Aesaya 45:2 - mzwDBL

² “Mɛɛ tɔ he siee, dɛ́ bur bwejena ne deŋɡarere. Mɛɛ paɡre ayaawa ɡberjenaa, dɛ́ kuuɡi bune baa kpɔa kaɡra la ɡe.

Aesaya 45:2 ပူးပေါင်းရင်းမြစ်များ

Yela 107:16

dɛkalkɛ o kuuɡi ayaawa ɡbeni, dɛ teŋni bune baa kpɔa kaɡra.

Aesaya 13:2

Hé kpɔ laa fraŋkaa ka pa deŋɡare daa aa wola toole o ta, ásɛ dɛ kpɔ takpeɡ ŋɔ laa tena ba, dɛ́ ir nɔɔra baɡ ba bá ka jo nɛnjena bwɛɛ la ta dɛ́ yoo ba.

Aesaya 14:31

Hé do lɔŋɔre dɛɛ wii, he banɔ la haa lɔ bwɛjena bini la! Filisti tena, hé ɡel he bambile teŋe! Yoyoora tenten le weekaŋle nyunduabɔr dɛɛ ba, kɛŋɔ ninchuu ken, dɛ bwa pɛ dɛɛ ba ba yo heya.

Aesaya 24:12

Bwɛjen la chɔɡɔ, o doonyoo ɡbeni bwa kuuɡo kwaraa.

Aesaya 40:4

Fɛlembɔɔ te bɛlbwa chɛ kɛŋɔ hé tɔɔ, dɛ́ bur deŋɡare ne bwe te bɛlbwa. Bobɛlbwa waa wola were la chɛ kɛ hé ɡel ó chɔ harɛ, dɛ́ kwaa ŋwɛnɛ deŋɡarere dor harɛ waa chɔa kaa ta ó chɔ kpalantaŋ.

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Aesaya 45:13

Mɛɛ che toɡra n wa aa toɡra taa, dɛ́ ɡel Saeros ir dɛɛ ɛ waa aa toɡra ne anɔ la maa dɛ nyin. Mɛɛ kwaa o ŋwɛnɛree a do wer. Onee dɛ́ ba kwaa ma n bwɛjen Jerusalam, dɛ́ lɛ n nɛra baa laɡ ba laa ta kaa harɛfala ta la. Waa ɛ dɛ́ lɛ komɛl le nɛn be. Men Nemenɛ Korowiirii ŋɔa.”

Aesaya 48:15

Menee pili nyoa dɛ yerɔ, menee leo dɛ ɡel o won ɛ o toma bwa ka tonɛ.

Jeremia 28:13

“Ir la ka ŋɔ Hanania be ŋɔ, ‘Haa wona ku daa la nomanta, buni konee dɛɛ ba ba chiɡ o naa ta.

Jeremia 51:30

Babelɔn laa tena ɡel yoi dɛ ka so ba dekpeɡa bini. Ba bokpeɡa tonɔ ba do kɛŋɔ haahna ken. Ba kuuɡi bune baa kpɔa dɛɛ kaɡre ba doonyojena bwa, dɛ kpaa nii do ba deene ta.

Jeremia 51:58

Koranar Bwa Kooro bolɔ ŋɔ, “Babelɔn danjwɛkpeɡ la dɛ́ ba kuuɡa chɔ harɛ, ásɛ nii le o doonyojena ta. O nɛra koeh baa koah ɛ pɛɛ, ásɛ nii le a bwa ta á fuh.”

Daneɛl 5:28

Pɛrɛs ɡe munii kɛŋɔ, ba bɔne he kora bini tɛ Midia ne Pɛɛsea tena.”

Daneɛl 8:4

N na pebal la kɛŋɔ waa chuɡri ola le wee cholibɔr ne weekaŋle nyunduabɔr dɛ weekaŋle harɛbɔr. Ol bɛlbwa ta wone che o sie kɛɛ dɛ won sɔɔh o kpeɡri nyoa. O ɛ ɡɛ a too o tea dɛ dɔ kpeɡri taeh.

Neehum 3:13

He laa tena bwa berɛ haahna. He bwɛjena doonyoo pilo paɡri nɛɛ tɛ he dɔma, a doonyoo ɡbeni bwa fuoh.

Amanesoma Luk Aa Chwera Tɔn 3:5

Fɛlembɔɔ te bɛlbwa chɛ kɛŋɔ hé tɔɔ, dɛ́ bur deŋɡare ne bwe te bɛlbwa. Ŋwɛnɛ bɛlbwa waa ɡola la chɛ kɛŋɔ hé toɡro, dɛ́ kwaa ŋwɛnɛ bɛlbwa bɔɔne bɔɔnere aa lɔ o ta ó chɔ kpalantaŋ.

We-ɛɛla 1:15

Aa baa di tɔpera anɛ la, ba bala la bwa chemo. Baa tel nɛra lafa fifraanɛɛ. Asɛ Pita ir che ba baah ta dɛ ŋɔ,