Aesaya 46:9 - mzwDBL

⁹ Hé lii waa aa chiɡa saŋ la. N ɡboo Korowii, n dɔŋ toole.

Aesaya 46:9 ပူးပေါင်းရင်းမြစ်များ

Job Tɔn 10:13

Kɛ n nao kɛŋɔ anɔ bwa lɔ he bini, asɛ n jemɛ kɛŋɔ ɡɛɛ lɔ he nyu bini.

Yela 111:4

O ɡelɔ yaa lii nyokpowaa waa ɛa, Korowii dɔ tedoma tɛ yaa dɛɛ na ya sum.

Kaala 15:11

N Naa Korowii, voɡ bisoo do kɛ hen ɔ? He do ɡoroŋ ɡa, he jirima do kan kohona. Umee won nyokpowaa ɛɛ kɛ he nɔ?

Kaala 8:10

Asɛ Ijipt kooro chaŋo ŋɔ, “Soŋe tɛ mɛ kere.” Anee Mosis ŋɔ, “N noɔ, mɛɛ ɛ ɡɛ haa ŋɔa nɔɔ, ásɛ he jemɛ kɛŋɔ Korowii yaa dɛ tomɔ nɔ dɔŋ toole.

Kaala 9:14

A laa ɡe aa, mɛɛ tɛr he ne he nomonome ne he nɛra deŋnee á ɡwaa kohona, ásɛ he jemɛ kɛŋɔ nomɛlbwa toole dɛ do kɛŋɔ men harɛ nɔ bwa ta.

Aesaya 41:26

He bini ume voɡee bola bil wubwa kɛŋɔ waa nɔ ɛɛ chiɡuu ásɛ ya jemɛ kɛŋɔ o dɛ bol kasinteŋ ɔ? Voɡ bɛlbwa toole dɛ bol ɡɛ waa nɔ. Nomɛlbwa ta an noɛ le he be bwa.

Aesaya 41:27

Men Korowiirii tɔ sie bol amanesoma la Jerusalam tena be. Men tomɛ torome ŋɔ ó ka bol ba be.

Aesaya 42:9

Na, webena maa bol a waa la chiɡo, asɛ mɛɛ bol anfala wa. N ɡelɔ hɛɛ no a waa mɔɔ a chiɡ.”

Aesaya 43:10

Korowii ŋɔ, “Israel tena, heyaa n danseɛre, n le heyaa kɛŋɔ n bonɔɔna ásɛ he jem mɛ dɛ́ yarada mɛ dɛ́ no a mun kɛŋɔ n ɡboo lole. N sie, Dɔɔ bɛlbwa toole, á ba ɛ kɛŋɔ n habɔɔ bɛl ta dɛ ba bala.

Aesaya 45:14

Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Aesaya 45:18

Korowiirii ta nyundua onee Korowii, dɛ berɛ ta harɛ ɡe o che kiŋkiŋ. O ta harɛ tae o chɔ pɛɛpɛɛ, kɛ o tao ŋɔ nɛra so o ta. O ŋɔ, “Menee Korowii, Dɔɔ bɛlbwa toole kpa.

Aesaya 46:5

Umee hɛɛ ba men kpɔe maɡɔɔ? Umee do kɛ men ɔ?

Aesaya 48:3

Fini laa n le dɛ bol waa aa ɛa. N bola biɡri asɛ he jemɛ, buɡ la taa n den ɡel a ɛ.

Aesaya 65:17

Korowii ŋɔ, “Mɛɛ ta nyundufale ne harɛfalee. Haa webena a fa aa lole la waa lii kpa bwa.

Jeremia 49:19

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Edom tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

Jeremia 50:44

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Babelɔn tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

Jeremia 6:16

Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’

Joel 2:27

Anee dɛ́ ɡel he jemɛ kɛ n ja he nɛɛ Israel harɛ, menee Korowii haa dɛ tom mɛ, nomɛlbwa toole kpa. Sihiih aa n nɛraa kpo bwa.”

1 Kɔrent 8:6

Kɛ ya te be, Korowii lɔ beŋkpoŋ. Onee N Naa Korowii waa ta komɛlbwa, asɛ ya do le dɛɛ tomɔ la. Ya Dɔɔ ɡe lɔ beŋkpoŋ. Onee ya Dɔɔ Yeesu Kristo. O nɛɛ Korowii che dɛ ta komɛlbwa, asɛ ya ɡe che o nɛɛ dɛ dɔ mkpa.

Mmarare 32:7

Hé lii fafa la, nɛra baa lole ɡɛ saŋ la. Hé bɔɔ he nɛmbena ba baɡle waa aa chiɡa. Hé bɔɔ ba bá baɡle saŋ la waa he be.

Mmarare 33:26

O ŋɔ Israel tena be ŋɔ, ‘Nomɛlbwa toole dɛ do kɛŋɔ Korowii haa dɛ tomɔ nɔ. O lɔ nyundua kohona dɛ che o kpeɡri ta bol dɛɛ tɛ heya. O cheɡɛ baama ta dɛ baa cha heya.