Aesaya 46:13 - mzwDBL

¹³ N dɛ ba n waa aa toɡra ne. A toole bojaŋ, aa biɡri kwaraa. Mɛɛ lɛ Jerusalam tenaa, dɛ́ ɡel ba dɔ n jirima.”

Aesaya 46:13 ပူးပေါင်းရင်းမြစ်များ

Aesaya 62:11

Korowii bol waa nɛra baa lɔ harɛ jaɡa bwa be ŋɔ, “Saayɔn tena, he na ɡɛ he Lɛɛ aa dɛ ba! O kpoŋe o kembɔr, o ne nɛra waa lɛɛ ba dɛɛ ba.”

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Aesaya 51:5

Mɛɛ bao warane, dɛ́ ba lɛɛ ba, ba lɛɛ tɔpere aa jaŋɛ kwara. N ɡbabirii dɛ nyiŋi harɛre nɛra nɛɛ dɛ́ ɡel ba jemɛ n kasinteŋ la. Bojaŋa harɛre nɛra bwa ɛɛ dɔ hwɛɡaa, dɛɛ nyiŋi lɛɛ maa dɛ ba ba lɛɛ la ŋwɛnɛ.

Aesaya 44:23

Kwaa aa lɔ nyundua, hé ɡo silɛɛ yela. Komɛlbwa aa lɔ harɛ ta ɡe, hé ɡo hɛɡra yela, hale bwejena ne kɔr bini daa bwa. Dɛkalkɛŋɔ Korowii lɛ Israel tena, dɛ baɡle o jirima waa dɔa.

Aesaya 43:7

ba ɛ n nɛra, menee ta ba, ba kpɔ jirima dɛɛ tɛ mɛ.”

1 Pita 2:6

Ba chwerɛ Korowii Tɔn bini ŋɔ, “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn o lawɔ kpoŋe kiŋkiŋ. Nomɛlbwa waa dɛ yaradao la, waa sihiih di bwa.”

2 Tesalonika 1:10

Awola waa ba o tɔpejen la ta ásɛ o nɛra tɛo duure la, nɛra baa yaradao la bwa ɛɛ nao dɛ́ kpɛɛro. He ɡba jao, dɛkalkɛŋɔ ya fa aa baɡle heyaa o waa la, he noɔ dɛ teŋɛ a ta.

Habakuk 2:3

Tɔpere bɛl ta dɛ ba ásɛ waa maa pili a bini baɡle la tel. A dɛ baɡle ɡɛ waa bwa jaɡa saŋ aa dɛ ba doe. A ɛ kasinteŋ. Hale a biɡro kwaraa naa, hé so kpaa. Kasinteŋ, aa bao. Aa biɡri bɛlbwa.

Joel 3:17

“Anee dɛɛ ba ɡela he jemɛ kɛŋɔ men Korowii haa dɛ tom mɛ, n soɡe n Saayɔn Bwejen waa do ɡoroŋ la ta. Jerusalam ɛ bwɛjen maa lea cheɡ o do ɡoroŋ, nɛŋhɔɔhra aa won ba yo dɛ́ pɔ n nɛra nɛɛ kpa.

Aesaya 61:11

Gɛ konduuli yon pere harɛ dɛ le, dɛ kpeɡ la, ɡɛɛ Nemenɛ Korowii ɛɛ ba o nɛra lɛɛ, ásɛ harɛre nɛra bwa kpɛɛro.

Hibru 10:37

Anee Korowii Tɔn baɡle la. “A ka tamaa ken ásɛ naate waa dɛ ba bala la ba. Waa biɡra ba.

2 Tesalonika 1:12

Ya dɛ soŋe Korowii ɡɛ, ásɛ ya Dɔɔ Yeesu sɔn won dɔ jirima dɛ́ le he we-ɛɛla ta, ásɛ he ɡe ɡba won dɔ jirima dɛ́ le o be. N Naa Korowii ne ya Dɔɔ Yeesu Kristo suna waa dɛ sune ya nɛɛ dɛɛ cha yaa la nomanta, á bwa won ɛ ɡɛ.

Ɛfesos 1:6

O Binyini la waa o sune ya nɛɛ dɛ ta tea dɛ cha yaa ɡɛ, ásɛ nɛra won kpɛɛro ya sum waa dɛ na kohona la wa.

Tɔn Pɔɔl Aa Chwerɛ Rom Tena 1:17

Yeesu Amanesoma laanee dɛɛ baɡle ɡɛ Korowii aa dɛ nyin kɛŋɔ nɛwɛnyini do ásɛ ya waa su o siwi. Le waa la mumpar ka tel a jaɡa bwa, o waa yaradae waa ɡboo a bwa. Korowii Tɔn baɡlɔ kɛŋɔ, “Naate o wa aa toɡra dɛ su Korowii siwi la, wɛɛ yaradao dɛ́ dɔ o nyu.”

