Aesaya 48:21 - mzwDBL

²¹ Waa kpɔ ba kpɔ pua hɛŋle ɡbo harɛ ta la, nyɔɡre ta ban kpoe. O ɡelɔ nee bule le bwe ta tɛɛ ba. O pere bwe nee palɛ le o ta.

Aesaya 48:21 ပူးပေါင်းရင်းမြစ်များ

Kaala 17:6

Mɛɛ ka che bwe bɛl jwɛɛh Sinai Bwejen ta belaa dɛɛ kpa heya. Dɛ he tel belaa, kpɔ daŋɡbala la lɔ bwe la, nee ɛɛ le o taa ba, ásɛ nɛra la dɔ nyɔ.” Asɛ Mosis ɡe ɛ ɡɛ waa nɔ bwa Israel nomonome la siwi ta.

Yela 105:41

O ɡelɔ bwe bini pere, asɛ nee le dɛɛ palɛ kɛŋɔ, nenapale ken, pua hɛŋle ɡbo harɛ ta.

Aesaya 30:25

Awola Korowii aa ba kpoo he dɔma kohona dɛ́ kuuɡi ba dejaŋa ta la, nee ɛɛ palɔɔ le bwejaŋa ne deŋɡarere aa kaa nyundua bwa ta.

Yela 78:20

A ɛ kasinteŋ kɛŋɔ o kpɔ kon lɔ bwe, asɛ nee fuɡe le kohona. Aah wɛɛ won tɛ yaa kondikwaa dɛ tɛ yan yaa ɛ o nɛra nɔ ola ja aa?”

Nɛra Kura 20:11

Ate, o ɡɔɔ daŋɡbala la lɔ bwe la kera anɛ, asɛ nee palɛ le bwe la ta yɔɔ ken, ba ne ba kondɛɛra bwa nyɔ.

Aesaya 49:10

lɔr ne nyɔɡre aa ba kpoe ba. Wee nyɛɡre ne pua hɛŋle ɡbo harɛ ta peuwɔb aa ban ha, dɛkalkɛ naate waa dɛ nyin ba waa la ɛɛ tɔ ba siee, dɛ́ la ba ne bela nesɔn aa bula dɛɛ le.

Nehemia 9:15

Lɔr aa dɛ kpo ba la, he tɛɛ ba kondikwaa le nyundua, nyɔɡre aa dɛ kpo ba la, he ɡelɔ nee le bwe ta tɛɛ ba ba nyɔ. He ŋɔ bá ka kpɔ harɛ haa baɡ ba nyoa ŋɔ hɛɛ kpɔɔ tɛɛ ba la.

Jeremia 31:9

Baa ba wii nee, dɛɛ soŋe men Korowii, ɡɛ saŋ maa laɡ ba dɛɛ ba. Mɛɛ laɡ baa kpɔ nenabɔɔne nyoo, harɛ waa chɔa kaa, baa wola naa lɔ o ta, dɛkalkɛ n ɛ Israel tena mɛɛ, Efrem ɡe ɛ n bibanloɡle.”

Yela 78:15

O pere bwea aa lɔ pua hɛŋle ɡbo harɛ ta nee kohona le a bini, kɛŋɔ mpo nee ken tɛɛ ba.

Yela 74:15

He ɡelɔ buli ne nenabɔɔne ɛɛ palɛ, dɛ ɡel mojena hweeh.

Yela 78:16

O ɡelɔ nee le bwe ta, dɛɛ palɛ kɛŋɔ nenapale ken.

Nehemia 9:20

He kpɔ he Doma waa wera tɛɛ ba wɛɛ baɡ ba wa, dɛ tɛɛ ba maana ba di, dɛ tɛɛ ba nee ɡe ba nyɔ.