Aesaya 47:14 - mzwDBL

¹⁴ Na, ba do kɛŋɔ kpɔɡhole, nii ɛɛ fuuh baa. Hale baa won lɛ ba te le ninlao la ta kwara. Gɛ nii la ta doe kɛŋɔ nii haa won la a jwɛɛh ka ŋwee.

Aesaya 47:14 ပူးပေါင်းရင်းမြစ်များ

Kaala 5:12

Asɛ ba lɔ jo Ijipt harɛ ta bwa dɛ ka nyin kpɔɡa la.

Aesaya 10:17

Korowii waa do kɛ kandea dɛɛ chaah Israel tena, wɛɛ berɛ niinii dɛɛ chɔɡ kwa. Korowii Waa Do Goroŋ Israel tena ɛɛ tomɔ la, ɛɛ berɛ ninlawee, dɛ́ fuh komɛlbwa tɔpebeŋkpoŋ, hale sɔɔhne ne jabalnadaŋɛ bwa.

Aesaya 30:14

Wɛɛ paɡroo kɛŋɔ vimamaa vii yon paɡre, dɛ́ peɡri burbur la ken, o kaŋli aa wola kanee do kɛ ba kpɔ buh nii, kɛɛ ba kpɔ ɛ nee la.”

Aesaya 33:14

Wechɔɡ-ɛɛra baa lɔ Jerusalam dɛ ɔmɛ, nɛra baa wola Korowii tomɛ la bwara dɛ sa. Ba ŋɔ, “Ya bini umee dɛ won so nii aa dɛ hɔ aa wola dime, dɛɛ chɔɡ kwaa nɔ jwɛh ɔ?”

Aesaya 40:24

Ba do kɛŋɔ kwaa baa dua, kɛɛ kwaa baa mera, a pa mun dɛɛ dɔ lune, asɛ Korowii ɡel peu ta a ta a hol, asɛ kawulewule kpɔa kaa kɛŋɔ haahra ken.

Aesaya 41:2

Umee le nɛn le wee leebɔr ɔ? Umee tɛo kpeɡri o won yo lɛ harɛre dɛ pɔ a koranar nɛɔ? O kpɔ o tokobi dɛ kpoo ba, dɛ kpɔ o to ne hɛma ba peɡre, kɛŋɔ peu aa taa dɛ kpɔ tutuɡ ne haahra kaa la.

Aesaya 44:16

O kpɔ daa la ane dɛɛ mar nii, dɛɛ wɔɔ ola kɛɛ dɛ daala dɛɛ chwe. O yon ŋwee nii la dɛ ŋɔ, “N bwara wɔrɔbɔ.”

Aesaya 5:24

Anomanta, ɡɛ ninlao yon piɡri lawɛ jaaɡesɛɛh dɛ́ fuah, kɛɛ dɛ yon fuh kpɔɡhola la, ɡɛɛ he ɡe ɛɛ ba tona kɛŋɔ kpɔɡa lune yon pɔh a fee ɡe hol, peu kpɔa kaa kɛŋɔ tutuɡ ken, dɛkalkɛ he vɛh Nemenɛ Korowii Mmara la, dɛ lii Israel Nɛŋɡoroŋ waa waa kpɔa baɡle heyaa la wepuu.

Jeremia 51:30

Babelɔn laa tena ɡel yoi dɛ ka so ba dekpeɡa bini. Ba bokpeɡa tonɔ ba do kɛŋɔ haahna ken. Ba kuuɡi bune baa kpɔa dɛɛ kaɡre ba doonyojena bwa, dɛ kpaa nii do ba deene ta.

Jeremia 51:32

Dɔma tɔ leebɔɔne dɛ kpaa nii do ba dekpeɡa ta, asɛ ɔmee chole Babelɔn laa tena nɛɛ kohona.”

Jeremia 51:58

Koranar Bwa Kooro bolɔ ŋɔ, “Babelɔn danjwɛkpeɡ la dɛ́ ba kuuɡa chɔ harɛ, ásɛ nii le o doonyojena ta. O nɛra koeh baa koah ɛ pɛɛ, ásɛ nii le a bwa ta á fuh.”

Ɛsekeɛl 15:7

Mɛɛ tɛr ba deŋnee. Ba le nii ane nyoa te, nii la ɛɛ berɔ fuuh ba. Maa ba tɛr ba deŋne la, anee he jemɛ kɛŋɔ menee Korowii.

Joel 2:5

A ɡbɔɡa do kɛŋɔ torɔɡore sii ken, dɛ ɡah dɛɛ ɡale bwejena, a kena ɛɛ si kɛŋɔ nii aa dɛ fuh kpɔɡ ɛɛ parame la. A do kɛŋɔ laa tena baa kpeɡa kohona, dɛ kpɔ ba te dɛɛ la ka yo laa ken.

Obadia 1:18

Jekɔb ne Josef nɛra ɛɛ doo kɛŋɔ nii, dɛ́ chɔɡ Esɔ dea bii ɡɛ nii yon dɛɛ fuh haahra la. Esɔ naanar bini bɛlbwa aa kae ba. Men Korowiirii bola.

Neehum 1:10

He sennyɔɔra, nii ɛɛ fuh heyaa kɛŋɔ sɔɔhne aa kaɡre dawii baah ken.

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.

Matiu 16:26

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ? Bɔkwaa nɛwɛnyini ɛɛ ba wona kpɔ dɛ́ charɛ o nyu ɔ?

Wepila 18:21

Belaa nyundua torome bokpeɡa te bɛl ɡɔɔ bwe bɛl waa do kan kɛŋɔ nambwejen, dɛ kpɔ ta mpo ta, dɛ ŋɔ, “Kenii baa ba bwɛjen Babelɔn la kpɔe dɛ́ ta kpeɡri nɛɛ baa wola on na kpa bwa.