Aesaya 48:19 - mzwDBL

¹⁹ He naanar fe ɛɛ warɔ kɛŋɔ mpo nyoa hɛŋle ken. N fe nyiŋ ba kɛrɛdɛ ba dɔma bɛ won chɔɡ ba, ásɛ ba sɔn bɛ he.”

Aesaya 48:19 ပူးပေါင်းရင်းမြစ်များ

Mumpar 13:16

Mɛɛ ɡeloo he naanar warɛ kɛŋɔ hɛŋle ken, nomɛlbwa aa wola won jemɛ ba nyoa bwa.

Mumpar 22:17

mɛɛ tɛɛ hɛɛra tentenee. Mɛɛ ɡeloo he naanar warɛ kɛŋɔ weweela ne mpo nyoa hɛŋle. He naanar ɛɛ yoo lɛ ba dɔma bwɛɛre dɛɛ di a kpeɡri,

1 Koranar 9:7

ate, mɛɛ le Israel tenaa le harɛ maa kpɔa tɛɛ ba nɔ ta, dɛ́ vɛh n Dea maa lea cheɡ dɛ ɡel o do ɡoroŋ ŋɔ ó ɛ bela baa dɛɛ tom mɛ nɔ ta. Ásɛ Israel tena berɛ wesoma nɛra, harɛ nɔ ta bwa.

Job Tɔn 5:25

Hɛɛ nao ɡe kɛŋɔ he bii warɔ, ásɛ he naanar warɛ kɛŋɔ kpɔɡa ken.

Yela 109:13

Gel o naanar bwa serewe, dɛ́ ɡel o sɔn nyoɡre naanar baa ka ba bwa bini.

Yela 9:5

He pa voɡtoroma bolchɔɡe, dɛ chɔɡ nyubinikpeɡ tena, dɛ ɡel ba sɔna he harɛ nɔ ta kwaraa.

Aesaya 10:22

Israel tena, dɛ he warɔ kɛŋɔ mpo nyoa hɛŋle kwaraa naa, he tamaa dɛɛ ba kae dɛ́ berɛ ba. Chɔɡa chɔ le dɛɛ kpa heya. Gɛ Korowii aa cheɡ heyaa la, he chɛ ɡɛ.

Aesaya 14:22

Koranar Bwa Kooro ŋɔ, “Mɛɛ ka che bwɛjen Babelɔn ne o nɛra nɛɛ dɛ́ kpoo ba maa komɛlbwaa ɡel, bechale ɡba aa ka, o sɔn he. Men Korowiirii ŋɔa.

Aesaya 44:3

Mɛɛ ɡeloo nee chɔ harɛ waa hola ta, ásɛ nenabɔɔne chɔ dɛɛ palɛ. Mɛɛ ɡeloo n Doma ba so he bii nɛ, dɛ́ swee andɛɛɡa tɛ he naanar.

Aesaya 44:4

Baa kpeɡuu kɛrɛdɛ kɛŋɔ kpɔɡa aa lɔ harɛsɔn ta, ne dajaŋa aa cheɡɛ nee nyoa ken.

Aesaya 48:9

N sɔn ne kpɛɛra waa mɛɛ lawɛ bambile he nɛ, ásɛ dɛ bɛ heyaa ba chɔɡ.

Aesaya 54:3

Hɛɛ paɡri he harɛ jwɛhree a kaa sie diɡ ne ɡal, ásɛ he naanar berɛ lɛ harɛre nɛra bane aa soɡe a ta taraken nɔ, dɛ́ so a ta. Bwɛjena aa chɔ pɛɛ taraken la, he nɛra ɛɛ warɔɔ dɛ́ berɛ ba so a ta.

Aesaya 56:5

baa dɔ komɛl waa ɡwaa bibaala ne bihaahnaa. Mɛɛ ɡeloo ba sɔn ka n Dea, dɛ́ do le saŋ bɛlbwa, bá kpɔ dɛɛ liiru.”

Aesaya 66:22

Korowii ŋɔ, “Gɛ harɛfale la ne nyundufale maa dɛ́ ba tae a che n kpeɡri ta dɛ́ che kiŋkiŋ la, ɡɛɛ he ne he naanar sɔna ɛɛ ba cheɡa.

Aesaya 9:14

Korowii ɛɛ tɛr Israel tena nomonome ne ba nɛra deŋnee. Wɛɛ teŋ baa ta kɛŋɔ baa teŋe daa nyundua ne o harɛbɔr bwa ta ken.

Jeremia 33:22

Mɛɛ ɡeloo n bonɔɔ Devid naanar, ne Lewi dea tena baa ɛ n Dea sɔfore mun ya kohona, ásɛ ba bɛ won kur ba, kɛŋɔ baa wola won kure weweela kɛɛ mpo nyoa hɛŋle la.”

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Sefania 1:4

Mɛɛ tɛr Juda harɛ, ne nɛra baa soɡe Jerusalam la bwa deŋnee. Mɛɛ chɔɡ voɡ Baal ne o komɛlbwaa kwaraa, ásɛ nomɛlbwa aa o kerekpoŋra la waa lii kpa.

Tɔn Pɔɔl Aa Chwerɛ Rom Tena 9:27

Aesaya bol Israel tena waa ŋɔ, “Dɛ Israel tena warɔ kɛŋɔ mpo nyoa hɛŋle kwaraa naa, ba bini tamaa kenii Korowii ɛɛ ba lɛɛ.

Mmarare 9:14

Gel mɛ ń kpoo ba ásɛ ba sɔn den he harɛ nɔ ta. Ásɛ n ɛɛ harɛ bir nɛra mɛɛ, dɛ́ ɡel hé warɛ dɛ́ do kpeɡri ɡwaa ba.’

Josua 7:9

Keenan tena ne nɛra baa lɔ harɛ la ta bwa ɛɛ no waa nɔɔ, dɛ́ ba bar yaa, dɛ́ kpoo yaa, dɛ́ ɡel ya sɔn nyoɡre harɛ nɔ ta. Ɛrɛɛ nɛra ɛɛ ba ɛɛ dɛ́ jemɛ kɛŋɔ he sɔn kan ɔ?”

Rut Tɔn 4:10

N berɔ dɔ Maalɔn luhaah Rut la ó ɛ n haah, ásɛ ya won lolɛ bie, dɛ́ ɡel ya lole waa sewa la sɔn bɛ he dea nɔ ta. Fini a ɛ he bwa siwi ta wa.”