Aesaya 45:6 - mzwDBL

⁶ N ɛ ɡɛ, ásɛ le wee leebɔr kaa o cholibɔr, nomɛlbwa jemɛ kɛŋɔ menee Korowii. N habɔɔ, Dɔɔ bɛlbwa toole kpa, nemenɛ n ɡbo.

Aesaya 45:6 ပူးပေါင်းရင်းမြစ်များ

Yela 46:10

Korowii ŋɔ, “Hé ɡel yoi, dɛ́ jemɛ kɛ menee Korowii, menee kana harɛre nɛra bwa bini, n dɔŋ toole harɛ nɔ bwa ta.”

Yela 83:18

Gel ba jemɛ kɛ he ɡbosoo Nemenɛ Korowii, he habɔɔ, kooro bɛlbwa toole harɛ nɔ ta.

Aesaya 11:9

Nɛra aa ba dɔŋaa kpo kɛɛ dɛ chɔɡ komɛlbwa kpa, Korowii Bwejen waa do ɡoroŋ la ta. Nɛra ɛɛ jemɛ Korowii harɛ la bwa taa, kɛŋɔ mpo aa yɛɛra la ken.

Aesaya 37:20

Korowii yaa dɛ tomɛ, lɛ yaa le Asiiria koojen Senakerib nɔn ta, ásɛ harɛre bwa nɛra jemɛ kɛŋɔ he ɡboo Korowii.”

Aesaya 43:10

Korowii ŋɔ, “Israel tena, heyaa n danseɛre, n le heyaa kɛŋɔ n bonɔɔna ásɛ he jem mɛ dɛ́ yarada mɛ dɛ́ no a mun kɛŋɔ n ɡboo lole. N sie, Dɔɔ bɛlbwa toole, á ba ɛ kɛŋɔ n habɔɔ bɛl ta dɛ ba bala.

Aesaya 44:6

Nemenɛ Korowii waa ɛ Israel tena Kooro ne ba Lɛɛ la ŋɔ, “Menee komɛlbwa Sitɔɔ, ne a Muŋkaa bwa, n habɔɔ Dɔɔ bɛlbwa toole.

Aesaya 45:5

Menee Korowii, Dɔɔ bɛlbwa toole kpa, nemenɛ n ɡbo. Haa men jemɛ, kɛ mɛɛ tɛɛ kpeɡrii.

Aesaya 47:8

No, he dɛ di he bwara, dɛɛ lii kɛŋɔ wobɛlbwa toole dɛ́ won ɛɛ. He ŋɔ he ne Korowii kɛrɛdɛ, dɛ ŋɔ, nomɛlbwa toole he habɔɔ. He ta liire kɛŋɔ hɛɛ ɛ luhaahnee bwa, haa biseo ɡee di.

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Aesaya 59:19

Le wee leebɔr ba kaa wee cholibɔr, nɛra ɛɛ ɔmɔɔ dɛ́ kpɔ jirima tɛo. Dɛkalkɛŋɔ wɛɛ bao kɛŋɔ nepale ne peu a nyoa aa kpeɡa.

Ɛsekeɛl 38:23

Gɛ taa mɛɛ ba ɡela harɛre ɡalɡa nɛra na ɡɛ maa kana dɛ do ɡoroŋ. Ásɛ ba jemɛ kɛŋɔ menee Korowii.’ ”

Ɛsekeɛl 39:21

Mɛɛ ɡeloo harɛre ta nɛra na n jirima, dɛ́ na n deŋnetɛra maa kpɔa dɛɛ ba ba nɛ, ne ɡɛ maa cheɡɛ n kpeɡri ta dɛɛ ɛ, ne ɡɛ n liire aa wera.

Joel 2:27

Anee dɛ́ ɡel he jemɛ kɛ n ja he nɛɛ Israel harɛ, menee Korowii haa dɛ tom mɛ, nomɛlbwa toole kpa. Sihiih aa n nɛraa kpo bwa.”

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.