Aesaya 46:1 - mzwDBL

¹ Korowii ŋɔ, “Babelɔn tena voɡa Bel ne Nɛbo baa dɛ toma la di sihiih, ba paa dawɛ keeɡore ta a ɛ bontɔɡa a chea dɛɛ koh.

Aesaya 46:1 ပူးပေါင်းရင်းမြစ်များ

Jeremia 51:44

Mɛɛ tɛr voɡ Baal waa lɔ Babelɔn deŋnee, dɛ́ ɡel o uɡe komɛlbwa waa dia. Harɛre nɛra aa berɛ dɛɛ tomɔ dɛ́ kpɔ kwaa baa tɛo kpa. Babelɔn danjwɛɛ bwa dɛ́ ba kuuɡa.

Aesaya 21:9

Na, baa bɛl waa cheɡɛ kon waa do kɛ torɔɡo bini ne jaɡre dɛ ba. Asɛ nɛn waa dɛ daah la ŋɔ, “Bwɛjen Babelɔn paɡrɔ! O paɡrɔ! Voɡare aa lɔ o ta bwa, ba paɡre a bwa burbur ken bil harɛ.”

Jeremia 50:2

“Bol Babelɔn harɛ waa baɡle harɛre nɛra bwa. Ir fraŋkaa, á baɡle waa aa dɛ ba! Bɛ wobɛlbwa kpɔ sɔh, ŋɔ, ‘Babelɔn dɛ́ ba paɡra. Baa paɡre ba voɡ Maadukuu, ásɛ sihiih kpo Babelɔn harɛ voɡa aa ɛ kii kwaa la bwa.’

Jeremia 51:52

Kɛ Korowii ŋɔ, “Tɔpera ane dɛ ba bala ásɛ n chɔɡ Babelɔn harɛ voɡa, ásɛ nɛra baa do ba bola bwa ɛɛ pɛmɛ harɛ la ta.

Jeremia 51:47

Anomanta, saŋ bɛl dɛ ba, ásɛ n chɔɡ voɡa aa lɔ Babelɔn harɛ ta. Sihiih ɛɛ kpo harɛ la nɛra bwaa, ásɛ ba kpoo ba ba serewe chɔ o ta.

Jeremia 10:5

Ba ɛa a do kɛŋɔ yakwane baa saɡa koo, dɛ kpɔ dɛɛ doŋi jumbii la ken, ba voɡare la aa won waa bol. Cheɡaa baa chea, dɛkalkɛ aa won valɛ. He bɛ an dɛɛ ɔmɛ, wobɛlbwa toole á won ɛ, kɛɛ dɛ́ won ɛ wedɛɛɡa ane tɛ heya.”

Aesaya 2:20

Nɛra ɛɛ pa ba voɡa baa kpɔ suuɡapoŋa ne suuɡaswɛm ɛa, dɛɛ toma laanee ta a wola tɔpere, ásɛ a berɛ daŋɡboŋre ne jereme kwa.

1 Samoɛl 5:3

Tɔ aa pera chɔmbibi la, Asdɔd tena nao kɛŋɔ ba voɡ Daɡɔn la cholo o sie pi harɛ Korowii Ne Nɛwɛnyina Fɔo Daka la sie, asɛ ba ka kwaaro pa o buɡ ta.

Kaala 12:12

Awola jwaana la tenten la, mɛɛ valɛ Ijipt harɛ ta bwaa, dɛ́ kpo bibanloɡle bɛlbwa waa ɛ binyoa, ne kondɛɛre bɛlbwa ɡe biloɡle ombal. Mɛɛ chɔɡ voɡa aa lɔ Ijipt harɛ ta bwaa. Menee Korowii.

Matiu 23:4

Ba kpɔ ba mmarare ɛ bontɔɡa, dɛ ɡel nɛra che dɛɛ koh, kɛ ba te ɡbaɡba aa berɛ ɛɛ nyin kɛ bá kpɔ nonii ɡba leɡa, ásɛ a ba ɛ kɛ baa choɡ baa ɡba.

Nɛra Kura 32:38

ne Nɛbo dɛ Baal Meɔn, ba berɔ beɡre ɡɛ sɔna nɔ. Ba kwaarɔ vɔrɔwe Sibma ɡe, dɛ berɛ kwaa pa bwɛjena baa kwaara vɔrɔwe la ɡe sɔna.

Aesaya 2:18

ásɛ voɡa ɡe bwa nyoɡre kwaraa.

Aesaya 30:6

Waa Korowii aa bera kpɔ baɡle Aesaya chaahna ta, a ɛ kpɔɡ bini olchɔɡa waa Nɛɡɛv pua hɛŋle ɡbo harɛ taa nɔ. “Juda tena toroma la vɔrɔwe ba laala dawɛ keeɡore ta, dɛ vɔrɔwe ba kondɔɔh dawɛ nyoɡmare ta, dɛ kpɔ wekpeɡa ne siswɛm harɛ, nyujentena ne domkpule ne harɛkwaare aa dɛ jah aa lole, dɛɛ kaa harɛ la tɔnɔ bɛlbwa aa wola toole o ta la ta.

Aesaya 45:20

Korowii ŋɔ, “Harɛre nɛra haa chwaa le laa ta kaa la, hé berɛ ba. Nɛra baa kpɔ daa berɛ voɡa dɛ kpoŋa dɛɛ valɛ la aa waane jemɛ. Ba kpɔ wesoŋa dɛɛ bil voɡa aa wola won lɛɛ ba sie.

Aesaya 46:7

Ba ɡɔɔro dɛ chwaa, dɛ choɡo cheɡ o chebɔr aa, dɛ o cheɡɔ, waa won tu nakpala. Ba yerɔ waa won sɛh. Waa won lɛɛ ba le ba wahala ɡe ta.

Jeremia 50:38

Hwél che ba harɛ ta, ásɛ o neerare bwa hweeh. Voɡa aa lɔ harɛ la ta warɔ, a kpɔ ɔmee kohona ba ta harɛ la nɛra nɛɛ ba ɡɛn.

Daneɛl 3:14

Anee Kooro Nebukadnesa bɔɔ ba ŋɔ, “A ɛ kpela kɛŋɔ he vɛh n voɡa la ne suuɡaswɛm voɡ maa cheɡo la toma aa?

Daneɛl 11:8

Wɛɛ pa ba voɡa baa loɡa, ne suuɡaswɛm dɛ suuɡapoŋa koŋkwaa a yoɡ aa kpeɡa, dɛ́ kaa a bwa ne Ijipt harɛ. A habɔɔ deŋnesɔɔhna aa ba tama la,

Neehum 1:14

Kenii Korowii bol he Asiiria tena waa bil, “Haa naanaree dɔ dɛ́ kpɔ he sɔna pa ba. Mɛɛ chɔɡ voɡa haa sɛah daa nee, dɛ anɔ la haa loɡa a do he voɡa deene bini la. Mɛɛ kwi he lalbɔɔ bil, dɛkalkɛ he waa ta tɔnɔ bɛlbwa dɔe.”

Job Tɔn 39:11

O bokpeɡa kohona nomanta, hɛɛ kpɔ he tenee dawɛ o nɛ aa? Hɛɛ ɡel he tomkpeɡaa ta o nɛ aa?