Aesaya 47:8 - mzwDBL

⁸ No, he dɛ di he bwara, dɛɛ lii kɛŋɔ wobɛlbwa toole dɛ́ won ɛɛ. He ŋɔ he ne Korowii kɛrɛdɛ, dɛ ŋɔ, nomɛlbwa toole he habɔɔ. He ta liire kɛŋɔ hɛɛ ɛ luhaahnee bwa, haa biseo ɡee di.

Aesaya 47:8 ပူးပေါင်းရင်းမြစ်များ

Aesaya 14:14

Mɛɛ teehnoo ka so baama baŋ, dɛ́ ɛ n te kɛŋɔ Nemenɛ Korowii ken.’

Aesaya 32:11

Haahna haa lɔ bosɔɔhna ta la bwara ɛɛ sao he ɔmɛ. Hé wur he laala ta, dɛ́ kpɔ lweyale mile chara.

Aesaya 32:9

Haahna haa lɔ bosɔɔhna ta, hé no n be! Bitoli haa soɡa kɛrɛdɛ, hé cheɡ deŋne dɛ́ no n wa!

Aesaya 45:18

Korowiirii ta nyundua onee Korowii, dɛ berɛ ta harɛ ɡe o che kiŋkiŋ. O ta harɛ tae o chɔ pɛɛpɛɛ, kɛ o tao ŋɔ nɛra so o ta. O ŋɔ, “Menee Korowii, Dɔɔ bɛlbwa toole kpa.

Aesaya 45:5

Menee Korowii, Dɔɔ bɛlbwa toole kpa, nemenɛ n ɡbo. Haa men jemɛ, kɛ mɛɛ tɛɛ kpeɡrii.

Aesaya 45:6

N ɛ ɡɛ, ásɛ le wee leebɔr kaa o cholibɔr, nomɛlbwa jemɛ kɛŋɔ menee Korowii. N habɔɔ, Dɔɔ bɛlbwa toole kpa, nemenɛ n ɡbo.

Aesaya 47:10

He kpɔ he te dawɛ he wechɔɡa ɛɛ ta, dɛ ŋɔ, ‘Nomɛlbwa aa men na.’ He wejema ne he liire wili dɛ ɡel he ŋɔ, ‘Menee men. Nomɛlbwa toole n habɔɔ kpa.’

Jeremia 49:31

Hé ir ka yo harɛ o nɛra aa dɛ lii kɛ ba soɡe bosɔɔhna ta la. Ba bwɛjen ta doonyojena kɛɛ bune baa kpɔa dɛɛ kara dɔe, komɛlbwa toole dɛɛ tɔ ba ɡbemɡbe.

Jeremia 50:11

Korowii ŋɔ, “Babelɔn harɛ tena, he baa pa n nɛra laala laa ta kaa, asɛ he sie lɛ hɛɛ hɛɡre kɛŋɔ nao waa dɛ tiɡri mea, kɛɛ jaɡ-bala aa dɛ dooɡe lɔŋɔre ken.

Jeremia 51:53

Hale Babelɔn wono kaa nyundua, o dekpeɡa kaa nyundua kwaraa naa, mɛɛ ɡeloo nɛra ba chɔɡo. Men Korowiirii bola.”

Ɛsekeɛl 16:49

Wechɔɡa he nime Sodom aa dɛ ɛ laanee nɔ. O ne o bihaahna dɔ mbarafo, ba dɔɔ kohona dɛɛ di ba waane laa nomɛlbwa wa. Ba ta nyaara ne nɛra aa hiah ba chae.

Ɛsekeɛl 28:2

“Nɛwɛnyini bie, bol Taaya kooro be ŋɔ men Nemenɛ Korowii ŋɔ, ‘He dɛ ɡɔɔ he te dɛ ŋɔ he ɛ voɡ, he dɛ so voɡ kara ta mpo bare cheme. Kɛ nɛwɛnyinii hen, he ta voɡ ɛɛ, he dɛ lii kɛ he ne voɡ wejema kɛrɛdɛ.

