Aesaya 47:9 - mzwDBL

⁹ Gɛ webele anɛ nɔ ɛɛ piɡri tɔpebeŋkpoŋii. Ane he kaberere bwa, hɛɛ di bisewee, he jaa sewɛ.

Aesaya 47:9 ပူးပေါင်းရင်းမြစ်များ

Yela 73:19

Ba chɔɡɔ buɡ la ta, dɛ sewɛ seo wɔb.

Aesaya 13:16

Baa cheo dɛɛ nyiŋi ba lɔɔ ba bii kpoo, dɛ́ jo ba deremi dɛ́ bal ba laala dɛ paɡɛ ba haahna ɡe.”

Aesaya 21:9

Na, baa bɛl waa cheɡɛ kon waa do kɛ torɔɡo bini ne jaɡre dɛ ba. Asɛ nɛn waa dɛ daah la ŋɔ, “Bwɛjen Babelɔn paɡrɔ! O paɡrɔ! Voɡare aa lɔ o ta bwa, ba paɡre a bwa burbur ken bil harɛ.”

Aesaya 47:11

Wekpeɡa ɛɛ pui, he bebee waa bwa aa won sɔɔh a nyoa. Siswɛm waa ɛɛ pui, waa haa wola a waa deere bwa piɡri.

Jeremia 15:9

Bii banuanɛ nya bwara ɛɛ yɔroo ó hwaahɡe. Webaŋkpela ɛɛ berɔ jwaanaa, ásɛ sihiih kpoo o bambile ɛɛ weo. Mɛɛ ɡeloo he dɔma ba kpoo he bini banɔ la baa kaa la. Men Korowiirii bola.”

Jeremia 51:29

Harɛ la jiɡro, dɛkalkɛ waa Korowii aa maɡla bil la telo kɛŋɔ Babelɔn harɛ chɔ pɛɛ, ásɛ nomɛlbwa aa won so bela kpa.

Daneɛl 2:2

Anomanta, o ɡelɔ ba ka yerɛ dobodobo tena, ne nɛra baa dɛ ɛ sɔmwe-ɛɛla, ne voɡra dɛ wejerema baa jemɛ weweela waa ŋɔ bá ba baɡlo deera la mun. Baa ba o be la,

Daneɛl 4:7

Ate, dobodobo tena, ne nɛra baa dɛ ɛ sɔmwe-ɛɛla, ne wejerema baa jemɛ weweela wa, dɛ voɡra bwa ba, asɛ n bol deera la baɡ ba, kɛ ba ta wone baɡ mɛ a mun.

Daneɛl 5:30

Awola jwaana la tentenee ba kpo Babelɔn Kooro Bɛlsasa,

Daneɛl 5:7

Ate, kooro kpɔ takpeɡ ŋɔ bá ka yerɛ nɛra baa dɛ ɛ sɔmwe-ɛɛla, ne wejerema baa jemɛ weweela wa dɛ voɡra, ŋɔ bá ba. Baa bala la, Kooro la ŋɔ ba be ŋɔ, “Dɛ bɛlbwa wono kure kwaa baa chwera nɔ, dɛ baɡ mɛ a mun aa, mɛɛ ɡeloo bá tɔɔ yakɔl, dɛ́ kpɔ suuɡaswɛm jɔɡrɔre do o baŋa, ásɛ n habɔɔ ó ɛ nɛn waa teŋa tooro, dɛ dɔ kpeɡri kohona n kora harɛ nɔ ta.”

Neehum 3:4

A bwa cheɡɛ Niniwe tena baa do kɛ hanjwamane la pɛlchɔɡa ta. Ba cheɡɛ voɡra nɛɛ dɛ ɡel nɛra pɛla do ba nɛ. Ba kpɔ jwamane ŋwɛnɛ ta dɛ lawɛ harɛre nɛra kɛrɛdɛ yoma, ne sɔm ŋwɛnɛ ta, dɛ lawɛ nɛra bane ɡe.

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.

Rut Tɔn 1:20

Asɛ o chaŋe ŋɔ, “He bɛ men Naomi yerɛ. Hɛɛ yer mɛ Mara dɛkalkɛ Korowii Waa Ɛ Kpeɡri Bwa Dɔɔ ta ɡelɛ n sie lɛ n soɡa bini.

Rut Tɔn 1:5

Maalɔn ne Keleɔn baa sewɛ. Aa ba ɡɛ la a ka Naomi ɡbo.