Amanesoma Jɔn Aa Chwera Tɔn 17:10

N komɛlbwa ɛ he kon, asɛ he ɡe komɛlbwa ɛ n kon. Ba waa n dɔ jirima.

Haɡae 1:8

Hé teeh bwejena, dɛ́ la ka teŋni dadɛɛɡa ba kwaa do n Dea, ásɛ a do n som baa tom mɛ o bini ń dɔ jirima.

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Aesaya 28:16

Waa Nemenɛ Korowii aa dɛ bolee nɔ. “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn, o lawɔ kpoŋe kiŋkiŋ.

Yela 46:5

Korowii lɔ bwɛjen la ta, waa won chɔɡ, Korowii ɛɛ bao bɔr chaahna saŋ, dɛ́ ba cha ba.

Yela 46:1

Korowiirii ya chwa kaa marɛ wɛɛ tɛ yaa bokpeɡa ya wenaale bwa ta, o ja ya nɛ.

Yela 14:7

N dɛ soŋe Korowii waa lɔ Saayɔn kohona, kɛ o ba lɛ Israel tena! Dɛ Korowii ɡelɔ Israel tena dɔ ba te ja aa, ba sie ɛɛ lɛo kohona ba hɛɡre!

Yela 85:9

Kasinteŋ, nomɛlbwa waa dɛ tomɔ la, wɛɛ lɛo, ásɛ o jirima do ya harɛ nɔ ta.

Aesaya 54:17

Dɔmkon bɛlbwa toole bá won kpɔ che he nɛɛ á maɡre. Nomɛlbwa waa kpɔ waa dawɛ he nɛɛ la, wɛɛ di bolchɔɡee. Mɛɛ che n bonɔɔna habɔɔ, bá di bole ba dɔma nɛ. Men Korowiirii bola.”

Aesaya 56:1

Korowii ŋɔ o nɛra be ŋɔ, “Hɛɛ bol waa aŋwɛnɛ ta dɛɛ ɛ waa aa toɡra. Lɛɛ maa dɛ ba ba lɛ heyaa la telo. Nɛra ɛɛ nao ɡɛ n waa aa toɡra.

Aesaya 62:1

Mɛɛ bol waa dɛ do Saayɔn tena ɡbemba. Jerusalam nomanta, maa nyoa tɔ, ka tel kɛŋɔ maa pɔ he nɛra dɔma nɛ. Toɡra baa toɡra la ɛɛ ɡeloo ba dɔ silɛɛ kɛŋɔ, kapɛla aa dɛ hɔ jwaana ken.

Joel 2:32

Ásɛ nomɛlbwa waa wi yerɛ men Korowii la, mɛɛ lɛo. Saayɔn Bwejen ne Jerusalam taa nɛra ɛɛ ba ba nyu dɔe, ɡɛ men Korowii aa bola ŋɔ, ‘Ba bini bane ɛɛ chwao le Jerusalam, kɛ banɔ la maa lee ba tɛ n te la ɛɛ dɔ ba nyuu.’ ”

Maeka 7:9

Ya ɛ wechɔɡa dɛ jo Korowii nɛ, anomanta, a chɛ kɛ yá na o bandia tama mɔɔ. Wɛɛ lɛ yaa dɛ́ le chɔɡre baa kpɔa ɛ yaa la ta. Wɛɛ lawɛ yaa ba bɔchaah ta, ásɛ ya na toɡra o wa aa toɡra.

Yela 85:10

Korowii nyina ne o kasinteŋ do kɛŋɔ nɛra banɛ aa chema ken, asɛ waa aa toɡra ne deŋnesɔɔhna ɡe ɛ beŋkpoŋ.

Aesaya 45:8

Mɛɛ ɡeloo wa aa toɡra le nyundua ba harɛ ta kɛ bwaala ken, ásɛ waa aa wera ne kasinteŋ do le, Men Korowiirii ta a bwa.”

Aesaya 60:9

A ɛ stiimaere aa le bojaŋa dɛ kpɔ n nɛra dɛɛ ba dem. Ba cheɡɛ suuɡapoŋa ne suuɡaswɛm dɛɛ ba, dɛ kpɔ jirima dɛɛ ba ba tɛ men Korowii Israel tena aa dɛ tomɔ, Israel Nɛŋɡoroŋ waa ɡela harɛre nɛra kpɔ duure dɛɛ tɛ o nɛra la.”