Aesaya 45:9 - mzwDBL

⁹ Nɛn o ne Korowii waa tao la aa dɛ yo la, ó bwɛɛlɛ! Naate do kɛŋɔ vii ken. Choh ɛɛ won ŋɔ mamaa be ŋɔ waa o toma jemaa? Vii ɛɛ won bɔɔ mamaa waa aa bala o mao wa aa?

Aesaya 45:9 ပူးပေါင်းရင်းမြစ်များ

Job Tɔn 10:9

Lii kɛŋɔ choh nee he ma mɛ, hɛɛ berɔ chɔɡ mɛ ń berɛ teera aa?

Job Tɔn 33:13

Ɛrɛɛ he bol he waa dɛɛ baɡle Korowii waa wola hen chaŋe nɔɔ?

Job Tɔn 40:2

“Umee hen hɛɛ tɔŋle Men Kpeɡri Bwa Dɔɔ rɔ? Dɛ ɡɛɛ yaa, amɔ te chaŋ mɛ.”

Job Tɔn 9:12

Dɛ o ŋɔ wɛɛ lɛ komɛlee yaa, umee dɛ́ won tɔɔ ŋwɛnɛ ɔ? Umee dɛ́ won ŋɔ o be ŋɔ, ‘Bɔkwaa hɛɛ ɛ nɔɔ?’

Job Tɔn 9:4

Korowii dɔ wejema, dɛ do kpeɡri taeh! Umee dɛ́ won ɛ deŋnekpeɡ o nɛ, á chiɡu kɛrɛdɛ nɔ?

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Wejereme 6:10

Wobɛlbwa aa chiɡa saŋ la dɔ sɔn, asɛ ya jemɛ ɡɛ nɛwɛnyini ɡe aa doa. Ya jemɔ kɛŋɔ nomɛlbwa ne nɛn, waa do kpeɡri ɡwaalo aa won cheme.

Aesaya 10:15

Kpanfɛ ɛɛ won ŋɔ o ɡwaa nɛn waa kpɔɔ dɛɛ teŋe daa aa, kɛɛ saradaa ɛɛ won ŋɔ o ɡwaa naate waa dɛ ɛ o ne toma aa? Guli ɛɛ won ɡɔɔ o te dɛ nɛn laa kpɔɔ waa? Kɛɛ da ɛɛ won ɡɔɔ nɛn aa?

Aesaya 29:16

He berɛ waa sie pi, kɛŋɔ mamaa aa berɛ choh. Kon baa mao la ɛɛ wonoo ŋɔ nɛn waa mao la be ŋɔ, “He laa ma mɛ,” kɛɛ vii ɛɛ wonoo ŋɔ mamaa be ŋɔ, “Haa wobɛlbwa jemɛ” aa?

Aesaya 45:10

Gɛɛ a do, nɛn waa ŋɔ o nya ne o mɛɛ be ŋɔ, “Ɛrɛɛ he lol mɛ dɛ ɡel n do ken?”

Aesaya 64:7

Nomɛlbwa toole dɛɛ soŋe, nomɛlbwa aa nyin kɛŋɔ he chao. He kpɔ he te sɔh yaa, dɛ koh ya wechɔɡa waa dɛ ta yaa.

Aesaya 64:8

N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.

Jeremia 18:6

“Israel tena, maa won ɛ heyaa kɛŋɔ mamaa nɔ aa ɛa nɔ naa? Gɛ choh yon do mamaa nɔn ta la, ɡɛɛ he Israel tena ɡe do n nɔn ta.

Jeremia 36:29

Korowii berɔ ŋɔ ń bol Juda Kooro Jehoiakim be ŋɔ, “He fuh tɔn la, dɛɛ bɔɔ Jeremia ɡɛ aa ɛa o chwerɛ ŋɔ Babelɔn kooro ɛɛ bao ba chɔɡ he harɛ nɔ, dɛ́ kpoo nɛra ne kondɛɛra bwa aa lɔ o ta.

Jeremia 50:24

Babelɔn tena, n harɛ heya bel, he ne ŋɔ he jemɛ dɛ o lawɛ heya, ba nyin he bɔr dɛ lawɛ heya, dɛkalkɛ he vɛh men Korowii waa la noe.

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

1 Kɔrent 10:22

Hei! He dɛ nyin he muɡli ya Dɔɔ baah o mee raa? Ya kpeɡri ɡwaalo wa aa?