Aesaya 45:7 - mzwDBL

⁷ Menee ta bochaah ne biro bwa, menee dɛɛ tɛ bosɔɔhna, dɛ berɛ dɛɛ ba sibeɡra ɡe ne. Men Korowii, menee ɛ anɔ bwa.

Aesaya 45:7 ပူးပေါင်းရင်းမြစ်များ

2 Koranar 19:25

He ta noɛ kɛ saŋ la bwaa n le vɔrɔwa bil kɛɛ? N tɛɛ kpeɡri he ɡel bwɛɛre danjwɛkpeɡa aa bara kuuɡi, dɛ berɛ dimɡbeeni.

Job Tɔn 10:13

Kɛ n nao kɛŋɔ anɔ bwa lɔ he bini, asɛ n jemɛ kɛŋɔ ɡɛɛ lɔ he nyu bini.

Job Tɔn 2:10

Asɛ Job chaŋo ŋɔ, “He dɛ bol ɡɛnewobol. Wedɛɛɡa ɡboo yaa ba dɔe le Korowii be, yaa wola wechɔɡa tenee dɔ aa?” A ɡɛ waa nɔ bwa ta la, o ta waa bolɛ yaɡɛ Korowii bwa.

Job Tɔn 34:29

Kɛ dɛ Korowii helɔ aa, umee dɛ won pwaoh wɔ? O kpɔ sie sɔh aa, umee dɛ nao wɔ? Kɛ o dɛ nyiŋi nɛmbeŋkpoŋ ne nɛra baa lɔ harɛ nɔ ta bwa kɛrɛdɛ,

Yela 105:28

O ɡelɔ biro tenten ba tɔ harɛ la bwa ta, kɛ Ijipt tena ta o waa ta teŋɛ.

Yela 29:11

Korowiirii dɛɛ tɛ o nɛra bokpeɡa, dɛɛ swee ba andɛɛɡa, dɛɛ tɛɛ ba deŋnesɔɔhna.

Yela 74:16

Henee ta bɔchaah ne biro, dɛ kpɔ wee ne korobie cheɡ a chebɔra,

Yela 75:7

Korowiirii bol nɛra waa dɛɛ pa bole. Onee dɛɛ pa boldɛɛɡe, dɛɛ pa bolchɔɡe ɡe.

Yela 8:3

Dɛ n ta sie dɛ nyiŋi nyundua, dɛ lii kwaa haa taa, ne ɡɛ haa kpɔ korobie ne weweela cheɡ a chebɔra aa,

Kaala 14:20

dɛ do Ijipt laa tena ne Israel laa tena baah ta. Awola jwaana la, bam la baa tɔ baŋ bɛl, baŋ bɛl tena do biro ta asɛ bɔr chaah baŋ bɛl tena ɡe be. Anomanta, bɛlbwa ta wone la o dɔŋ be awola jwaana la bwa.

Aesaya 31:2

Kɛ onee wejereme, onee dɛ́ won ba bɔr chɔɡa ne. Waa nentane tae dɛɛ ta harɛ, dɛ berɛ dɛɛ kpɛla. Wɛɛ iruu che wechɔɡ-ɛɛra, ne banɔ la baa dɛ cha wechɔɡa la nɛ.

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Aesaya 44:24

Israel tena, Korowii waa ɛ he Lɛɛ, dɛ ta heyaa la ŋɔ, “Menee Korowii maa ta komɛlbwa. N ɡboo paɡri nyundua kɛŋɔ yal, nomɛlbwa ta n nɛɛ jae n ta harɛ.

Aesaya 47:11

Wekpeɡa ɛɛ pui, he bebee waa bwa aa won sɔɔh a nyoa. Siswɛm waa ɛɛ pui, waa haa wola a waa deere bwa piɡri.

Jeremia 10:16

Kɛ Korowii Israel tena aa dɛ tomɔ la ta do kɛ ban, dɛkalkɛ onee ta komɛlbwa, dɛ le Israel tena tɛ o te, dɛ kpɔ ba ɛ o kapɛrɛ nɛra. Koranar Bwa Kooroo o sɔn.

Jeremia 13:16

Hé tɛ Korowii haa dɛ tomɔ nɔ jirima mɔɔ o ɡel bɔr bir, ásɛ he bɛ naa lɔ deŋɡarere dor. Hé dɛ nyin kɛ bɔr chaah he nɛ, kɛ wɛɛ berɔ ɡel bɔr chaahna la berɛ biro ta he nɛ, dɛ́ bir kpirkpir ken.

