba chunchule. Nyubinikpeɡ tena do kɛŋɔ, peukpeɡ aa taa dɛ kpɔ nee dɛɛ lɔ danjwɛɛ dɛɛ kuu la,

Aesaya 32:2

Ba bɛlbwa ɛɛ doo kɛŋɔ bɔr dɛ peu dɛ ta aa, he chwa ka jo, dɛ́ berɛ do kɛ bɔr dɛ bwaala peu dɛ ba naa, he chwa ka sɔh. Ásɛ pua hɛŋle ɡbo harɛ ta ɡe neerare aa chɔ o ta, do kɛŋɔ bwetal waa dɔ chunchule, dɛ che bela daa a wola toole.

Aesaya 33:16

Banee dɛɛ ba deŋnesɔɔhna ne soɡa, kɛŋɔ baa soɡe dekpeɡ bini. Baa dɔ kondikwaa dɛɛ di, nee ɡe aa ban paŋɛ bwa.

Aesaya 35:6

Ásɛ boobie ir che, dɛɛ jah kɛŋɔ kweɡli ken, amumure ɡe ɡo yela silɛɛ ne. Nee ɛɛ pili pua hɛŋle ɡbo harɛ taa, ásɛ nenabɔɔne chɔ harɛ waa hola ta dɛɛ palɛ.

Aesaya 35:7

Bela wee aa lɔa o hol la ɛɛ berɛ tamee, ásɛ bela nee fa aa wola toole pili ne. Bela kalampoŋare fa aa lole la ɛɛ berɛ kataŋaa, o berɛ moɡɛ kpɔɡa ne pul.

Aesaya 4:6

bɔwɔb aa ban kpo webaŋa, hale bá dɔ bɔr dɛ́ chwa sɔh bwaala ne o peu ta.

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Aesaya 41:17

Nyaara ne banɔ la ba waa aa suma ɛɛ ba nyin nee dɛ́ nyɔ kahonɛ ba lobi hol, men Korowii ɛɛ no ba wesoŋaa tɛɛ ba. Menee Israel tena ɛɛ tomɛ, maa ban ta.

Aesaya 43:19

Hɛ́ɛ no! N dɛ ba wefale bɛl ɛɛ. Taraken o dɛ le, he ta on nae yaa? Mɛɛ bil ŋwɛnɛ pua hɛŋle ɡbo harɛ taa, dɛ́ ɡel nenabɔɔne chɔ harɛ la ta.

Aesaya 48:17

Waa Korowii, waa ɛ he Lɛɛ, Israel Nɛŋɡoroŋ la aa dɛ bolee nɔ, “Menee Korowii haa dɛ tom mɛ la, menee dɛɛ chaɡle heyaa anɔ la aa wera tɛ heya, dɛ berɛ dɛɛ chaɡle heyaa ŋwɛnɛ aa chɛ kɛŋɔ hé kpɔ o ta.

Aesaya 48:21

Waa kpɔ ba kpɔ pua hɛŋle ɡbo harɛ ta la, nyɔɡre ta ban kpoe. O ɡelɔ nee bule le bwe ta tɛɛ ba. O pere bwe nee palɛ le o ta.

Aesaya 51:14

Banɔ la baa do ba dea la, aa biɡri bá lee ba. Baa dea baa kwiu bɔɔ biro tenten do bela la binii serewe, á ba ɛ kɛŋɔ kondikwaa waa ɛɛ noo baa.

Aesaya 52:12

Toola ne laa hɛɛ ba lee, kɛɛ chwae laa hɛɛ ba chwae le, dɛ́ dɔ he nyu. Korowii haa dɛ tomɔ la ɛɛ tɔ he siee, wɛɛ berɔ teŋɛ he nɛɛ dɛ́ daah heya.

Aesaya 54:10

Hale bwejena jiɡro le a buɡ ta, asɛ deŋɡarere chuɡri aa, n nyina aa wola jaɡa dɔe la te ɛɛ do lee, n ne he deŋnesɔɔhna fɔo la ɡe aa jaɡa dɔe ba bwa. Men Korowii maa dɔ tedoma tɛɛ laanee bola.

Aesaya 54:8

Bandia kohonaa ɡela n laa sie kpɔ he nɛɛ tama, kɛ n nyina aa wola jaɡa dɔe nomanta, mɛɛ dɔ tedomaa tɛɛ. Men Korowii maa ɛ he Lɛɛ bola.

Aesaya 58:11

Dɛ he ɛ ɡɛ naa, anee dɛ́ ɡel men Korowii baɡle heya ŋwɛnɛ saŋ bɛlbwa dɛɛ la, dɛ́ berɛ tɛ heya kondɛɛɡa pua hɛŋle ɡbo harɛ ta he di, dɛ́ do kpeɡri. Dɛ́ berɛ ɡel he do kɛŋɔ bodɛɛɡe haa du daa sɔn do o ta saŋ bɛlbwa ken, kɛɛ bule waa wola hweeh bwa la.

Aesaya 65:13

Anomanta, Nemenɛ Korowii ŋɔ, “N bonɔɔna ɛɛ dɔ kondikwaa di dɛɛ nyɔ sen kohona, kɛ he te, lɔr ne nyɔɡre ɛɛ kpo heyaa taeh. N bonɔɔna sie ɛɛ lɛo, kɛ he te ɛɛ di sihiih.

Jeremia 31:9

Baa ba wii nee, dɛɛ soŋe men Korowii, ɡɛ saŋ maa laɡ ba dɛɛ ba. Mɛɛ laɡ baa kpɔ nenabɔɔne nyoo, harɛ waa chɔa kaa, baa wola naa lɔ o ta, dɛkalkɛ n ɛ Israel tena mɛɛ, Efrem ɡe ɛ n bibanloɡle.”

Ɛsekeɛl 34:23

Kooro waa do kɛ n bonɔɔ Kooro Devidii mɛɛ ba lee kɛŋɔ peteɡre beŋkpoŋ wɛɛ nyiŋi ba nɛ.

Jona 4:8

Wee aa baa baŋɛ la, Korowii ɡelɔ peuwɔb bɛl ta le wee leebɔr, wee ɡe do nyɛɡre dɛɛ lɔ Jona nɛɛ kohona, o fe ɛɛ ba sewa dɛ ŋɔ, “N sewɔ bɔ kɛŋɔ maa soɡe le.”

Maeka 7:14

Ya Naa Korowii, nyiŋi he nɛra nɛɛ kɛŋɔ peteɡre aa dɛ nyiŋi peera, nɛra haa lee ba tɛ he te la. Ya do kɛ peera aa pere a te, dɛ ka do kpɔɡbaah dɛɛ di. Gel he nɛra ka do harɛpare ondɛɛɡe kɛŋɔ Basan ne Gelead ta, dɛɛ di kɛ saŋ la.

Matiu 5:6

Nɛra ba sie aa beɡre waa aa toɡra dɛɛ su Korowii siwi la, ba na som, dɛkalkɛ Korowii ɛɛ cha baa a ta kɛrɛdɛɛ bá dɔa ba tetoora.

Amanesoma Jɔn Aa Chwera Tɔn 6:35

Asɛ Yeesu ŋɔ, “Menee kondikwaa aa dɛ tɛ Korowii mkpa la. Nomɛlbwa waa ba n be la, lɔr aa on kpo. Asɛ nomɛlbwa ɡe waa yarada mɛ dɛ́ kpɔ o te tɛ mɛ la, nyɔɡre ɡba aa o kpoe ba bwa.