Aesaya 45:24 - mzwDBL

²⁴ Baa bol n waa ŋɔ, ‘O ɡbo bee waa aa toɡra ne kpeɡri do.’ Banɔ la ba baah aa di n nɛɛ la bwa, ɛɛ berɔɔ ba n be sihiih ne.

Aesaya 45:24 ပူးပေါင်းရင်းမြစ်များ

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Yela 110:2

Korowii ɛɛ tɛɛ kpeɡrii Saayɔn, ásɛ he di kora he dɔma baa bare cheme nɛ.

Yela 71:16

Nemenɛ Korowii, mɛɛ bol he wejena haa ɛa waa, mɛɛ bol toɡra he wa aa toɡra waa, he ɡbosoo waa toɡra.

Yela 72:9

Nɛra baa lɔ pua hɛŋle ɡbo harɛ ta ɛɛ ba ɡuŋi o siee, ásɛ o dɔma chole chɔ bomboɡ ta.

Yela 89:17

Henee tɛɛ ba he kpeɡri ne jirima kohona, he cheɡɛ he nyina ta dɛ ɡel ya pɔ ya dɔma nɛ.

Aesaya 26:4

Hé kpɔ he te dawɛ Korowii nɛɛ saŋ bɛlbwa. Onee Bwetal waa dɛ tɔ ya nɛɛ saŋ bɛlbwa.

Aesaya 41:11

Nɛra ba baah aa di he nɛɛ kohona la bwa, sihiih ɛɛ kpo baa ba baŋa ɡole. Nɛra baa ŋɔ bá yo heyaa la, ɛɛ serewoo dɛ́ tonɛ.

Aesaya 44:8

He bɛ ɡel he bwara ɛɛ sa! He bɛ ɔmɛ! Saŋ la bwa laa n le baɡle waa nɔ, dɛ bola aa? N danseɛree heya. Dɔɔ bɛl ɡe lole dɛ ja n nɛ aa? Akai, Bwetal bɛlbwa toole he chwa ka marɔ ó won lɛ heya, beŋkpoŋ ɡba toole.”

Aesaya 45:25

Men Korowii ɛɛ ɡeloo Jekɔb naanar bwa waa toɡre, ásɛ ba kpɛɛ mɛ.”

Aesaya 54:17

Dɔmkon bɛlbwa toole bá won kpɔ che he nɛɛ á maɡre. Nomɛlbwa waa kpɔ waa dawɛ he nɛɛ la, wɛɛ di bolchɔɡee. Mɛɛ che n bonɔɔna habɔɔ, bá di bole ba dɔma nɛ. Men Korowiirii bola.”

Aesaya 55:5

Kpelaa, hɛɛ yerɛ harɛre nɛra baa wola hen jemɛɛ, bá ba he be, harɛre nɛra haa wola ban jemɛ ɡe ɛɛ chwao ba he be. Men Israel Nɛŋɡoroŋ haa dɛ tom mɛ nomanta, baa ba he bee, jirima maa ɡela he dɔ la wa.”

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Aesaya 60:9

A ɛ stiimaere aa le bojaŋa dɛ kpɔ n nɛra dɛɛ ba dem. Ba cheɡɛ suuɡapoŋa ne suuɡaswɛm dɛɛ ba, dɛ kpɔ jirima dɛɛ ba ba tɛ men Korowii Israel tena aa dɛ tomɔ, Israel Nɛŋɡoroŋ waa ɡela harɛre nɛra kpɔ duure dɛɛ tɛ o nɛra la.”

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 61:11

Gɛ konduuli yon pere harɛ dɛ le, dɛ kpeɡ la, ɡɛɛ Nemenɛ Korowii ɛɛ ba o nɛra lɛɛ, ásɛ harɛre nɛra bwa kpɛɛro.

Jeremia 33:16

A ɡɛ saŋ la, mɛɛ lɛ Juda ne Jerusalam nɛra bwaa, ásɛ ba so deŋnesɔɔhna ta. Ásɛ baa yerɛ bwɛjen Jerusalam ‘Korowii Waa ɛ Ya Lɛɛ.’ ”

Habakuk 3:19

Nemenɛ Korowiirii n kpeɡri, o ɡelɔ n nakpale do kɛŋɔ chwae kwaa ken, n won bwejena dor vala. N chwerɛ waa nɔ ka tɛ yela nomoa ó kpɔ o janjela ne kwaa aa do ɡɛ la lɔa.