Jeremia 31:35

Korowii ŋɔ, “Menee ta wee asɛ wɛɛ chaah webaŋa, dɛ ɡel korobie ne weweela ɡe ɛɛ chaah jwaana. Menee ɡela mpo ir dɛɛ lɔ nehɛma, Koranar Bwa Kooroo n sɔn.

Jeremia 51:20

Korowii ŋɔ, “Babelɔn, he do kɛŋɔ n hamba waa ɛ n dɔmkon mɛɛ la o ne laa. Henee n kpɔ yo harɛre nɛra, dɛ paɡre ba harɛre ne ba koranar.

Wiile 3:38

Nemenɛ Korowii nyoa laa wechɔɡa ne wedɛɛɡa bwa do aa?

Ɛsekeɛl 32:8

Mɛɛ dime kwaa aa lɔ nyundua dɛɛ chaah bwaa, mɛɛ ɡeloo bɔr bir ta he nɛ, he harɛ ta. Men Nemenɛ Korowiirii bola.

Daneɛl 2:22

O dɛ le kwaa aa sɔah baa wola an na ne baŋ, o jemɛ kon waa lɔ biro ta, asɛ nii baro cheme dɛɛ chaah.

Joel 2:2

Bɔr dɛ ba bira a ɡɛ saŋ, ásɛ baama tɔ bobɛlbwa. Tontombɛ ɛɛ wuruu ba tɔ bwejena ta, kɛŋɔ laa tena baa kpeɡa kohona ken. A dɔŋa ta chiɡe bwa, aa chiɡ saŋ bɛlbwa ɡe bwa.

Emɔs 3:6

Laa bɛla sio bwɛjen bɛl ta naa, o nɛra aa ɔmaa? Wechɔɡa ane chiɡ bwɛjen bɛl nɛra nɛ aa, dɛ Korowii laa ɡela a ba ɡɛ naa?

Emɔs 4:13

Korowiirii ta bwejena dɛ ta peu ɡe, dɛ ɡel nɛn jemɛ o liire. Onee ɡela webaŋa won jwaana bera, bwejena dor ɛ o natiɡribɔr, o sɔne Korowii Waa Ɛ Kpeɡri Bwa Dɔɔ.

Emɔs 5:6

Emɔs ŋɔ, “Hé berɛ ba Korowii be dɛ́ dɔ he nyu, ɡɛ laa aa, wɛɛ ba he Israel tena nɛɛ kɛŋɔ nii, dɛ́ ba fuh heya, dɛ́ fuh Bɛtel tena ɡe, nomɛlbwa aa wola won dima.

Neehum 1:8

Kɛ Niniwe te, wɛɛ chɔɡoo kɛŋɔ nee waa sua dɛɛ chɔɡ kwa, ásɛ dɛ doŋi o dɔma ta biro ta.

We-ɛɛla 4:28

Ba bwa chemo dɛ ɛ waa he ɡbaɡba aa kpɔ he kpeɡri ne he tetoora vɔrɔwe ŋɔ aa ɛo la.

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

Tɔn Jud Aa Chwera 1:13

Ba do kɛ mpo nehɛma a nyoa aa kpeɡa kohona ken. Gɛ a yon dɛɛ vuuɡi, a fufuɡ doŋa ɛɛ le baŋ la, ɡɛɛ baa vuuɡi wa, ásɛ ba sihihwa ɛɛ le baŋ. Ba do kɛ weweela aa wola chebɔr beŋkpoŋ dɔe, baa wola hwɛɡa kpɔe dɛɛ do a nɛɛ dɛɛ valɛ jwaana la. Biro kpirikpirii Korowii kwaa ba cheɡ bá ka do bela saŋ bɛlbwa.

Tɔn Jud Aa Chwera 1:6

Nyundua toroma ɡe aa wola ɡelɛ bela Korowii aa tɛɛ ba ŋɔ bá di kpeɡri maɡre ba ne, dɛ́ le ba dobɔr la, ó tɔ ba do biro ta, dɛ́ do ba jɔɡrɔre waa wola ban foo ta bwa, dɛ́ ka tel kɛŋɔ o tɔpejen waa dɛ ba nɛra waa bola dɛ́ pa bole la.