Aesaya 46:6 - mzwDBL

⁶ Bane fuɡe suuɡaswɛm ne suuɡapoŋa le pure bini, dɛ kpɔa dawɛ kon baa kpɔa dɛɛ kari kwaa ta. Ba kpɔa tɛ nɛn waa dɔ suuɡaswɛm kpɔe dɛ ɛ kwaa wejema o kpɔ kwaa voɡ, asɛ ba ɡuŋi dɛɛ tomɔ.

Aesaya 46:6 ပူးပေါင်းရင်းမြစ်များ

1 Koranar 12:28

O ja o te, dɛ kpɔ suuɡaswɛm ɛ nabali anɛ. Dɛ ŋɔ Israel tena la be ŋɔ, “He bɛ he te koh dɛɛ la Jerusalam kpa. He voɡa aa cha heyaa he won le Ijipt harɛ ta he naawa bere saŋ ba laanee la.”

Yela 115:7

A dɔ nɔɔra, aa won kpɔ ɛ wobɛlbwa, dɛ dɔ nakpale, aa won valɛ, aa won do ɡbɔɡa bɛlbwa ɡe.

Kaala 32:8

Ba charɛ ba liire warane dɛ le waa maa do ba a ta la ta. Ba kpɔ suuɡaswɛm ɛ nabale dɛɛ ɡuŋu, dɛ kpoo koŋkwaa ɛ saraha dɛɛ tɛo, dɛ ŋɔ yabala Israel tena, voɡ waa tɔ ya sie dɛ kpɔ yaa le Ijipt harɛ laanee la.”

Aesaya 2:8

Voɡa ɡboo ba harɛ la ta bwa. Kwaa ba ɡbabir aa ɛa laanee baa tomɛ. Ba dɛ ɡuŋi kwaa ba ɡbaɡba aa kpɔ nɔɔra ɛa.

Aesaya 30:22

Haa he voɡa haa kpɔ suuɡapoŋ ne suuɡaswɛm ɛ a bwara, laanee kpɔ ɛ wobɛlbwa kpa, dɛ́ kpɔa ka ta kɛŋɔ yakwara aa wola were ken, dɛ́ ŋɔ a be ŋɔ, “Hé le ya sie.”

Aesaya 45:20

Korowii ŋɔ, “Harɛre nɛra haa chwaa le laa ta kaa la, hé berɛ ba. Nɛra baa kpɔ daa berɛ voɡa dɛ kpoŋa dɛɛ valɛ la aa waane jemɛ. Ba kpɔ wesoŋa dɛɛ bil voɡa aa wola won lɛɛ ba sie.

Jeremia 10:14

Nomɛlbwa ta liire dɔe, ba ɡɛnɔ, sihiih kpo nɛn waa kpɔ suuɡaswɛm kwaa o voɡare la. Kwaa waa ɛa la bwa ɛ nyosone, a ta hweera dɔe.

Jeremia 10:9

Ba yon kpɔ suuɡapoŋa le bwɛjen Taases ne suuɡaswɛm le bwɛjen Ufas ta, dɛ baa ɛ ba voɡare bwara. Nɛra baa dɔ kwaa sɛɛh, ne suuɡaswɛm dɛ yale sɔeh wejema ɡe, yon kpɔ yaburum ne yakɔl ɛ a bwara.

Jeremia 50:38

Hwél che ba harɛ ta, ásɛ o neerare bwa hweeh. Voɡa aa lɔ harɛ la ta warɔ, a kpɔ ɔmee kohona ba ta harɛ la nɛra nɛɛ ba ɡɛn.

Daneɛl 3:1

A habɔɔ la, Kooro Nebukadnesa ɡelɔ ba kpɔ suuɡaswɛm kwaa voɡ, o jaŋne dɛ́ kaa nyundua lɔ naɡale fifraanuanaarɛ, asɛ o paɡri lɔ naɡale anuanaarɛ. Asɛ dɛ ka cheɡo Babelɔn deŋɡarere dor harɛ ta bobɛl waa chɔa kaa baa yerɛ bela Dura.

Hosia 13:2

Ba ta teŋɔ dɛɛ ɛ wechɔɡa kohona, ba kpɔ ba suuɡapoŋa dɛɛ ɛ voɡa, ba ɛa a do wer kɛrɛdɛ, a bwa ɛ kwaa nɛra baa dɔ a wejema aa ɛa. Ba bol ɡɛ nɛra nɔ waa ŋɔ, “Ba kpoo nɛra dɛɛ ɛ saraha, dɛɛ mo voɡ baa ɛo kɛŋɔ nabale la lwɛɛma.”

We-ɛɛla 17:29

Korowii biirii yan, anomanta, ya bɛ on kpɔ maɡɛ suuɡaswɛm ne suuɡapoŋ ne bwea koŋkwaare nɛwɛnyini ɡbaɡba aa kpɔ ba liire maa la.