Aesaya 45:14 - mzwDBL

¹⁴ Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Aesaya 45:14 ပူးပေါင်းရင်းမြစ်များ

Mumpar 27:29

Harɛre nɛra ɛɛ tomɛɛ, dɛ́ ɡuŋii harɛ. Hɛɛ ɛ nomoa he nya bii bwa nɛɛ, ásɛ ba ɡuŋi harɛ. Nomɛlbwa waa taahnee la, á berɛ ɡure o nyu ta, ásɛ nomɛlbwa waa soŋe andɛɛɡa tɛɛ la, ó ɡe dɔ andɛɛɡa.”

2 Samoɛl 21:20

Laa bɛl ɡe chole Gat ja. Dɛ baa bɛl kpeɡo o bwara do kpeɡri kohona. O nɔn bɛlbwa ta, o dɔ nonie anumɛl, o nanie ɡe ɛ anumɛl o nakpale ta. A bwa lɔ fifraanɛ dɛ anaarɛ. O ɛ Rafa naa.

Ɛsta 8:17

Harɛ bɛlbwa ne bwɛɛ bɛlbwa ta toroma la aa la mmarafale nɔ ne la, Juu tena baa lɔ bela la bwa sie dɛ lɛ baa hɛɡre, dɛ so di kwaa dɛɛ lɛ ba sie. Nɛra baa wola Juu tena ɛɛ la bini bane ɔmɔ, dɛ kpɔ ba te berɛ Juu tena, dɛkalkɛ ba we-ɛɛla la ɡelɔ ɔmee laɡ ba.

Job Tɔn 1:15

asɛ Seba tena ba lɔ jo a bini, dɛ lawa kaa. Ba kpoo n bala la bwa. N ɡboo wona dɔ bɔr chwa, dɛ baa bol he be la!”

Job Tɔn 11:19

Hɛɛ chɔɔ nomɛlbwa aa wola won aahre, nɛra ɡalɡa ba he be, hɛɛ cha ba.

Yela 149:6

Bá do lɔŋɔre dɛɛ kpɛɛ Korowii, dɛ́ kpoŋe tokobijen sie anɛ te waa nyɛɡa,

Yela 149:8

Bá vɔrɔwe ba koranar jɔɡrɔre ne, dɛ́ do kwaa ba nomonjena nakpale.

Kaala 11:8

He nomonome nɔ bwa ɛɛ berɔɔ ba n be, dɛ́ ba ɡuŋ mɛ dɛ́ ŋɔ ń kaa, n ne n nɛra bwa baa teŋɛ n nɛ. Ásɛ mɔɔ ń kaa.” Belaa Mosis kpɔ bandia kohona le kooro sie kaa.

Aesaya 10:33

Hé no! Korowii, Koranar Bwa Kooro ɛɛ ba ba ne harɛɛ, kɛŋɔ baa choo daa dɛɛ ta la ken. Dajaŋa la, wɛɛ teŋaa ɡo, dajena ɡe bwa choɡli.

Aesaya 18:1

Nɛra baa lɔ Itiopia harɛ neerare baŋ le tontombɛ aa su o ta la, bá bwɛɛlɛ.

Aesaya 18:7

A ɡɛ saŋ la, nɛra baa kpeɡa kohona ba bwara do wer, ba do ɔma harɛ nɔ bwa ta, dɛɛ tiɡri ba dɔma nɛ, neerare peɡri ba harɛ bini la, baa kpɔ koŋkɛɛlaa ba tɛ Koranar Bwa Kooro Saayɔn Bwejen ta, bela baa dɛ tomɔ.

Aesaya 19:21

Korowii ɛɛ kpɔ o tenee baɡle Ijipt tena bá jemɔ awola, dɛ́ tomɔ dɛ́ kpoo kwaa tɛo, ásɛ dɛ kpɔ mea sarahare ɡe tɛo. Baa baɡɔ nyoa dɛɛ teŋɛ a ta.

Aesaya 19:22

Korowii ɛɛ tɛr Ijipt tena deŋnee mɔɔ dɛ lɛɛ ba. Baa ba o bee ásɛ o no ba wesoŋa dɛ́ chaah ba.

Aesaya 23:18

Ba tɔnɔ baa dɔ ne ba suuɡa baa dɔa la, baa a taa tɔ. Baa kwaaraa cheɡ á ɛ Korowii kwa, ásɛ nɛra baa dɛ tomɔ la kpɔ yawɛ kondikwaa kohona dɛ́ di dɛ́ yawɛ ba bwara laaladɛɛɡa baa dɛ nyin bwa.

