Aesaya 47:7 - mzwDBL

⁷ He fa ŋɔ hɛɛ teŋɔɔ dɛ ɛ haŋkooro saŋ bɛlbwa dɛɛ la, anomanta, he ta ɡɛ we-ɛɛla nɔ kpɔe do he liire bini, a ba ɛ kɛŋɔ hɛɛ lii ɡɛ aa dɛ ba he chiɡa.

Aesaya 47:7 ပူးပေါင်းရင်းမြစ်များ

Kaala 7:23

O berɔ kaa o koodem, dɛ ka laa o liire kpɔ waa waa naa la bwa ta.

Aesaya 42:25

A waa o ɡel o bandia waa kana kohona ba ba nɛ, dɛ ɡel ba na waa laa ta. A do kɛ o mar nii bar Israel harɛ ken, kɛ ba ta kpɔe do ba nyu bini. Nii la nyaa ba, kɛ ba ta wobɛlbwa ɡe hwele dɛ le a ta.

Aesaya 47:5

Korowii ŋɔ, “Babelɔn haa do kɛŋɔ bitolo, so harɛ biro ta jeiih ken. Baa hen harɛ nɔ ta bwa bwɛɛre haŋkooroo yerɛ kpa!

Aesaya 57:1

Nɛra ba wa aa toɡra dɛ́ serewe, dɛ nomɛlbwa waane laa, hale nomɛlbwa aa a mun jemɛ. Ba serewaa, wenaale bɛlbwa aa ba nɛɛ ba kpa.

Aesaya 57:11

Korowii ŋɔ, “Bɔkwa tenee voɡa hɛɛ ɔma kohona dɛ le n habɔɔ, dɛ soh n waa kwaraa ɡɛ nɔɔ? Maa mwaa he bwa ne saŋ la bwa, waa ɡela haa wola men ɔmɛ nɔ kɛɛ?

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Wiile 1:9

Bɛlbwa na wechɔɡa waa ɛa dɛ kpɔ doŋa kah o te, o ta waa aa dɛ ba o nɛɛ chiɡa kerekere waa liire. O chola waa chola la ɔma kohona, nomɛlbwa toole dɛ́ larawe o bwara. O ŋɔ, “N Naa Korowii, sune n nɛ, dɛkalkɛ n dɔma pɔ n nɛ, dɛ kpɔ wenaale ba ta n nɛ.”

Ɛsekeɛl 28:2

“Nɛwɛnyini bie, bol Taaya kooro be ŋɔ men Nemenɛ Korowii ŋɔ, ‘He dɛ ɡɔɔ he te dɛ ŋɔ he ɛ voɡ, he dɛ so voɡ kara ta mpo bare cheme. Kɛ nɛwɛnyinii hen, he ta voɡ ɛɛ, he dɛ lii kɛ he ne voɡ wejema kɛrɛdɛ.

Ɛsekeɛl 29:3

Ŋɔ o be ŋɔ men Nemenɛ Korowii ŋɔ, ‘Ijipt kooro, n ne he dɔɔ, he do kɛŋɔ lɛŋɔ damanta dɛ do he nenabɔɔne ta. He ŋɔ Nael Moo ɛ he kon, he ɡbabirii ɛo.

Ɛsekeɛl 7:2

“Nɛwɛnyini bie, Israel tena harɛ la dɛ ba chɔɡa. O bwa ɛɛ chɔɡo kwaraa.

Daneɛl 4:29

Korobie fi dɛ anɛ habɔɔ, dɛ Kooro Nebukadnesa dɛ valɛ Babelɔn koodem saldoa.

Daneɛl 4:4

Dɛ men Kooro Nebukadnesa soɡe n dem deŋnesɔɔhna ta, dɛ dɔ kondɔɔh kohona, n bwara sɔɔh mɛ koodem.

Mmarare 32:29

Dɛ he ɛ wejerema dɛɛ no waa mun aa, he fe jemɛ ɡɛ aa ɛa ɡɛ waa nɔ ba he nɛ.

Wepila 18:7

Gɛ o fa aa kpɔ o te ɛ nɛnjen dɛɛ di o nyu ɡa la, hé ɡel o na hɔhɔrɔwa dɛ́ di suna ɡe kɛrɛdɛ. O dɛ lii o nyu bini ŋɔ onee haŋkooro, o jaa ta sewɛ, o tea bini aa chɔɡ bwa.