Aesaya 48:14 - mzwDBL

¹⁴ Hé bwa ba cheme dɛ́ no. Voɡa la bini umee wona baɡle anɔ nɔɔ? Nɛn maa leo la ɛɛ yo Babelɔn tenaa. Wɛɛ ɛ waa maa dɛ nyin kɛ o ɛ bwaa.

Aesaya 48:14 ပူးပေါင်းရင်းမြစ်များ

Mumpar 49:1

Jekɔb yerɛ o bibaala asɛ dɛ ŋɔ, “Hé bwa ba cheme, ásɛ n baɡle heyaa waa aa dɛ ba he nɛɛ bala kerekere.

Mumpar 49:2

Hé bwa ba cheme dɛ no. Hé ba no he mɛɛ Jekɔb wa.

Aesaya 13:19

Babelɔn kora wer ɡwaa bwɛɛre bwa kora, bela tena kpɔɔ dɛɛ ta nyoa. Kɛ men Korowii, mɛɛ chɔɡ kora laanee kɛŋɔ maa ɛ Sodom ne Gomoora la.

Aesaya 21:9

Na, baa bɛl waa cheɡɛ kon waa do kɛ torɔɡo bini ne jaɡre dɛ ba. Asɛ nɛn waa dɛ daah la ŋɔ, “Bwɛjen Babelɔn paɡrɔ! O paɡrɔ! Voɡare aa lɔ o ta bwa, ba paɡre a bwa burbur ken bil harɛ.”

Aesaya 41:22

Hé ba he voɡa ne á baɡle waa aa dɛ ba chiɡa kerekere, ásɛ dɛ a baa chiɡ aa ya jemɛ, dɛ́ baɡle waa aa chiɡa saŋ la, ásɛ ya nyiŋi a bini dɛ́ no a mun.

Aesaya 43:9

Gel harɛre bwa ta nɛra ba cheme bobeŋkpoŋ. Ba voɡ besoo wona baɡle waa aa ɛa saŋ la mɔɔ a ɛɔ? Voɡ besoo wona baɡle anɔ aa dɛ ba chiɡa taraken nɔɔ? A ba a danseɛre ne dɛ́ ba baɡle kɛŋɔ waa aa dɛ ba bola la ɛ kpela, ásɛ ane ɡe no dɛ́ sɛh kɛŋɔ kpelaa.”

Aesaya 44:28

Men Korowii berɔ bol Saeros ɡe waa ŋɔ, ‘Henee dɛɛ ba n nɛra nɛɛ nyiŋa, dɛ́ ɛ waa maa dɛ nyin la bwa ka tonɛ,’ dɛ berɛ ŋɔ, ‘Hé kwaa pa Jerusalam ne men Korowii Dea la mun.’ ”

Aesaya 44:7

Umee do kɛŋɔ men ɔ? Ó bol. Naate ɡel n jemɛ ɡɛ aa ɛa n ne o ɛ kɛrɛdɛ. Ó baɡle waa aa chiɡa le ɡɛ saŋ maa ta saŋ la tena, ne waa a taa dɛ ba bala kerekere.

Aesaya 45:13

Mɛɛ che toɡra n wa aa toɡra taa, dɛ́ ɡel Saeros ir dɛɛ ɛ waa aa toɡra ne anɔ la maa dɛ nyin. Mɛɛ kwaa o ŋwɛnɛree a do wer. Onee dɛ́ ba kwaa ma n bwɛjen Jerusalam, dɛ́ lɛ n nɛra baa laɡ ba laa ta kaa harɛfala ta la. Waa ɛ dɛ́ lɛ komɛl le nɛn be. Men Nemenɛ Korowiirii ŋɔa.”

Jeremia 50:44

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Babelɔn tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

Amanesoma Mak Aa Chwera Tɔn 10:21

Yeesu nyiŋu, o sie lɛ o nɛ, dɛ ŋɔ o be ŋɔ, “A ka he webeŋkpoŋ. La ka yoɡ kwaa haa dɔa bwa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kondɔɔh cheɡ Korowii doa. Ka ɛ ɡɛ ásɛ dɛ ba teŋɛ n nɛ.”