Aesaya 43:3

Menee Korowii haa dɛ tom mɛ, he Israel Nɛŋɡoroŋ maa dɛ lɛ heyaa la. N kpɔ Ijipt tena charɛ he nyu, dɛ kpɔ Itiopia ne Seba tena cheɡ he buɡ ta dɛ lɛ heya.

Aesaya 44:8

He bɛ ɡel he bwara ɛɛ sa! He bɛ ɔmɛ! Saŋ la bwa laa n le baɡle waa nɔ, dɛ bola aa? N danseɛree heya. Dɔɔ bɛl ɡe lole dɛ ja n nɛ aa? Akai, Bwetal bɛlbwa toole he chwa ka marɔ ó won lɛ heya, beŋkpoŋ ɡba toole.”

Aesaya 45:24

Baa bol n waa ŋɔ, ‘O ɡbo bee waa aa toɡra ne kpeɡri do.’ Banɔ la ba baah aa di n nɛɛ la bwa, ɛɛ berɔɔ ba n be sihiih ne.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Aesaya 54:3

Hɛɛ paɡri he harɛ jwɛhree a kaa sie diɡ ne ɡal, ásɛ he naanar berɛ lɛ harɛre nɛra bane aa soɡe a ta taraken nɔ, dɛ́ so a ta. Bwɛjena aa chɔ pɛɛ taraken la, he nɛra ɛɛ warɔɔ dɛ́ berɛ ba so a ta.

Aesaya 55:5

Kpelaa, hɛɛ yerɛ harɛre nɛra baa wola hen jemɛɛ, bá ba he be, harɛre nɛra haa wola ban jemɛ ɡe ɛɛ chwao ba he be. Men Israel Nɛŋɡoroŋ haa dɛ tom mɛ nomanta, baa ba he bee, jirima maa ɡela he dɔ la wa.”

Aesaya 60:3

Harɛre nɛra ne koranar bwa ɛɛ ba he bochaah la taa.

Aesaya 61:9

Ba sɔn ɛɛ leo harɛre nɛra bwa bini, ásɛ nomɛlbwa waa na ba jemɛ kɛŋɔ banee n swee andɛɛɡa tɛ.”

Jeremia 16:19

N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.

Ɛsekeɛl 23:42

N dɛ no nɛra baa wara dɛ di kwaa dɛɛ lɛ ba sie ɡbɔɡa. Ba ɛ baala baa le ba ne pua hɛŋle ɡbo harɛ ta. Gɛ baala la kpɔ nɔnloɡa do haahna la, dɛ kpɔ haŋkoo-ɡbɛrɛre aa wera pi ba.

Ɛsekeɛl 31:3

He do kɛŋɔ peleme daa waa lɔ Lɛbanɔn harɛ ta, o kpala ne papooni do wer dɛ tɔ kɔr. O pamɔ kaa nyundua dɛ do jaŋne dɛ kaa baama ta.

Joel 3:8

Mɛɛ yoɡ he bibaala ne bihaahnaa tɛ Juda harɛ ta tena, ásɛ ba ɡe yoɡ ba tɛ Seba tena baa soɡe bojaŋ harɛ ta la.” Korowiirii bola.

Nɛra Kura 13:32

Ate, ba kpɔ harɛ la waa dɛɛ ɡaaɡe ba bala Israel tena la bini, dɛ teŋe nyosone dɛɛ chɔɡ ba liire ŋɔ, “Harɛ la aa were dɛ́ won cha yaa kohona, nɛra yaa na ba bela ɡe bwa kpekpeɡo kɛrɛdɛ.

1 Kɔrent 14:25

O tea bini waa bwa ɛɛ chɔ baŋee, ásɛ o ɡuŋi Korowii harɛ dɛ́ soŋo, ásɛ dɛ ŋɔ nɛra be ŋɔ Korowii ja he nɛɛ kpela.

1 Tesalonika 1:9

Ba ɡbabir dɛ bol he wa, ɡɛ haa kpoŋe yaa dɛ no ya be, dɛ charɛ he liire le voɡa aa wola mkpa dɔe la ta dɛɛ tomɛ Korowii waa lole saŋ bɛlbwa dɛ dɔ mkpa la,

Wepila 3:9

Hɛ́ɛ no! Bɔnsam habɔteŋra baa dɛ teŋe nyosone, baa wola Juu tena ɛɛ dɛɛ yerɛ ba te Juu tena la, mɛɛ ɡeloo bá ba ɡuŋi he sie, dɛ́ jemɛ kɛŋɔ n dɛ nyin heya.