Aesaya 48:13 - mzwDBL

¹³ N ɡbaɡbaa kpɔ nɔn pa harɛ mun, dɛ kpɔ n nɔndiɡ baŋre nyundua. N yera aa, a dɛ ba n be.

Aesaya 48:13 ပူးပေါင်းရင်းမြစ်များ

Job Tɔn 37:18

Hɛɛ won ja Korowii nɛɛ dɛ́ paɡri nyundua, waa do kpeɡri kɛ ayaawa aa dɛ nyɛɡle kɛ diɡi aa?

Yela 102:25

Wobɛlbwa mumpar la, henee ta harɛ, kwaa aa lɔ nyundua ɡe, he nɔn tomaa a bwa.

Yela 147:4

Onee ta weweela dɛ jemɛ a nyoa, dɛ pa bɛlbwa sɔn.

Kaala 20:11

Tɔpera anumɛlee n kpɔ ta nyundua ne harɛ, mpo ne koŋkwaa aa lɔ o ta bwa, asɛ dɛ onɛ tɔpere waa teŋa nuanɛ la ta. A waa n ɡel Ona Tɔpere la ɛ tɔpedɛɛɡe dɛ ɡel o do ɡoroŋ.

Aesaya 40:12

Umee dɛ́ won kpɔ o nɔŋkola maɡɛ moo, kɛɛ dɛ won kpɔ nɔn maɡɛ ɡɛ nyundua aa do kan nɔɔ? Umee wona kari harɛ nɔ ta teera, kɛɛ bwejena ne deŋɡarere tɔɡre kɛrɛdɛ nɔ?

Aesaya 40:21

Haa jemaa? He ta noɛ yaa? Haa a mun jemaa? Ba ta he be bolɛ saŋ Korowii aa ta harɛ mumpar la kɛɛ?

Aesaya 40:22

Onee di harɛ bwa kora dɛ so kookara ta nyundua, asɛ nɛra baa lɔ harɛ ta do jeɡre kɛŋɔ vaɡla ken. Onee paɡri nyundua bɔle kɛŋɔ yal ken, dɛ baŋro kɛŋɔ baa baŋre tɛnte dea dɛ so o bini la.

Aesaya 40:26

Hé ha sie dɛ nyiŋi nyundua ne kwaa aa lɔ o ta. Korowiirii ta weweela dɛ ɡel a le beŋkpoŋa beŋkpoŋa dɛ warɛ, asɛ o pa bɛlbwa sɔn. O kpeɡri waa dɔa kohona nomanta, beŋkpoŋ kwaraa ta nyoɡrɛ.

Aesaya 42:5

Korowii waa ta nyundua dɛ paɡru, dɛ ta harɛ ne kwaa aa lɔ o ta, dɛ tɛ nɛra baa lɔ o ta hweera ba dɔ mkpa la, onee bola ŋɔ,

Aesaya 44:24

Israel tena, Korowii waa ɛ he Lɛɛ, dɛ ta heyaa la ŋɔ, “Menee Korowii maa ta komɛlbwa. N ɡboo paɡri nyundua kɛŋɔ yal, nomɛlbwa ta n nɛɛ jae n ta harɛ.

Aesaya 45:12

Menee ta harɛ, dɛ ta nɛwɛnyina do o ta. N kpeɡrii n kpɔ baŋre nyundua kɛŋɔ yal, dɛ kpɔ wee ne korobie dɛ weweela cheɡ a chebɔra.

Aesaya 45:18

Korowiirii ta nyundua onee Korowii, dɛ berɛ ta harɛ ɡe o che kiŋkiŋ. O ta harɛ tae o chɔ pɛɛpɛɛ, kɛ o tao ŋɔ nɛra so o ta. O ŋɔ, “Menee Korowii, Dɔɔ bɛlbwa toole kpa.

Aesaya 51:13

Kɛ he soh men Korowii maa ta heyaa dɛ paɡri nyundua kɛŋɔ yal, dɛ pa harɛ mun la wa. Ɛrɛwaa tɔpere bɛlbwa hɛɛ ɔmɛ nɛra baa dɛ fiiɡi heya, dɛɛ nyin bá chɔɡ heyaa kohona nɔɔ? Leperaa ba bandia ɛɛ tel ɔ?

Jeremia 51:15

Korowii cheɡɛ o kpeɡri ta dɛ ta harɛ, o wejema nee o ta harɛ nɔ bwa, dɛ che o liire ta dɛ paɡri nyundua ɡe.

Tɔn Pɔɔl Aa Chwerɛ Rom Tena 4:17

Anee Korowii waa baa chwera ŋɔ, “N ɡelɔ he ɛ nɛnfuuh bwa mɛɛ” la baɡle la. A ɡɛ waa nɔ ɛ kasinteŋ Korowii be. Onee Abraham faa yarada la. On won nɛra baa serewa kwaraa chuma, dɛ won dɛɛ bol waa aa wola chiɡe bwa kɛŋɔ aa chiɡa ka la.