Aesaya 48:20 - mzwDBL

²⁰ Hé le Babelɔn harɛ ta, hé chwa le o nɛra bini! Hé kpɔ silɛɛ taa bol bobɛlbwa ŋɔ, “Korowii lɛ o bonɔɔna Israel tena.”

Aesaya 48:20 ပူးပေါင်းရင်းမြစ်များ

2 Samoɛl 7:23

Harɛ bɛlbwa nɛra toole dɛ do kɛŋɔ he nɛra Israel tena, harɛ beŋkpoŋ nɛra hen Korowii aa lɛɛ ba le wenaale ta Ijipt harɛ dɛ kpɔ ba ɛ he nɛra la. Wejena ne nyokpowe-ɛɛla haa ɛa tɛɛ ba la bwa ɡelɔ he dɔ sɔn harɛ nɔ ta bwa. He berɔ doŋi harɛre ane nɛra ne ba voɡa le ba sie.

Ɛsra 2:1

Nɛra Babelɔn Koojen Nebukadnesa aa laɡ ba laa ta kaa bojaŋ harɛ Babelɔn, asɛ ba berɛ won ba Jerusalam ne Juda harɛ ta, dɛ ba so ba bwɛɛre ta laanee teŋa nɔ,

Yela 126:1

Korowii aa bera lawɛ yaa ba Jerusalam la, dɛ a do kɛŋɔ deera ken ya be.

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

Aesaya 12:4

Awola tɔpere la, hɛɛ ɡo yelee ŋɔ, “Hé yerɛ Korowii sɔn, hé jaamo. Hé ɡel harɛre nɛra bwa jemɛ ɡɛ waa ɛa, ásɛ dɛ berɛ baɡ ba ɡɛ o sɔn aa kana.

Aesaya 24:14

Nɛra baa dɔ ba nyu la ɛɛ ɡo yela silɛɛ nee. Banɔ la baa lɔ wee cholibɔr ɛɛ baɡle jirima Korowii aa dɔa.

Aesaya 26:1

Tɔpere bɛl dɛ ba, ásɛ Juda harɛ nɛra ɡo yel nɔ harɛ la ta. Ya dɔ bwɛjen danjwɛkpeɡ aa baro name, Korowii ɡbabirii cheɡɛ ya habɔɔ, dɛɛ nyiŋi danjwɛɛ waa baro ta.

Aesaya 42:10

Nɛra haa lɔ harɛ ta bwa, hé ɡo yelfale kpɛɛ Korowii. Nɛra haa dɛ ɛ toma mpo ta, ne kwaa aa lɔ o ta bwa, ne harɛ jaɡa nɛra bwa, hé ɡo kpɛɛra yel tɛo!

Aesaya 43:1

Israel tena, Korowii waa ta heya la ŋɔ, “He bɛ ɔmɛ. Menee lɛ heyaa ta, n yerɛ he sɔn dɛ le heyaa tɛ n te. Men dɔ heya.

Aesaya 44:22

N laa he wechɔɡa fee a tonɛ, kɛŋɔ bam ne chɔɔlen kɔɔla ken. Hé laa berɛ ba n be, dɛkalkɛ menee lɛ heya.

Aesaya 48:6

He no waa n fa aa bola baɡle heyaa asɛ a ɛ ɡɛ. A chɛ kɛŋɔ hé sɛh kɛŋɔ a ɛ kpela. Le fini dɛɛ kaa mɛɛ bol wefala aa sɔah maa wola he be bolɛ la he bee.

Aesaya 49:13

Kwaa aa lɔ nyundua, hé do lɔŋɔre silɛɛ ne, kwaa aa lɔ harɛ ta ɡe, hé hɛɡre! Bwejena ɡe ɡo silɛɛ yela. Korowii ɛɛ larawe o nɛra bwaraa, wɛɛ dɔ tedomaa tɛ wahala tena ɡe.

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

Aesaya 51:14

Banɔ la baa do ba dea la, aa biɡri bá lee ba. Baa dea baa kwiu bɔɔ biro tenten do bela la binii serewe, á ba ɛ kɛŋɔ kondikwaa waa ɛɛ noo baa.

Aesaya 52:10

Wɛɛ ɡeloo harɛre nɛra bwa na ɡɛ o kpeɡri aa do ɡoroŋ. Nɛra baa lɔ harɛ jaɡa bwa ɛɛ na ɡɛ Korowii yaa dɛ tomɔ aa wona lɛ yaa.