Sekaria 10:12

Mɛɛ tɛ n nɛra kpeɡrii, ásɛ baa tom mɛ dɛɛ no n wa. Men Korowiirii bola.”

Sekaria 10:6

Mɛɛ ɡeloo Juda dea tena do kpeɡri dɛ́ lɛ Josef dea tena. Mɛɛ berɔɔ ba ba ne bela ba fa aa lole, dɛkalkɛ n dɔ tedoma tɛɛ ba. Baa doo kɛŋɔ nɛra n fa aa wola ban vɛɛh ken, dɛkalkɛ menee Korowii baa dɛ tom mɛ la. Mɛɛ dɛɛ chaŋ baa ba wesoŋa taa.

Sekaria 12:5

Ásɛ Juda nomonome bol dɔŋa be ŋɔ, ‘Jerusalam tena kpeɡri, dɛkalkɛ Koranar Bwa Kooroo baa tomɛ.’

Sekaria 8:23

A ɡɛ saŋ la, baala fi ɛɛ le harɛre wobol bɛlbwa binii, dɛ́ ba lawɛ Juu te beŋkpoŋ batakaare nyoa dɛ́ ŋɔ, ‘Gel ya ne he kaa, ya noɔ kɛ Korowii ja he nɛ.’ ”

Amanesoma Luk Aa Chwera Tɔn 13:17

Yeesu aa bol ɡɛ la, sihiih kpo o dɔma la. Kɛ nɛnlaa baa kaa la te sie lɛ nyokpowaa waa ɛa la ta.

Amanesoma Luk Aa Chwera Tɔn 19:27

N dɔma la baa ŋɔa baa men nyin kɛ n ɛ ba kooro la ɡe, hé laɡ ba ba n siwi ta bonɔ dɛ́ ba kpoo ba!’ ”

Amanesoma Jɔn Aa Chwera Tɔn 12:32

Men, baa ɡɔɔ mɛ nyundua le harɛ nɔ ta. Ba baa ɡɔɔ mɛ naa, mɛɛ tɛr nɛra bwaa ba n be.”

Amanesoma Jɔn Aa Chwera Tɔn 7:37

Ba Kukure tɔpera la dii ta tɔpere waa baa ka mun dɛ ɛ tɔpejen tenten la, Yeesu iro che dɛ kpɔ takpeɡ ŋɔ, “Nomɛlbwa nyɔɡre aa dɛ kpoo la, ó ba n be ń tɛo nee ó nyɔ.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Ɛfesos 3:16

N dɛ soŋo kɛ, chae waa dɛ cha yaa kohona a dɔ jirima nɔ nomanta, ó ɡel o Domadɛɛɡe tɛ heyaa kpeɡri, ásɛ he won lawɛ o waa bini kiŋkiŋ he bambile bwa ne,

Ɛfesos 6:10

Anɔ la aa kaa laanee kɛŋɔ hé ɡel he ne ya Dɔɔ pɛ, ásɛ he won dɔ kpeɡri waa dɔa kohona la.

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

Kolosi 1:11

dɛ́ won dɔ kpeɡri kɛrɛdɛ dɛ́ le o ɡbaɡba kpeɡri waa do kan dɛ dɔ jirima kɛrɛdɛ la ta. N dɛ soŋe Korowii ó cha heyaa ɡɛ hé won lawɛ bambile wobɛlbwa ta,

2 Pita 1:1

Men Seemɔn Pita maa ɛ Yeesu Kristo bonɔɔ dɛ ɛ o torome la, men chwerɛ tɔn nɔ dɛɛ tɛ he nɛra haa dɛ yarada Yeesu Kristo waa ɛ ya Korowii ne ya Lɛɛ la. O wa aa toɡra nomanta, o tɛ heyaa ya yarada waa wera nɔ dɔŋ.

Wepila 11:18

Nɛra baa lɔ harɛ ta baah diu, kɛ tɔpere baa nyɔ he danana nee la ɡe telo. He bole pae tɔpere telo, hɛɛ ba dɛ́ ba bol nɛra baa serewa la waa dɛ́ pa bole, dɛ́ bɔ he bonɔɔna baa ɛ he keamere ne he nɛra ne banɔ la baa dɛ ɔmɛ la kem, ba bini nɛnjena ne nɛmpɛɛne bwa, dɛ́ chɔɡ banɔ la baa dɛ chɔɡ harɛ la.”

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.