Aesaya 45:21 - mzwDBL

²¹ Hé cheme, dɛ́ bol he waa kɔɔto, ásɛ nɛra baa kpɔ waa daɡ ba la le jina dɛ́ kpɔ liire. Umee bol waa aa chiɡa taraken nɔ bil wubwa nɔ? Umee le saŋ la bwa dɛ bola ɔ? Men Korowii maa ɛ he Lɛɛ la laa aa? Dɔɔ bɛlbwa toole.

Aesaya 45:21 ပူးပေါင်းရင်းမြစ်များ

Yela 26:7

N ɡo yela kohona dɛɛ kpɛɛre, dɛɛ bol he nyokpowe-ɛɛla bwa wa.

Yela 83:18

Gel ba jemɛ kɛ he ɡbosoo Nemenɛ Korowii, he habɔɔ, kooro bɛlbwa toole harɛ nɔ ta.

Yela 96:10

Hé ɡel harɛre nɛra bwa no kɛŋɔ, “Korowii dɛ di kora! O ta harɛ o che kiŋkiŋ waa wola yiiɡi, dɛ bol nɛra bwa waa dɛɛ pa ba bole ɡɛ aa chɛa.”

Aesaya 19:20

Aa cheo dɛɛ baɡle waa dɛ tɛ Koranar Bwa Kooro Ijipt harɛ ta. Dɛ nɛra dɛ ɛɛ ba hɔhɔrɔwa asɛ ba do lɔŋɔ tɛ Korowii aa, wɛɛ tɛɛ baa lɛɛree ó lɛɛ ba.

Aesaya 41:26

He bini ume voɡee bola bil wubwa kɛŋɔ waa nɔ ɛɛ chiɡuu ásɛ ya jemɛ kɛŋɔ o dɛ bol kasinteŋ ɔ? Voɡ bɛlbwa toole dɛ bol ɡɛ waa nɔ. Nomɛlbwa ta an noɛ le he be bwa.

Aesaya 43:11

Menee Korowii, n ɡbosoroo, n habɔɔ, Lɛɛ bɛlbwa toole.

Aesaya 43:3

Menee Korowii haa dɛ tom mɛ, he Israel Nɛŋɡoroŋ maa dɛ lɛ heyaa la. N kpɔ Ijipt tena charɛ he nyu, dɛ kpɔ Itiopia ne Seba tena cheɡ he buɡ ta dɛ lɛ heya.

Aesaya 43:9

Gel harɛre bwa ta nɛra ba cheme bobeŋkpoŋ. Ba voɡ besoo wona baɡle waa aa ɛa saŋ la mɔɔ a ɛɔ? Voɡ besoo wona baɡle anɔ aa dɛ ba chiɡa taraken nɔɔ? A ba a danseɛre ne dɛ́ ba baɡle kɛŋɔ waa aa dɛ ba bola la ɛ kpela, ásɛ ane ɡe no dɛ́ sɛh kɛŋɔ kpelaa.”

Aesaya 45:14

Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Aesaya 45:18

Korowiirii ta nyundua onee Korowii, dɛ berɛ ta harɛ ɡe o che kiŋkiŋ. O ta harɛ tae o chɔ pɛɛpɛɛ, kɛ o tao ŋɔ nɛra so o ta. O ŋɔ, “Menee Korowii, Dɔɔ bɛlbwa toole kpa.

Aesaya 45:25

Men Korowii ɛɛ ɡeloo Jekɔb naanar bwa waa toɡre, ásɛ ba kpɛɛ mɛ.”

Aesaya 45:5

Menee Korowii, Dɔɔ bɛlbwa toole kpa, nemenɛ n ɡbo. Haa men jemɛ, kɛ mɛɛ tɛɛ kpeɡrii.

Aesaya 48:14

Hé bwa ba cheme dɛ́ no. Voɡa la bini umee wona baɡle anɔ nɔɔ? Nɛn maa leo la ɛɛ yo Babelɔn tenaa. Wɛɛ ɛ waa maa dɛ nyin kɛ o ɛ bwaa.

Aesaya 48:3

Fini laa n le dɛ bol waa aa ɛa. N bola biɡri asɛ he jemɛ, buɡ la taa n den ɡel a ɛ.

Aesaya 60:16

Harɛre nɛra ne koranar ɛɛ nyiŋi he nɛɛ kɛŋɔ, haah aa dɛ ɔr o bie, ásɛ he jemɛ kɛŋɔ men Korowiirii he Lɛɛ, menee Korowii, Jekɔb Kpeɡnɛn waa tomɔ la.

Aesaya 63:1

“Umee le bwɛjen Bosra waa lɔ Edom harɛ ta dɛɛ ba nɔɔ? Umee ka dɛ ba dɛ tɔ yaswɛɛma dɛɛ ba kpeɡri ne bokpeɡa ta ken?” Anee Korowii ŋɔ, “Menee, n dɔ kpeɡri dɛ́ won lɛ heya n dɛ ba dɛ́ ba bol yoi maa yoa dɛ pɔ wechɔɡa nɛɛ wa.”

Jeremia 50:2

“Bol Babelɔn harɛ waa baɡle harɛre nɛra bwa. Ir fraŋkaa, á baɡle waa aa dɛ ba! Bɛ wobɛlbwa kpɔ sɔh, ŋɔ, ‘Babelɔn dɛ́ ba paɡra. Baa paɡre ba voɡ Maadukuu, ásɛ sihiih kpo Babelɔn harɛ voɡa aa ɛ kii kwaa la bwa.’

Hosia 13:4

Korowii ŋɔ, “Menee Korowii haa dɛ tom mɛ n lawɛ heyaa le Ijipt harɛ la. He bɛ voɡ bɛlbwa yarada ka ja n nɛ. Lɛɛ bɛlbwa toole ka ja n nɛ.

Sefania 3:17

Korowii haa dɛ tomɔ la ja he nɛ. O dɔ kpeɡri dɛ́ won lɛ heya. O sie ɛɛ lɛ he nɛɛ kohonaa, dɛ́ che o nyina ta tɛ heyaa mkpafale. Wɛɛ ɡo yelaa dɛɛ hɛɡre he wa.

Sefania 3:5

Korowii ta lɔ bwɛjen la bini, o waa toɡrɔ, waa wola wedoŋa nyin. Tɔpere bɛlbwaa wɛɛ di o nɛra kasinteŋ, waa wola habɔɔ le saŋ bɛlbwa, kɛ ane a bwa, sihiih aa wechɔɡ-ɛɛra baa lɔ o ta la kpo.

Sekaria 14:7

Gɛ tɔpere la dɔŋ ta balɛ bwa, webaŋa toole, jwaana ɡe toole, Korowii ɡboo jemɛ a ɡɛ tɔpere la wa. Hale jwaana kwara dɛ bɔr ta chaahnɔ.

Sekaria 14:9

Korowiirii dɛ́ ɛ kooro awola tɔpere la harɛ nɔ bwa ta. Nomɛlbwa ɛɛ dɛɛ tomɔɔ, dɛ́ jemɔ dɛɛ yerɛ o ɡbo sɔn.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

We-ɛɛla 15:18

A saŋ la bwaa o ɡel nɛra na ɡɛ waa nɔ.’