Aesaya 52:11

Hé le Babelɔn harɛ! Hé pere he te le ba nɛɛ kwara! He bɛ komɛlbwa waa kah doŋa leɡe! He nɛra haa cheɡɛ Korowii Dea laala la, hé le ba bini, dɛ́ do ɡoroŋ.

Aesaya 52:9

Jerusalam tena, he bwɛjen berɛ dimɡbia, hé pɛ ɡo silɛɛ yela. Korowii larawe o nɛra bwara, dɛ lɛ Jerusalam ɡe.

Aesaya 62:11

Korowii bol waa nɛra baa lɔ harɛ jaɡa bwa be ŋɔ, “Saayɔn tena, he na ɡɛ he Lɛɛ aa dɛ ba! O kpoŋe o kembɔr, o ne nɛra waa lɛɛ ba dɛɛ ba.”

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Jeremia 31:10

Korowii ŋɔ, “Harɛre nɛra, hé no, hɛ́ɛ bol n waa la mpo nyoa bojaŋ harɛre ta. N lɔ n nɛra Israel tena peɡre, kɛ mɛɛ berɔ boa ba nyoa, ásɛ dɛ nyiŋi ba nɛɛ kɛŋɔ peteɡre aa dɛ nyiŋi peera la ken.

Jeremia 31:11

N ɡelɔ Israel tena di ba nyu, dɛ lɛɛ ba le harɛre nɛra baa kpeɡa kohona nɔn ta.

Jeremia 31:21

Hé kpɔ kwaa paaɡe á ɛ nso ŋwɛnɛ la ta, á baɡle heya ŋwɛnɛ haa kpɔ o ta kaa. Israel tena, hé berɛ ba, hé berɛ ba bwɛɛre haa le a ta kaa la ta.

Jeremia 50:2

“Bol Babelɔn harɛ waa baɡle harɛre nɛra bwa. Ir fraŋkaa, á baɡle waa aa dɛ ba! Bɛ wobɛlbwa kpɔ sɔh, ŋɔ, ‘Babelɔn dɛ́ ba paɡra. Baa paɡre ba voɡ Maadukuu, ásɛ sihiih kpo Babelɔn harɛ voɡa aa ɛ kii kwaa la bwa.’

Jeremia 50:28

Nɛra baa chwaa le Babelɔn harɛ dɛ ba Jerusalam la dɛ bol ŋɔ, Korowii baa dɛ tomɔ la dɛ́ ba ba bɔ Babelɔn tena kem, chɔɡa baa chɔɡ Korowii Dea la wa.

Jeremia 50:8

N nɛra Israel tena, hé chwa le Babelɔn harɛ ta, he bɛ ɡel nomɛl ba tɔ he sie, hé tɔ sie le kaa.

Jeremia 51:45

N nɛra Israel tena, hé chwa le ba. Hé chwa dɛ́ dɔ he nyu. Hé chwa le men Korowii bandia waa do ɔma la ta.

Jeremia 51:48

Belaa koŋkwaa aa lɔ nyundua ne harɛ ɛɛ ba silɛɛ lɔŋɔre doe Babelɔn wa, dɛkalkɛ nɛra dɛ ba weekaŋle nyunduabɔr lee dɛ́ ba yoo dɛ́ chɔɡo.

Jeremia 51:6

Hé chwa le Babelɔn harɛ! Hé chwa lɛ he nyuune! He bɛ Babelɔn tena wechɔɡa waa koh serewe. Saŋ telo kɛ men Korowii bɔ ba kem, mɛɛ tɛr ba deŋnee ɡɛ aa chɛa.

Sekaria 10:8

Mɛɛ yer baa, dɛ́ boa ba nyoa. Kasinteŋ, mɛɛ lɛɛ baa dɛ́ ɡel ba warɛ ɡɛ ba fa aa doa wubwa la.

Sekaria 2:10

Korowii ŋɔ, “Jerusalam tena, hé ɡel he sie lɛ hɛɛ ɡo yela! N dɛ ba dɛ́ ba so he baah ta.”

Mmarare 30:4

Hale dɛ harɛ jaɡaa he peɡre ka do kwaraa naa, Korowii haa dɛ tomɔ nɔ ɛɛ boa he nyoa, dɛ́ berɛ ba he ne.

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Wepila 18:4

N berɔ no taa bɛl o le nyundua dɛ ŋɔ, “N nɛra, hé le o be. Maa nyin kɛ he ne o pɛ dɛ́ɛ ɛ wechɔɡa, dɛ́ pɛ na wahala maa dɛ ba ɡela o na la.