6 N baah fa di n nɛra Israel tena nɛ, n tɛr ba deŋne kɛŋɔ n nɛra laa ban ken, dɛ kpɔ ba do hen Babelɔn nɔn ta. He ta ba nɛɛ sune, hale banɔ la baa hwɛɛhra kwaraa la, he do ba hɔhɔrɔwa.
Dɛ Korowii keame Ɔdɛd lɔ Samaria bela. O iro dɛ la ka cheme laa tena la ɡɛ saŋ baa ba Samaria la. O ŋɔ ba be ŋɔ, “Korowii he naawa aa tomɔ la baah di Juda tena nɛɛ waa o ɡel he yoo ba dɛ pɔ ba nɛɛ la. Kɛ he berɔ kpoo ba warɛ kohona to.
Anomanta, Korowii ɡelɔ Babelɔn Kooro Nebukadnesa ba yoo ba, dɛ kpo bonɔmbie baa lɔ Korowii Dea keri ne. Ba ta bonɔɔ kɛɛ tolo, banjena kɛɛ nomɛlbwa waa hwɛɛhra ɡelɛ. O kpɔ ba bwa do Kooro Nebukadnesa nɔn ta.
Nɛra baa kaa waa wola ban kpoorɛ la, o laɡ ba kaa bojaŋ harɛ Babelɔn, ba kaa tomɛ o ne o bii dɛ ka tel kɛŋɔ harɛ bɛl baa dɛ yerɔ Pɛɛsea aa baa ir dɛɛ di kpeɡri.
Kɛ ya naanar aa ir Korowii Waa Dɛ Di Kora Nyundua bandia nomanta, o kpɔ ba do Kooro Nebukadnesa waa ɛ Babelɔn kooro nɔn ta. Kooro Nebukadnesa chɔɡ o Dea la, dɛ lawɛ nɛra la kaa bojaŋ harɛ Babelɔn.
Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.
Anomanta, mɛɛ le he sɔforee le ba toma ta Korowii Dea sihiih kpo ba. Mɛɛ kpɔ Israel tenaa do ba dɔma nɔn ta bá chɔɡ ba, ba tama baa ka ɡe, bá ɛɛ ba nɛnhɛla.”
Ba kpoŋe tori ne lampeare, ba nyu bini kpeɡri baa wola nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo nehɛma aa dɛ ta ken. Ba kpɔ ba te dɛɛ ba ba yo Babelɔn tena.
Ba no n wii maa dɛ wii, kɛ nomɛlbwa toole dɛ́ ba larawe n bwara. N dɔma bwa no n wenaale wa, asɛ ba sie lɛ kɛ haa kpɔa ba ta n nɛ. Gel tɔpere bɛl haa baɡɛ nyoa o waa la ba, ásɛ ba ɡe bwara nyɛɡ kɛ n kwaa nɔ.
o dɛ ba o Dea haa dɛ ɛ mbarafo dɛɛ maŋkura he te o waa la chɔɡa. O wer he sie ta hɛɛ nyinu. Wɛɛ ɡeloo ba kpoo he bibaala ne bihaahna haa ɡel ba habɔɔ Jerusalam la laa ta.
He sie fa beɡrɔ hɛɛ di bona, a che a ta he ɛ naɡrenyini, dɛ ɛ wechɔɡa. Asɛ n doŋi le n bwejen waa do ɡoroŋ la ta, dɛ ɡel Kerob la waa dɛ daahne la le he ne bwea aa dɛ nyɛɡle la baah ta.
Ate, Korowii nyundua torome la ŋɔ, ‘Koronar Bwa Kooro, bene fifraanuanɛɛ nɔ he baah aa di Jerusalam ne Juda bwɛjena tena nɛ. Saŋ besoo hɛɛ ba ba sum nae yɔ?’
kɛ n baah di harɛre a nɛra aa dɛ lii kɛŋɔ ba soɡe deŋnesɔɔhna ta la nɛɛ kohona. Dɛ n fe dɛ na n nɛra sum, kɛ ɡɛ harɛre la nɛra ɡelɔ n nɛra wahala ɡwaa kohona.