Ɛsekeɛl 30:9

Awola tɔpere, mɛɛ tomɛ toromaa bá kpɔ stiimaere ba, dɛ́ ba aah Itiopia tena, dɛ́ le ba ne ba bosɔɔhna ta. Lokua ɛɛ chole ba nɛɛ awola Ijipt aa chɔɡ la. Tɔpere la ɛɛ bao kpela.”

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Daneɛl 4:22

n naa kooro, henee daa waa kpeɡa dɛ do kpeɡri la che tɛ. He kpeɡo dɛ kaa leɡe nyundua, asɛ dɛɛ di kpeɡri harɛre bwa ta.

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Daneɛl 4:30

O ŋɔ, “Bwɛjen Babelɔn waa do kan ken nɔ, menee doo o ɛ n koobwɛ, dɛ́ kpɔ baɡle n kpeɡri kohona ne n jirima maa dɔa.”

Daneɛl 4:4

Dɛ men Kooro Nebukadnesa soɡe n dem deŋnesɔɔhna ta, dɛ dɔ kondɔɔh kohona, n bwara sɔɔh mɛ koodem.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Daneɛl 5:30

Awola jwaana la tentenee ba kpo Babelɔn Kooro Bɛlsasa,

Neehum 1:10

He sennyɔɔra, nii ɛɛ fuh heyaa kɛŋɔ sɔɔhne aa kaɡre dawii baah ken.

Neehum 3:4

A bwa cheɡɛ Niniwe tena baa do kɛ hanjwamane la pɛlchɔɡa ta. Ba cheɡɛ voɡra nɛɛ dɛ ɡel nɛra pɛla do ba nɛ. Ba kpɔ jwamane ŋwɛnɛ ta dɛ lawɛ harɛre nɛra kɛrɛdɛ yoma, ne sɔm ŋwɛnɛ ta, dɛ lawɛ nɛra bane ɡe.

Habakuk 1:7

Ba waa dɔ ɔmee ne hundam, ba ɡbaɡba mmara taa baa teŋɛ, baa nomɛlbwa waa no.

Sefania 2:15

Gɛɛ bwɛjen o nɛra aa dɛ lii kɛ ba soɡe deŋnesɔɔhna ta, wobɛlbwa aa ban ha la ɛɛ ba nae. Ba yon ŋɔ, “Ya bwɛjen ɛ bwɛjen tenten, bwɛɛ bɛlbwa toole o habɔɔ kpa.” Hé na chɔɡa waa chɔɡa, ásɛ kpɔɡ bini ola kpɔ bela berɛ a chɔɔbɔra. Nɛra báa teŋe baa kaa bwa ɛɛ mamɔɔ dɛɛ for nɔɔra.

2 Tesalonika 2:4

Wɛɛ ɛ o tenee dɛ́ ɡwaa komɛlbwa nɛra aa dɛ toma dɛɛ yera ba dɔɔranar, hale wɛɛ kpɔ Korowii Dea berɛ sobɔr dɛ́ ŋɔ onee Korowii.

Sitɔɔla 18:27

Asɛ ba kpɔ kwaa Maeka aa ɛa la ne o sɔfo la kaa Lais harɛ ta, dɛ yo nɛra ba fe aa soɡe deŋnesɔɔhna ta, baa wola lii kɛ wobɛlbwa ɛɛ puu baa la, dɛ fuh ba bwɛɛ la.

Sitɔɔla 18:7

Anomanta, baala banue la leɔ dɛ kaa Lais harɛ. Belaa ba ka na kɛŋɔ bela nɛra la soɡe deŋnesɔɔhna ta kɛŋɔ Sidon tena ken, dɛ so kɛrɛdɛ, dɛɛ lii kɛŋɔ wobɛlbwa aa ban pu. Komɛlbwa lɔ ba harɛ la ta, ba dɔ ba te. Ba ne Sidon tena baah jaŋne, ba ne nomɛlbwa aa chamene di.