Aesaya 47:12 - mzwDBL

¹² Anomanta, ir nyu ne, dɛ́ do sie he kaberere ne he dobodobo we-ɛɛla aa wara he le a ne bechale saŋ, dɛɛ ɛa la. A ken ɛɛ won ɛ waane, he ken ɛɛ won kpɔ aah he dɔma.

Aesaya 47:12 ပူးပေါင်းရင်းမြစ်များ

Yela 129:1

N bonɔɔne saŋ bwaa ba le fiɡ mɛ kohona. Israel tena, hé chaŋe ŋɔ,

Kaala 7:11

Ijipt kooro yerɛ Ijipt wejerema ne dobodobo tena cheme, asɛ dobodobo tena ɡe ɛ ba wa.

Kaala 8:7

Dobodobo tena la ɡe ɛ ba we-ɛɛla dɛ ɡel sapone ba harɛ la ta.

Kaala 9:11

Anɔ te la, dobodobo tena la ta wone ba che Mosis sie kpa, dɛkalkɛ dɛ ɔɡra la ɔɡre ba ne ba bwɛɛ la tena bwa.

Aesaya 19:3

Ijipt tena hwɛɡa bwa ɛɛ tonɔɔ, ásɛ ba maɡla baa maɡla bil bwa ɛ pɛɛpɛɛ, bá kaa bɔɔ voɡa ne lala ne ba voɡra ne ba bebeela.

Aesaya 44:25

Menee ɡela keame nyosonteŋna waa ɛ nyosone, dɛ ɡel voɡra waa ɛ ɡɛnewa, dɛ won beɡre harɛ nɔ ta wejerema wejema, a ɛ wesale.

Aesaya 8:19

Nɛra ŋɔ he be ŋɔ hé la voɡra baa dɛ bol waa woroworo ne ajɔsaara be dɛ́ ka jemɛ waane bini naa, dɛ a dɔ mun aa? Bɔkwa waa chɛ kɛŋɔ yá ka bɔɔ lala dɛ́ jemɛ weera waa bini nɔ? Korowii yaa dɛ tomɔ laa chɛ kɛŋɔ yá kpɔ ya waa dɛɛ bil o sie naa?

Jeremia 2:28

Leperaa voɡare he ɡbabir aa ɛa la dɔɔ? Dɛ waane pu heyaa aa, hé yera, dɛ aa won ba lɛ heya aa! Juda tena, he voɡare warɔ kɛŋɔ he bwɛjena.

Ɛsekeɛl 21:26

Men Nemenɛ Korowii dɛ ŋɔ he be ŋɔ hé laa he kooɡbɛrɛ la pili dɛ́ laa yal haa kpɔa vɔwɛ nyu la kpɔ. Wobɛlbwa aa ɡɛ aa doa laanee do kpa. Dansaara ɛɛ di koraa, ásɛ koranar berɛ dansaara.

Daneɛl 2:11

Waa kooro aa dɛ bɔɔ la kpeɡri kohona to. Nomɛlbwa toole dɛ́ won pili a bini tɛ kooro nemenɛ voɡa, a ɡɛ voɡa la ɡe toole harɛ nɔ ta.”

Daneɛl 2:2

Anomanta, o ɡelɔ ba ka yerɛ dobodobo tena, ne nɛra baa dɛ ɛ sɔmwe-ɛɛla, ne voɡra dɛ wejerema baa jemɛ weweela waa ŋɔ bá ba baɡlo deera la mun. Baa ba o be la,

Daneɛl 5:15

Ba ba nɛra baa dɔ wejema ne nɛra baa dɛ ɛ sɔmwe-ɛɛla ne n be ŋɔ, bá kure kwaa baa chwera dawɛ bonɔ nɔ, dɛ́ baɡ mɛ a mun, kɛ ba ta wone baɡle a mun.

Maeka 3:7

Nɛra baa dɛ na waa chaahna ta, ne voɡra bwa dɛ ba sihiih dii. Ba bwa ɛɛ kpɔ nɔɔraa tɔ sie, dɛkalkɛ Korowii aa ban chaŋe.”

Neehum 3:4

A bwa cheɡɛ Niniwe tena baa do kɛ hanjwamane la pɛlchɔɡa ta. Ba cheɡɛ voɡra nɛɛ dɛ ɡel nɛra pɛla do ba nɛ. Ba kpɔ jwamane ŋwɛnɛ ta dɛ lawɛ harɛre nɛra kɛrɛdɛ yoma, ne sɔm ŋwɛnɛ ta, dɛ lawɛ nɛra bane ɡe.

Nɛra Kura 22:25

Keeɡo la na Korowii nyundua torome la ja, dɛ kpɔ o te ka pɛl danjwɛɛ la, anee Balam nakpala seeɡe danjwɛɛ la. O berɛ lɔ keeɡo la ja.

Wepila 9:21

Ba ta ba liire charɛ ba nɛŋkpoa ne sɔm we-ɛɛla ne jwamane ne ŋwɛɛ ta.